ဖေဖော်ဝါရီ ၂၇ ရက်နေ့မှာ ဘောလုံးသမားတွေရဲ့ ရွေးချယ်မှုအရ ကမ္ဘာပေါ်က အကောင်းဆုံး ၁၁ ဦးအသင်းကို ဖီဖာရဲ့ The Best ဆုပေးပွဲမှာ ကြေညာသွားမှာဖြစ်ပြီး ကမ္ဘာတလွှားက ထောင်ပေါင်းများစွာသော ကစားသမားတွေက ဂိုး၊ ခံစစ်၊ ကွင်းလယ်နဲ့ တိုက်စစ်တွေမှာ ဘယ်ကစားသမားတွေက အကောင်းဆုံးလဲဆိုတာကို အဖြေပေးကြမှာ ဖြစ်ပါတယ်။

စုစုပေါင်း ကမ္ဘာပေါ်က ပရော်ဖက်ရှင်နယ်အမျိုးသား ကစားသမား ၁၉၀၀၀ နီးပါး ပြီးခဲ့တဲ့နှစ်မှာ ကမ္ဘာ့အကောင်းဆုံး ၁၁ ဦးအသင်းကို မဲပေးခဲ့ကြပြီး အဲဒီအသင်းထဲမှာ ဒွန်နာရမ်းမား၊ ရူဘင် ဒီယက်စ်၊ ဂျော်ဂျင်ညိုတို့လို ကစားသမားတွေပါဝင်ခဲ့တာ ဖြစ်ပါတယ်။ အဲဒါဆိုရင် ပဲရစ်မှာ ကျင်းပမယ့် ယခုနှစ်အတွက် ကမ္ဘာ့အကောင်းဆုံး ၁၁ ဦးအသင်းအတွက် ဆန်ခါတင်စာရင်းတွေထဲမှာ ဘယ်ကစားသမားတွေ ပါဝင်နေလဲဆိုရင် ဂိုးသမားနေရာအတွက် အယ်လစ်ဆန်၊ ကူတွာ၊ အီမီလီယာနို မာတီနက်ဇ်တို့ ရွေးချယ်ခံခဲ့ရပါတယ်။

နောက်ဆုံး တိုက်စစ်နေရာအတွက် ကစားသမား ၇ ဦး ရွေးချယ်ခြင်း ခံခဲ့ရပြီး ခရစ္စတီယာနို ရော်နယ်လ်ဒို၊ လီယွန်နယ် မက်ဆီ၊ အာလင်း ဟာလန်း၊ အမ်ဘာပေတို့လို ကစားသမားတွေ ပါဝင်ခဲ့တာ ဖြစ်ပါတယ်။

2022 FIFA FIFPRO အကောင်းဆုံး ၁၁ ဦးအသင်းအတွက် ဆန်ခါတင်စာရင်း

ဂိုး- အယ်လစ်ဆန်၊ ကူတွာ၊ မာတီနက်ဇ်

နောက်တန်း- ကန်ဆယ်လို၊ ဒေးဗီးစ်၊ ဗန်ဒိုက်၊ ဂွါဒီယောလ်၊ ဟာကီမီ၊ ဟာနန်ဒက်ဇ်၊ ရူဒီဂါ၊ ဆေးလ်ဗား

အလယ်တန်း- ဘယ်လင်ဟမ်၊ ကာစီမီရို၊ ဒီဘရိုင်းနား၊ အန်ဇို ဖာနန်ဒက်ဇ်၊ ဂါဗီ၊ မိုဒရစ်၊ ပယ်ဒရီ၊ ဗယ်လ်ဗာဒီ

ရှေ့တန်း- ဘန်ဇီးမား၊ ဟာလန်း၊ လယ်ဗန်ဒေါ့ဗ်စကီး၊ အမ်ဘာပေ၊ မက်ဆီ၊ နေမာ၊ ရော်နယ်လ်ဒို