၁။ ဟင်းနုနွယ်ရွက်

အမျိုးသမီးတွေမှာဆိုရင် ခန္ဓာကိုယ်က လိုအပ်တဲ့ ဗီတာမင်နဲ့သတ္တုဓာတ်တွေ အားနည်းမှုကြောင့်လည်း ဆံပင်ကျွတ်ရပါတယ်။ ပရိုတိန်း (အသားဓာတ်)၊ သံဓာတ်၊ သံဓာတ်သိုလှောင်မှု၊ ဗီတာမင် D နဲ့ အခြားသတ္တုဓာတ်တွေဟာ ဆံပင်ကောင်းခြင်း၊ ဆံပင်မကောင်းခြင်းနဲ့ ဆက်စပ်နေပါတယ်။ အထူးသဖြင့် သံဓာတ်အားနည်းရင် ဆံပင်ကျွတ်ရပါတယ်။ ဟင်းနုနွယ်က သံဓာတ်ကြွယ်ဝတာမို့ ဆံပင်ကျွတ်တာ သက်သာစေပါတယ်။ မဂ္ဂနီဆီယမ် (magnesium) ၊ ပိုတက်ဆီယမ် (potassium) ၊ ကယ်လ်ဆီယမ် (calcium) နဲ့ သံဓာတ်တို့က ဆံပင်အတွက် အားဖြစ်စေပါတယ်။ ဒီဓာတ်တွေ ပါဝင်တဲ့ဟင်းနုနွယ်ကို စားခြင်းဟာ ဆံပင်ကျွတ်ခြင်းကို သက်သာစေပါလိမ့်မယ်။

ဆယ်လ်မွန်ငါးက အိုမီဂါ - ၃ ဖက်တီအက်ဆစ် (omega - 3 fatty acids) တွေ များပြားစွာ ပါဝင်နေပါတယ်။ ဒါတင်မက ဗီတာမင်  D လည်း ပါဝင်တာမို့ ဆံပင်အတွက် အကောင်းဆုံး ကောင်းကျိုးတွေကို ပေးမှာဖြစ်ပါတယ်။ ဆံပင်လည်း သန်စေပါတယ်။

၃။ ဥအမျိုးမျိုး

ကြက်ဥ/ဘဲဥတို့လို ဥအမျိုးမျိုးမှာ ပါဝင်တဲ့ ဘိုင်အိုတင် (biotin) ဟာ ဆံပင်သန်စွမ်းမှုကို များစွာ အထောက်အကူဖြစ်စေပါတယ်။ ဆံပင်ပေါက်ဆေးအနေနဲ့တောင် သောက်သုံးကြပါတယ်။ ကြက်ဥအနှစ်က ဆံပင်အမြစ်တွေကို ခိုင်စေလို့ ဆံပင်မကျွတ်တော့ပါဘူး။ ဒါပေမဲ့ ကြက်ဥအကာကတော့ ဘိုင်အိုတင် ရယူမှုကို အတားအဆီးဖြစ်စေပါတယ်။ ဆံပင်သန်ချင်ရင် ကြက်ဥအနှစ်ကိုသာ စားပါ။

Source : Eat This