၁။ နှမ်းဆီ

ဘယ်လိုလုပ်ရမလဲဆိုတော့ အရင်ဆုံးနှမ်းဆီအနည်းငယ်ကို ပါးစပ်ထဲထည့်ငုံပြီး (၁၀) မိနစ်၊ (၁၅) မိနစ်လောက်ကြာအောင်ထားပေးပါ။ ပြီးရင်ဆီကို ပြန်ထွေးထုတ်လိုက်ပါ။ ပြီးတာနဲ့ မုန့်ဖုတ်ဆိုဒါနဲ့ရေနွေးနည်းနည်းနဲ့ကိုရောပြီး ပြန်သန့်ရှင်းပေးလိုက်ပါ။ ဒီနည်းလမ်းအတိုင်း ပုံမှန်လုပ်ပေးမယ်ဆိုရင် သွားတွေကို ပိုမိုဖြူဖွေးစေမှာပါ။

၂။ ခေါင်ရမ်းပန်းဆီ

ခေါင်ရမ်းပန်းဆီက ဆံပင်ပါးတဲ့လူတွေအတွက်တော့ အသင့်တော်ဆုံးပါပဲ။ နောက်ပြီး ခေါင်ရမ်းပန်းဆီထဲမှာပါတဲ့ ဗိုက်တာမင်စီက ဆံပင်ထဲမှာရှိတဲ့ ကိုုလာဂျမ်ဓာတ်ကိုတိုးမြင့်စေပြီး အမိုင်နိုအက်ဆစ်ကလည်း ဆံပင်အရင်းထိ သန်မာစေပါတယ်။ နောက်ပြီးခေါင်ရမ်းပန်းဆီက ဆံပင်တွေကိုပိုမိုတောက်ပြောင်လှပစေပါတယ်။ ဒါကြောင့်ဆံပင်အုံလည်း ပိုထူလာပြီး ဆံပင်ပါးတဲ့လူတွေအတွက် သိသာထင်ရှားတဲ့ ပြောင်းလဲမှုကိုတွေ့မြင်ရမှာပါ။

၃။ ကြက်ဆူဆီ

ကြက်ဆူဆီနဲ့ပတ်သက်ပြီး ဆိုးဝါးတာတစ်ခုကတော့ သူ့ရဲ့အနံ့ပါပဲ။ ကျန်တာတွေကတော့ ကောင်းပါတယ်။ ကြက်ဆူဆီမှာပါဝင်တဲ့ပစ္စည်းတွေဟာ ဆဲလ်ကွဲပွားမှုနှုန်းကိုမြင့်တင်ပေးပါတယ်။ သူ့မှာပါတဲ့ စတီးရားရစ်နဲ့ လီနိုလီးယစ်အက်ဆစ် တွေဟာ အစိုဓာတ်ထိန်းသိမ်းပေးပြီး အမွှေးငယ်လေးတွေကို ကျဲပါးခြင်း၊ ခြောက်သွေ့ခြင်းတို့မှကာကွယ်ပေးပါတယ်။

ပြုလုပ်နည်းကတော့ မျက်တောင်ကော့ဆေးဘူး ဟောင်းတစ်လုံးကိုရေနွေးနဲ့သေချာဆေးကြောပြီး ကြက်ဆူဆီနည်းနည်း ထည့်လိုက်ပါ။ ပြီးရင်ခပ်နွေးနွေးနေရာတစ်နေရာမှာ ခဏထားလိုက်ပါ။ ပြီးရင် မျက်တောင်ကော့ဆေးဘူးထဲက ကြက်ဆူဆီကို အိပ်ယာမဝင်ခင် မျက်ခုံးနဲ့ မျက်တောင်မှာလိမ်းပေးလို့ရပါပြီ။ ထူးခြားပြောင်းလဲမှုကို (၂) ပတ်အတွင်းမြင်တွေ့ရမှာပါ။

Source: Brightside.me