၁ - မသင့်လျော်တဲ့ စနစ်

သင်တန်းပြီးလို့ အိမ်ပြန်ရောက်တာနဲ့ တစ်နေ့နှစ်နာရီလုပ်မယ် ဒါမှမဟုတ် ရုံးကအပြန် နှစ်နာရီလုပ်မယ်လို့ အစီစဉ်ချပါတယ်။ ဒါပေမယ့် သောကြာညနေ ရုံးဆင်းဆို သူငယ်ချင်းတွေနဲ့ ဆိုင်ထိုင်တတ်ပါတယ်။ အင်္ဂါ၊ ဗုဒ္ဓဟူးမှာ အလုပ်တွေ မပြတ်တာရှိပါတယ်။ စတဲ့ အချက်တွေကို ထည့်မတွက်ဘဲ အလွယ်တကူ တစ်နေ့နှစ်နာရီလုပ်မယ်လို့ စီမံကိန်းဆွဲလိုက်တာပါ။ ဒါပေမယ့် မလုပ်ဖြစ်ဘဲ ပျက်တာတွေများလာတာဟာ လုံးဝမလုပ်တော့ဘဲ ရပ်သွားတဲ့အထိပါပဲ။ အစကတည်းက ကိုယ်နဲ့သင့်လျော်တဲ့ စနစ်ဇယားမျိုးရှိသင့်တာပါ။ လုပ်နိုင်သလောက်ပဲ လုပ်သင့်တာပါ။ နောက်ပိုင်းမှ သင်နိုင်သလောက် နာရီတွေ၊အချိန်တွေကို တိုးတိုးပြီး လေ့လာသွားရမှာ။

(သင်စိတ်ဝင်စားနိုင်တဲ့သတင်း - နောင်တစ်ချိန်မှာ အောင်မြင်မယ့် လက္ခဏာတွေ သင့်မှာရှိနေလား)

၂ - အတက်အကျ

၃ - ပြန်မတက်နိုင်ဘူး

အရှိန်ပျက်ပြီး လမ်းကြောင်းလွဲသွားရင် တော်တော်နဲ့ပုံမှန်ပြန်မလုပ်နိုင်တော့တာပါ။ နေ့စဉ်ပုံမှန်လုပ်နေရာကနေ အများဆုံးတစ်ရက် နှစ်ရက်ထက် ပိုမပျက်သင့်ပါဘူး။ အလုပ်နဲ့ ပညာရေးကို မျှတမှုရှိအောင် ဖန်တီးထားသင့်ပါတယ်။ လက်ရှိအခြေအနေထက် ရေရှည်ကို တွက်ဆရမှာ ဖြစ်ပါတယ်။

၄ - ပညာရပ်သက်သက်

လက်တွေ့မကျဘဲ ပညာရပ်ဆန်လွန်းတာဖြစ်ပါတယ်။ သင်လေ့လာနေတဲ့ပညာဟာ လက်တွေ့ပါမှ တကယ်တတ်မြောက်မှာ သေချာတယ်ဆိုရင် သင်တန်းအပ်ကတည်းက သေချာလေ့လာဖို့ လိုပါတယ်။ လက်တွေ့မရှိတာကြောင့် အချိန်တွေကုန်၊လူပန်းတာမျိုးလည်း ဖြစ်တတ်ပါတယ်။

Photos & Source: Gear Fire