၁။ ပလားအူ (Palau)

၂။ နျူးအေ (Niue)

နျုးအေနိုင်ငံဟာ Oceania (ပစိဖိတ်သမုဒ္ဒရာထဲကကျွန်းစု) ထဲက ကျွန်းနိုင်ငံလေးတစ်ခုဖြစ်ပါတယ်။ နိုင်ငံမှာအလွန်လှပတဲ့ သဘာဝရှုခင်းတွေရှိပေမယ့် ကမ္ဘာလှည့်ခရီးသွားလုပ်ငန်းတော့ တွင်ကျယ်ခြင်းမရှိပါဘူး။ ဒါကြောင့်နိုင်ငံဟာ နိုင်ငံခြား အကူအညီတွေကိုမှီခိုရပါတယ်။ အထူးသဖြင့်နယူးဇီလန်နိုင်ငံဆီကပေါ့။ နိုင်ငံရဲ့မြို့တော်ကလည်း လူဦးရေ (၆၀၀) လောက်ပဲရှိတဲ့ ရွာငယ်သာသာပါပဲ။ ဒါပေမယ့် နိုင်ငံမှာကိုယ်ပိုင်လေဆိပ်ရှိပြီး စူပါမားကက်တစ်ခုလည်းရှိပါတယ်။ (တစ်နိုင်ငံလုံးမှာ စူပါမားကက်တစ်ခုတည်းရှိတာပါ။)

၃။ စိန့်ကစ်စ်နဲ့ နီးဗစ် (Saint Kitts and Nevis)

ဒီနိုင်ငံကိုတော့ အဓိကကျွန်း (၂) ကျွန်းနဲ့ဖွဲ့စည်းထားပါတယ်။ စိန့်ကစ်စ်နဲ့ နီးဗစ်ဆိုတဲ့ ကျွန်း (၂) ကျွန်းပါ။ နိုင်ငံရဲ့အဓိကဝင်ငွေက စီးပွားရေးဆိုင်ရာနိုင်ငံသားပရိုဂရမ်ဖြစ်ပြီး အဲဒီပရိုဂရမ်က သူတို့နိုင်ငံရဲ့သကြားထုတ်ကုန် လုပ်ငန်းထဲမှာ ဒေါ်လာ (၂၅၀၀၀၀) အနည်းဆုံးရင်းနှီးမြှုပ်နှံနိုင်မယ့်လူတိုင်းကို နိုင်ငံသားခံယူခွင့်ပေးထားတာပါ။ နောက်ထပ်နိုင်ငံသားခံယူခွင့်ရှိတဲ့ နည်းလမ်းတစ်မျိုး ကတော့ ကျွန်းပေါ်မှာ ဒေါ်လာ (၄) သိန်းထက်မနည်းတဲ့ မြေနေရာကိုဝယ်ယူမယ်ဆိုရင်လည်း နိုင်ငံသားခံယူခွင့်ရှိပါတယ်။

၄။ ဟာ့ထ်မြစ်ဝှမ်းနိုင်ငံ (မင်းသားအုပ်ချုပ်တဲ့နိုင်ငံ) (The Principality of Hutt River)

၅။ တူဗားလူ (Tuvalu)

နိုင်ငံအကျယ်အဝန်း (၂၆) ကီလိုမီတာစကွဲသာ ကျယ်ဝန်းပြီး လူဦးရေ (၁၀၀၀၀) ကျော်နေထိုင်တဲ့ တူဗားလူနိုင်ငံဟာ ကမ္ဘာပေါ်မှာ အသေးငယ်ဆုံးနဲ့ အဆင်းရဲဆုံးနိုင်ငံ တစ်နိုင်ငံပါပဲ။ နိုင်ငံမှာ အင်တာနက်ဒိုမိန်းတွေ၊ တီဗွီတွေသာမရှိရင် စီးပွားရေးအခြေအနေက ဒီထက်ပိုဆိုးရွားနိုင်ပါသတဲ့။

၆။ နာအူးရူ (Nauru)

ဧရိယာစတုရန်းကတော့ ၂၁ ကီလိုမီတာပဲရှိတဲ့ နာအူးရူနိုင်ငံကတော့ လူဦးရေ (၉၅၉၁) ယောက်ပဲရှိပါတယ်။ ဒီနိုင်ငံကတော့ ကမ္ဘာပေါ်မှာအသေးငယ်ဆုံးကျွန်းစုနိုင်ငံလေးပါပဲ။ နာအူးရူမှာ မြို့တော်ရယ်လို့ သတ်သတ်မှတ်မှတ်မရှိသလို သယ်ယူပို့ဆောင်ရေး စနစ်လည်းမရှိပါဘူး။ မိမိတို့ရဲ့ကိုယ်ပိုင်ယာဉ်တွေကိုသာ အသုံးပြုသွားလာကြပါတယ်။ သဘာဝပတ်ဝန်းကျင်ဆိုင်ရာ ပြဿနာလေးတွေရှိပြီး ကမ္ဘာလှည့်ခရီးသည်တွေ မနှစ်သက်ကြတဲ့အကြောင်းရင်းကတော့ အဲဒါပါပဲ။ နာအူးရူရဲ့နောက်ထပ်ထင်ရှားတဲ့အချက်တစ်ချက်ကတော့ အဝလွန်ခြင်းပါပဲ။ နိုင်ငံမှာ အဝလွန်သူဦးရေဟာ (၇၀) ရာခိုင်နှုန်းလောက် ရှိပါတယ်။

၇။ ဆီဘိုးဂါး (မင်းသားအုပ်ချုပ်တဲ့နိုင်ငံ) (The Principality of Seborga)

၈။ မိုလောစီးယား (Molossia)

မိုလောစီးယားပြည်သူ့သမ္မတနိုင်ငံကတော့ အမေရိကန်နိုင်ငံ နီဗားနားပြည်နယ်ထဲမှာတည်ရှိပြီး ကယ်လ်ဗင်ဘော့ဆိုတဲ့လူက ကိုယ့်ဖာသာတည်ထောင်၊ ကိုယ့်ဖာသာအတည်ပြုထားတဲ့နိုင်ငံ ဖြစ်ပါတယ်။ နိုင်ငံမှာနေထိုင်သူတွေကတော့ သမ္မတကြီး မစ္စတာဘော့ရယ်၊ သူ့မိသားစုရယ်၊ သူမွေးထားတဲ့ ခွေး (၃)ကောင်ရယ်၊ ကြောင်တစ်ကောင်ရယ်၊ ယုန်တစ်ကောင်ရယ်ပဲဖြစ်ပါတယ်။ မိုလောစီးယားနိုင်ငံမှာ ကိုယ်ပိုင် နိုင်ငံတော်သီချင်း၊ နိုင်ငံတော်အမှတ်တံဆိပ်နဲ့ နိုင်ငံတော်အလံရှိပါတယ်။ နိုင်ငံတွင်းမှာ ကြီးမားတဲ့ပြစ်မှုကိုကျူးလွန်ရင် သေဒဏ်ပေးလို့လည်းရပါသေးတယ်။ နိုင်ငံမှာကိုယ်ပိုင်နိုင်ငံကူးလက်မှတ်ရှိသလို အာကာသယာဉ်လွှတ်တင်မယ့်အစီအစဉ်တွေတောင်မှ ရှိပါသေးတယ်။ ပြီးခဲ့တဲ့ မေလတုံးက မိုလောစီးယားပြည်သူ့သမ္မတနိုင်ငံဟာ သက်တမ်းအနှစ် (၄၀) ပြည့်ခဲ့ပါတယ်။

၉။ မောလ်တာ (Sovereign Military Order of Malta)

ဗာလ်တီကန်မြို့တော်လိုပဲ ရောမပိုင်နက်ထဲမှာ နိုင်ငံငယ်လေးတစ်ခုရှိနေပါသေးတယ်။ အဲဒီနိုင်ငံလေးကတော့ မောလ်တာ (Sovereign Military Order of Malta) ဖြစ်ပြီး ဧရိယာစတုရန်းကီလိုမီတာကတော့ (ဝ.၀၁၂) ပဲရှိပါတယ်။ နိုင်ငံမှာ အဆောက်အဦး (၃) ခုရှိပါတယ်။ (၂) ခုက ရောမမြို့ထဲမှာတည်ရှိပြီး နောက်တစ်ခုကတော့ မောလ်တာကျွန်းပေါ်မှာတည်ရှိပါတယ်။ နိုင်ငံမှာ ကိုယ်ပိုင်ငွေကြေး၊ ကိုယ်ပိုင်တံဆိပ်ခေါင်း၊ ကိုယ်ပိုင်ဝက်ဘ်ဆိုဒ်၊ ကိုယ်ပိုင်ကားနံပါတ်၊ ကိုယ်ပိုုင်နိုင်ငံကူးလက်မှတ်ရှိပါတယ်။ နိုင်ငံသားတွေဟာ ကမ္ဘာနိုင်ငံတော်တော်များများကို ဗီဇာမလိုဘဲသွားရောက်နိုင်ကြပါတယ်။ ဒီနိုင်ငံကတော့ လက်တင်ဘာသာစကားကို နိုင်ငံတော်ဘာသာစကားအဖြစ်အသုံးပြုတဲ့ တစ်ခုတည်းသောနိုင်ငံဖြစ်ပါတယ်။

၁၀။ ဆီးလန်း (မင်းသားအုပ်ချုပ်တဲ့နိုင်ငံ) (The Principality of Sealand)

ဗြိတိန်ကမ်းရိုးတန်းနဲ့ (၆) မိုင်အကွာက ပင်လယ်ပြင်ထဲက စင်မြင့်တစ်ခုပေါ်မှာ နိုင်ငံတစ်နိုင်ငံတည်ရှိနေတယ်ဆိုတာကို သိကြပါသလား။ ဆီးလန်းနိုင်ငံကို သူ့ကိုယ်သူမင်းသားအဖြစ်တင်မြှောက်ထားတဲ့ မင်းသား ရီးဂျန့်အုပ်ချုပ်ပြီး အဲဒီနိုင်ငံမှာလူတိုင်းလူတိုင်းက မြို့အုပ်တွေ၊ မြို့စားတွေ ဖြစ်နိုင်ပါတယ်။ ဗြိတိန်ပေါင်ရာဂဏန်းလောက်ပေးလိုက်ရင် နိုင်ငံရဲ့ဝက်ဘ်ဆိုဒ်ပေါ်မှာ ဘွဲ့ထူး၊ ဂုဏ်ထူး၊ ရာထူးတွေကို ဝယ်ယူနိုင်ပါတယ်။

Source: Brightside.me