အတည်မပြုနိုင်သေးတဲ့ သတင်းဖော်ပြချက်တွေအရ ဘင်ဖီကာအသင်းဥက္ကဌရူအီကော်စတာဟာ ဒါဝင်နူနက်ဇ်ရဲ့ အပြောင်းအရွှေ့ဖြစ်မြောက်ချိန်မှာ ရှန်ပိန်ပုလင်းဖွင့်ဖောက်ပြီးတော့ အောင်ပွဲခံခဲ့တယ်လို့ ဆိုပါတယ်။ ပါးစပ်သတင်းတွေကတဆင့် ထုတ်ဖော်ပြောဆိုမှုတွေအရ ရူအီကော်စတာက အခုလိုမျိုး ပြောဆိုခဲ့တယ်လို့လည်း ဆိုပါတယ်။ 

"လီဗာပူးလ်က သူ့ကိုစိတ်ဝင်စားနေတယ်လို့ ကျနော်တို့ ကြားချိန်မှာ ယူရို သန်း ၄၀ - ၄၅ သန်းလောက်ရမယ်လို့ မျှော်လင့်ခဲ့တာပါ၊ နှစ်ရက်လောက်ကြာတော့ သူ့အတွက် ဖက်စ်ကတဆင့် ယူရိုသန်း ၈၀နဲ့ အပိုဆုကြေးပေးမယ်လို့ လီဗာပူးလ်က ကမ်းလှမ်းစာရောက်လာတယ်၊ တခန်းလုံးပတ်တုပ်လို့မရအောင် ရယ်ကြတော့တာပဲ၊ ကျနော့် လက်ထောက်ကို အပိုဆုကြေးတွေအပါ ယူရိုသန်း ၁၀၀ ရရင် ရောင်းမယ်လို့ ဖက်စ်ပြန်ပို့ဖို့ ကျနော်ပြောလိုက်တယ်"

လက်ရှိမှာ​တော့ ဒါဝင်နူနက်ဇ်က အသင်းသစ်လီဗာပူးလ်နဲ့အတူ ရာသီကြိုခြေစမ်းပွဲတွေကို ကစားနေပြီဖြစ်ပါတယ်။ အဆိုပါပွဲတွေမှာ သူ့ရဲ့ အံအ့ားသင့်ဖွယ်လွဲချော်မှုတွေကြောင့် ပရိသတ်တွေရဲ့ လှောင်ပြောင်မှုကို ရင်ဆိုင်နေရပြီး ဖိအားတွေအောက်ရောက်နေကာ ယာဂင်ကလော့ပ်နဲ့ အသင်းဖော်တွေက သူ့ကို ကာကွယ်ပေးနေရပါတယ်။