၁။ နောက်တစ်ခါအခွင့်အရေးပေးဖို့ မတောင်းဆိုပါနဲ့

ပြတ်ခါစမှာတော့ ရည်းစားဟောင်းကိုလွမ်းမိမှာဖြစ်သလို ပြတ်စဲခြင်းရဲ့နောက်ဆက်တွဲတွေကိုလည်း ခံစားနေရဦးမှာပါပဲ။ အတူတူသွားခဲ့ဖူးတဲ့ နေရာတိုင်းက ခြောက်လှန့်နေမှာဖြစ်သလို တိုက်ဆိုင်မှုတွေ ရှိလာတိုင်းလည်း လွမ်းဆွတ်နေရဦးမှာပါ။ 

ဒါပေမယ့် ပြန်ဆက်ဖို့ အခွင့်အရေး ဘယ်တော့မှ မတောင်းခံမိပါစေနဲ့။ ကံကောင်းရင် ညင်ညင်သာသာလေးပဲ ငြင်းပယ်ခံရမှာဖြစ်ပြီး ကံဆိုးရင်တော့ နင်ပဲငဆ ပြောလွှတ်ခံရနိုင်ပါတယ်။ ဒါတင်မက ခင်ဗျားရဲ့ရည်းစားဟောင်းက သူ့ရဲ့ပတ်ဝန်းကျင်မှာ ခင်ဗျားက ပြန်ဆက်ဖို့တောင်းဆိုနေကြောင်း ညည်းညည်းညူညူလေး အတင်းပြောတာကိုလည်း ခံရနိုင်ပါသေးတယ်။ ပြတ်ပြီးသား ကြိုးတစ်ချောင်းကို ပြန်ဆက်ရင်တော့ အထုံးတစ်ထုံးကတော့ ကျန်လာမှာဖြစ်သလို အရင်လိုလည်း ခိုင်ခန့်တော့မှာမဟုတ်ပါဘူး။

၂။ ဖုန်းမဆက်ပါနဲ့/ စာမပို့ပါနဲ့

၃။ အမြင်တွေကို ရဲရဲကြီးပြောင်းလဲပစ်ပါ

သမီးရည်းစားအဖြစ်က လမ်းခွဲပြတ်စဲကြရာမှာ ခင်ဗျားက ထားခဲ့ခံရသူတစ်ဦးဖြစ်နေမယ်ဆိုရင် ကိုယ်က ထားခဲ့သူအဖြစ် ပြောင်းလဲမှတ်ယူလိုက်ပါ။ ဒါမှမဟုတ် ကိုယ်နဲ့မထိုက်တန်လို့ သူထွက်သွားရတယ်လို့ တွေးလိုက်ပါ။ ဒီနည်းနဲ့ မိမိကိုယ်ကို ပိုမိုယုံကြည်မှုရှိလာပြီး တရားခံတစ်ယောက်လို၊ အရှုံးသမားတစ်ယောက်လို ခံစားနေရခြင်းတွေ လျော့ပါးသွားပါလိမ့်မယ်။

၄။ တွေ့ကရာလူနဲ့ ချက်ချင်းကြီးကောက်မတွဲပါနဲ့

၅။ နာကျင်မှုကို မရှောင်လွှဲပါနဲ့

လမ်းခွဲချိန်နောက်ပိုင်းမှာ တော်တော်များများဟာ မိမိရဲ့နာကျင်မှုနဲ့ ဒဏ်ရာတွေကို ဖုံးကွယ်ဖို့ ကြိုးစားကြပါတယ်။ ဘာဖြစ်လို့လဲဆိုတော့ ဒါဟာ လူကိုယူကြုံးမရဖြစ်စေလို့ပါပဲ။ ဒါပေမယ့် အဲဒီလို ရှောင်လွှဲ ဖုံးကွယ်နေမယ်ဆိုရင် အဲဒီဒဏ်ရာကနေ ဘယ်တော့မှ နာလန်ပြန်ထတော့မှာ မဟုတ်ပါဘူး။ လွတ်မြောက်ရာလမ်းကို ရောက်နိုင်တဲ့ တစ်ခုတည်းသောနည်းလမ်းကတော့ ဒဏ်ရာကိုလက်ခံပြီး ဖြတ်သန်းသွားဖို့ပါပဲ။

၆။ ရည်းစားဟောင်းအကြောင်း မကောင်းမပြောပါနဲ့

ခင်ဗျားတို့နှစ်ယောက်လုံးနဲ့ သိကျွမ်းတဲ့ အသိမိတ်ဆွေတစ်ယောက်က သတင်းလာမေးရင် ရည်းစားဟောင်းအကြောင်း မကောင်းမပြောမိပါစေနဲ့။ ဒါဟာ သမီးရည်းစားပြတ်စဲခြင်းဝေဒနာကို သက်သာစေတဲ့ နည်းလမ်းမှန်တစ်ခုမဟုတ်ပါဘူး။ ဒီလိုမကောင်းသတင်းတွေ ပြောခြင်းက လက်စားချေလိုက်ရသလို ခံစားရစေနိုင်ပေမယ့် တကယ်တမ်းကျတော့ ခင်ဗျားကိုယ်တိုင်လည်း ဒီ မကောင်းတဲ့ အတင်းစကားတွေကနေ အကျိုးဆက်ခံရမှာပါပဲ။ ဒါကြောင့် ဘယ်လောက်ပဲ ပြောချင်နေပါစေ။ ထုတ်မပြောလိုက်ပါနဲ့။

Source: Reader's Digest