လွယ်လွယ်နဲ့ အလိမ်မခံရအောင် လူတစ်ယောက် ကိုယ့်ကို ညာတော့မယ်ဆိုရင် ဖြစ်သွားတတ်တဲ့ အချက်တွေကို ရှာဖွေ မှတ်တမ်းတင်ထားတာရှိလား။ ဒီမေးခွန်းတွေရဲ့အဖြေကို အောက်မှာဆက်လက်ဖတ်ရှုနိုင်ပါတယ်။

၁။ မျက်နှာအမူအရာ

လူကဲခတ်ကောင်းတဲ့သူတွေအတွက်တော့ လိမ်ညာသူတစ်ယောက်ရဲ့မျက်နှာပေါ်မှာပေါ်လာတတ်တဲ့ တချို့အမူအရာလေးတွေကို စောင့်ကြည့်ပြီး သူ/သူမ ဘာတွေးနေလဲဆိုတာကို အရိပ်အကဲဖမ်းနိုင်ပါတယ်။ ဥပမာ... ပါးမှာရဲခနဲ ဖြစ်သွားတာတို့၊ ရုတ်တရက် မျက်လုံးချင်းမဆိုုင်ရဲဖြစ်သွားတာတို့၊ လိမ်ညာစကားပြောခါနီးမှ သူ့ကိုလိမ်နေမှန်းသိသွားမှာစိုးလို့ ကိုယ့်မျက်လုံးကို မျက်တောင်မခတ်ဘဲ စိုက်ကြည့်လာတာတို့... စသဖြင့် အမူအရာပျက်ယွင်းမှုလေးတွေရှိနိုင်ပါတယ်။

၂။ ကိုယ်ဟန်အမူအရာ

လူတစ်ယောက်စကားပြောရင် သူ့ရဲ့ကိုယ်ဟန်အမူအရာဟာလည်း အရေးပါ ပါတယ်။ ရိုးသားမှုရှိတဲ့ လူတစ်ယောက်ဟာ စကားပြောဟန်နဲ့ ကိုယ်နေဟန်ထားနဲ့က ကိုက်ညီနေပါတယ်။ လိမ်ညာတော့မယ်ဆိုရင် စိတ်မလုံမခြုံဖြစ်ပြီး လက်ပိုက်ပစ်လိုက်တာတို့၊ လက်ကို နောက်ပစ်ပြီး ဝှက်ထားလိုက်တာတို့ ပြုလုပ်တတ်ပါတယ်။ ပုံမှန်ကနေ ကင်းကွာတဲ့ ကိုယ်နေဟန်ထားကို ပြုလုပ်နေပြီဆိုရင် ဒီတစ်ယောက်လိမ်တော့မယ်ဆိုပြီး သိနိုင်ပါတယ်။

၃။ အပြုံး

အပြုံးဟာ အလွန်အသုံးဝင်တဲ့အရာတစ်ခုပါ။ မိမိရဲ့ခံစားချက်အစစ်အမှန်တွေကို ဖုံးကွယ်ထားဖို့ အပြုံးလေးတစ်ပွင့် ပြုံးလိုက်ရုံနဲ့ လုံလောက်ပါတယ်။ လူတစ်ယောက် ပြံုံးတဲ့ပုံစံကိုကြည့်ပြီး သူ ညာနေလား ဆိုတာ အကဲခတ်လို့ရပါတယ်။ အပြုံးကို သေချာအကဲခတ်တတ်မယ်ဆိုရင် အကြောက်တရား၊ ဒေါသနဲ့ စက်ဆုပ်ရွံရှာမှု စတဲ့ စိတ်ခံစားချက်တွေကိုပါ ဖော်ထုတ်နိုင်ပါတယ်။ ရိုးသားတဲ့ အပြုံးအစစ်ဆိုတာ နှုတ်ခမ်းကလာတာမဟုတ်ပါဘူး။ မျက်လုံးကလာတာပါ။

၄။ လေသံ

Source: Reader's Digest