အိမ်တစ်အိမ်မှာ ဧည့်ခန်းက အရမ်းအရေးကြီးတယ်။ အိမ်ရဲ့မျက်နှာစာလည်းဖြစ်တာမို့လို့ ကိုယ့်အိမ်လာလည်သူတွေက ဧည့်ခန်းကိုကြည့်ပြီး ဝေဖန်အကဲဖြတ်တတ်ကြပါတယ်။ ဧည့်ခန်းကို သပ်ရပ်သန့်ရှင်းအောင် ထားသင့်သလို ပစ္စည်းတွေနဲ့ ရှုပ်ထွေးနေအောင်လည်း မထားရဘူး။ ကိုယ့်အိမ်ရဲ့ ဧည့်ခန်းလေးက အရမ်းကျဉ်းနေတယ်လို့ ခံစားရရင် ပိုကျယ်သလို ထင်ရအောင် ဒါလေးတွေကိုသုံးပါနော်။
၁။ စားပွဲအရွယ်အစား
ဧည့်သည်လာရင် ကော်ဖီတိုက်၊ မုန့်ကျွေးဧည့်ခံဖို့ ချထားတဲ့ စားပွဲက အရမ်းကြီးနေစရာမလိုဘူးနော်။ ဧည့်ခန်းကျဉ်းရင် စားပွဲသေးသေးကိုပဲသုံးပါလား။ မဟုတ်ရင် တစ်ခန်းလုံး စားပွဲနဲ့ပြည့်နေတာ ကြည့်မကောင်းလို့ပါ။
၃။ မှန်ဗီရို
မှန်ပါတဲ့ ဗီရိုရှည်တစ်လုံးလောက် ဧည့်ခန်းမှာ ထားလိုက်ပါ။ စာအုပ်တွေထည့်မလား၊ ဆုတံဆိပ်တွေ၊ အမှတ်တရပစ္စည်းတွေထည့်မလား အဆင်ပြေတယ်။ ကိုယ့်အိမ်ကိုလည်း ပိုထည်ဝါသွားစေတယ်။ လူအထင်ကြီးအောင် ရှိုးထုတ်ရာရောက်သလို ဧည့်ခန်းသွင်ပြင် ပိုခမ်းနားသွားစေတယ်လို့ ထင်ရတယ်။
၃။ ဘီးပါတဲ့ပရိဘောဂ
ဘီးလေးတွေပါတဲ့ စားပွဲ၊ စင်လေးတွေကို ရွေးချယ်တာကလည်း မမှားပါဘူး။ အကြောင်းကတော့ ဘီးလေးတွေရဲ့ကျေးဇူးနဲ့ အလွယ်တကူ ရွှေ့ပြောင်းလို့ရတယ်လေ။ ကြိုက်တဲ့နေရာကို ရွှေ့လိုက်ရုံပဲ။
Source : She Find