တဖြည်းဖြည်းနဲ့ သင်္ကြန်နားနီးလာပြီဆိုတော့ သင်္ကြန်ရဲ့အငွေ့အသက်လေးတွေက ဘယ်နားသွားသွား ခံစားသိရှိနေရတယ်။ ဒါပေါ့၊ သင်္ကြန်ဆိုတာ ကျနော်တို့နိုင်ငံရဲ့ ကြီးမားတဲ့သြဇာအရှိဆုံး၊ ပျော်ရွှင်စရာ အကောင်းဆုံး ရိုးရာပွဲတော်ကြီးပဲလေ။

တကယ်တော့ “သင်္ကြန်” ဆိုတဲ့ စကားလုံးဟာ သက္ကတဘာသာကနေဆင်းသက်လာတဲ့ စကားလုံးပဲဗျ။ သူ့ရဲ့ မူရင်းဘာသာစကားလုံးက “သင်္ကရန္တိ” လို့ဆိုတယ်။ သူ့ရဲ့အဓိပ္ပာယ်ကတော့ အင်္ဂလိပ်လိုဆိုရင် “Going from one place to another” ပေါ့။ မြန်မာလိုဆို “ကူးပြောင်းခြင်း” လို့ အဓိပ္ပာယ်ရပါတယ်။ အဲဒီ “သင်္ကရန္တိ” ကနေ “သင်္ကြန္တ”၊ တစ်ဖန် အဲဒီ “သင်္ကြန္တ” ကနေမှ အခု ကျနော်တို့ခေါ်ဆိုအကျွမ်းဝင်နေတဲ့ “သင်္ကြန်” ရယ်လို့ ဖြစ်လာတာပဲဗျ။ ဒါ့အပြင် သင်္ကြန်မှာ နှစ်မျိုးနှစ်စားရှိတယ်လို့လည်း ဆိုထားတယ်ဗျ။ အဲဒါတော့ နောက်မှ ထပ်ရေးပေးပါ့မယ်ဗျာ။