မိတ်ကပ်လိမ်းတိုင်းမှာ မပါမဖြစ် အခြေခံအကျဆုံးကတော့ အောက်ခံမိတ်ကပ် (foundation) ပဲ ဖြစ်ပါတယ်။ ဖောင်ဒေးရှင်းဟာ ခရင်မ်ဖြစ်စေ၊ အရည်ဖြစ်စေ ပုံစံအမျိုးမျိုးနဲ့ လာပါတယ်။ ဒါပေမဲ့ ဘယ်လိုပုံစံဖြစ်ဖြစ် ဘယ်လောက်ဈေးကြီးကြီး အခုပြောမယ့်အချက်တွေနဲ့ မညီရင်တော့ လှမှာမဟုတ်ဘူးနော်။
၁။ လိုက်ဖက်တဲ့အရောင်
မိန်းကလေးတော်တော်များများ ပြုလုပ်နေကြတဲ့ အမှားကတော့ အောက်ခံမိတ်ကပ် (foundation) ဝယ်တဲ့အခါ လက်ကောက်ဝတ်မှာ စမ်းကြည့်ကြတာပါပဲ။ လက်ကောက်ဝတ်အသားအရေနဲ့ ပါးပြင်က အသားအရေ မတူညီပါဘူး။ မျက်နှာအသားအရောင်နဲ့ ထပ်တူကျတဲ့အရောင်ကို လိုချင်ရင် ပါးနဲ့နှာခေါင်းကြားက နေရာလေးမှာ စမ်းကြည့်ပါ။
၂။ အသားအရေအမျိုးအစားကိုထည့်စဉ်းစားပါ
ကိုယ့်အသားအရေက ခြောက်သွေ့သလား၊ အဆီပြန်သလားဆိုတာ ကိုယ်တိုင်အသိဆုံး ဖြစ်ပါလိမ့်မယ်။ မသိဘူးဆိုရင်လည်း စမ်းသပ်လို့ရတဲ့နေရာတွေမှာ သေသေချာချာ စမ်းသပ်ကြည့်ပါ။ အဆီပြန်တဲ့ အသားအရေပိုင်ရှင်အနေနဲ့ ဆီမပါဘဲဖော်စပ်ထားတဲ့ ဖောင်ဒေးရှင်းကို ရွေးရမှာဖြစ်ပါတယ်။
၃။ မျက်နှာအသားအရေကိုရော ဂရုစိုက်ရဲ့လား
ရာသီဥတုအလိုက် မျက်နှာအသားအရောင်က ကွာတတ်တာကို သိပါရဲ့လား။ နွေရာသီမှာဆို မျက်နှာအသားအရောင်က နည်းနည်းညစ်တယ်လေ။ ရာသီနဲ့လိုက်ဖက်မယ့် ဖောင်ဒေးရှင်းကို လိမ်းဖို့လည်း လိုပါတယ်။
၄။ ဘာနဲ့လိမ်းမလဲ?
ဘရပ်ရှ်ဖြစ်စေ ဖော့ဖြစ်စေ ဘာနဲ့ပဲလိမ်းလိမ်း သန့်ရှင်းနေဖို့ လိုပါတယ်။ လိမ်းတဲ့ ဘရပ်ရှ်နဲ့ ဖော့တွေကို မကြာခဏ ဆေးကြောသန့်စင်ပေးပါ။
၅။ အများကြီးမလိမ်းနဲ့
အောက်ခံမိတ်ကပ်ကို ထူပိန်းနေအောင် အများကြီးလိမ်းဖို့ မလိုပါဘူး။ ကိုယ့်အသားအရောင်နဲ့ တစ်သားတည်းဖြစ်တာကိုသာ ရွေးထားမယ်ဆိုရင် မျက်နှာပေါ်က အနာအဆာတွေကို မြင်ရတော့မှာမဟုတ်ဘူးလေ။ ကွန်ဆီလာ (concealer) လည်း နည်းနည်းလောက် အပေါ်က တို့ပေးလိုက်ရုံနဲ့ ရပါပြီ။
Source : Vogue