နောက်ပြီး မိတ်ကပ်ဖိုး၊ အဝတ်အစားဖိုး၊ ဖိနပ်ဖိုးတွေနဲ့ ယောကျ်ားလေးတွေထက် ငွေကုန်ကြေးကျ ပိုများပါတယ်။ ဒါပေမယ့် စိတ်ဓာတ်မကျပါနဲ့ဦး... မိန်းကလေးတို့။ မိန်းကလေးဖြစ်ရတာမှာ ကောင်းတဲ့အချက်တွေလည်း ရှိပါသေးတယ်။

သိပ္ပံနည်းကျစစ်ဆေးတွေ့ရှိချက်

ကယ်လီဖိုးနီးယားပြည်နယ်၊ Newport Beach မှာရှိတဲ့ Amen ဆေးခန်းက သိပ္ပံပညာရှင်တွေဟာ ဦးနှောက် scan ပေါင်း (၄၆၀၀၀) ကျော်ကို နှိုင်းယှဉ်လေ့လာခဲ့ကြပါတယ်။ အဲဒီမှာ သူတို့ရဲ့လေ့လာမှုရလဒ်က အမျိုးသမီးတစ်ယောက်ရဲ့ဦးနှောက်မှာရှိတဲ့ ကောင်းကွက်တွေကို ဖော်ပြခဲ့ပါတယ်။ မကြာသေးခင်က သိပ္ပံပညာကလည်း ကလေးတွေဟာ သူတို့ရဲ့ဉာဏ်ပညာကို အမေတွေဆီက အမွေဆက်ခံရတာပါလို့ ဖော်ထုတ်တွေ့ရှိထားပါတယ်။

ကွဲပြားမှုတွေရှိနေ

ပထမတစ်ခုကတော့ မိန်းမတွေရဲ့ဦးနှောက်ဟာ ယောကျ်ားတွေရဲ့ဦးနှောက်ထက် စုစုပေါင်းလှုပ်ရှားမှု ပိုများနေတာကို တွေ့ရှိရပါတယ်။ ရလဒ်တွေကို ထပ်မံစစ်ဆေးကြည့်တဲ့အခါ မိန်းမတွေမှာ ဆုံးဖြတ်ချက်ချမှတ်ခြင်း၊ အာရုံစူးစိုက်ခြင်းနဲ့ စိတ်လှုပ်ရှားမှုကို ထိန်းချုပ်တဲ့ဦးနှောက်ရဲ့အစိတ်အပိုင်းတစ်ခုဖြစ်တဲ့ Prefrontal cortex ဆီကို သွေးစီးဆင်းမှုပိုများနေတာကို တွေ့ရှိရပါတယ်။

နောက်တစ်ခုက မိန်းမတွေရဲ့ဦးနှောက်ဟာ စိတ်ခံစားမှုနဲ့ မှတ်ဉာဏ်ကိုလွှမ်းမိုးနိုင်တဲ့ဧရိယာတစ်ခုဖြစ်တဲ့ limbic region မှာ လှုပ်ရှားမှုပိုများနေတာကိုလည်း တွေ့ရှိရပါတယ်။ ဒါကြောင့် မိန်းကလေးတွေက စာနာတတ်တဲ့နေရာမှာ၊ ပူးပေါင်းဆောင်ရွက်တတ်တဲ့ နေရာမှာ သူမတူအောင်ထူးချွန်တယ်ဆိုတဲ့ စကားတွေက မှန်နေမယ်ထင်ပါတယ်။

Source: Reader's Digest