ကျွန်တော်တို့လူသားတွေဟာ အစာကွင်းဆက်ရဲ့ထိပ်ဆုံးကို တခြားသတ္တဝါတွေထက် ပိုမိုလျင်မြန်စွာ ရောက်ရှိခဲ့ပေမယ့် ခွန်အားနဲ့ လျင်မြန်မှုမှာ တခြားသတ္တဝါတွေကို မမီသေးတဲ့အတွက် တစ်ဦးချင်းရင်ဆိုင်တွေ့တဲ့အခါ ခွန်အားမတူတဲ့အတွက် သေဆုံးခဲ့ရပါတယ်။ ကမ္ဘာပေါ်မှာ အန္တရာယ်အများဆုံး တိရစ္တာန်တွေကတော့...

၁။ ရေမြင်း

ရေမြင်းတွေကို ယေဘုယျအားဖြင့် အာဖရိကမှာတွေ့ရပြီး အာဖရိကတိုက်မှာဖြစ်ပွားတဲ့ ကြီးမားတဲ့ တိရစ္ဆာန်ကြောင့် လူသေဆုံးမှုတွေထဲမှာ ရေမြင်းကြောင့် သေဆုံးမှုကလည်း ထိပ်ဆုံးမှာ ရပ်တည်နေပါတယ်။ ရေမြင်းမှာတောင်မှ အထီးနဲ့အမဟာ လူကိုတိုက်ခိုက်ရတဲ့ ရည်ရွယ်ချက်ချင်း ကွဲပြားပါသေးတယ်။ ရေမြင်းထီးတွေက သူတို့ရဲ့ပိုင်နက်ထဲကို ကျူးကျော်ဝင်ရောက်လာတယ်လို့ ယူဆရင် တိုက်ခိုက်လေ့ရှိပြီး ရေမြင်းမကတော့ သူမရဲ့ကလေးတွေကို ကာကွယ်ဖို့အတွက် တိုက်ခိုက်လေ့ရှိပါတယ်။

၂။ သြစတြေးလျ Box Jellyfish

ဒီသြစတြေးလျ Box Jellyfish ဟာ လူသားတွေအတွက် အန္တရာယ်အများဆုံး ရေနေအဆိပ်ရှိ သတ္တဝါတစ်မျိုး ဖြစ်ပါတယ်။ အဲဒီငါးတွတ်လိုက်ရင် လူတစ်ယောက်ကို သေဆုံးစေနိုင်ပါတယ်။ အဲဒီ ငါးတွေကို သြစတြေးလျတိုက်ရဲ့ မြောက်ဘက်ပင်လယ်ပြင်တွေမှာ တွေ့ရှိရတတ်ပြီး အင်ဒို- ပစိဖိတ်သမုဒ္ဒရာထဲမှာလည်း တွေ့ရတတ်ပါတယ်။

သူ့မှာ လက်တံရှည် (၆၀) ပါရှိပြီး တစ်ချောင်းချင်းစီဟာ (၁၅) ပေ လောက်ရှည်လျားပါတယ်။ သူ့ရဲလက်တံံရှည်တွေမှာ cnidocyst လို့ခေါ်တဲ့ စုပ်ယူငယ်လေးတွေနဲ့ ဖုံးလွှမ်းနေပြီး အဲဒီ စုပ်ခွက်တစ်ခုချင်းစီကို သေးငယ်တဲ့စူးချွန်လေး တစ်ချောင်းရယ်၊ အဆိပ်ရည်တွေရယ်နဲ့ ဖြည့်တင်းထားပါတယ်။ အဲဒီအဆိပ်ရည်ဟာ လူအယောက် (၅၀) ကို သတ်ပစ်နိုင်စွမ်းရှိပါတယ်။

ဆွဲဆောင်မှုအားကောင်းတဲ့ လူတစ်ယောက်ဖြစ်လိုတယ်ဆိုရင် 

၃။ ငါးမန်းဖြူကြီး

ခန္ဓာကိုယ်အရွယ်အစားက ပျမ်းမျှ (၁၅) ပေရှည်ပြီး (၄) ပေလောက်ကျယ်ဝန်းတဲ့ မေးရိုးနှစ်ခုကြားက ချွန်မြတဲ့ သွားအချောင်းရေ (၃၀၀) နဲ့အတူ ငါးမန်းဖြူကြီးဟာ ပင်လယ်ပြင်ကို လွှမ်းမိုးနေတဲ့ သတ္တဝါတစ်မျိုးပဲ ဖြစ်ပါတယ်။ သူဟာ စားလို့ရတဲ့ဘာကိုမဆိုစားပြီး အစားလည်း ချေးမများတတ်ပါဘူး။ ပိန်ပြီးအရိုးများတဲ့ လူသားတွေထက် ပင်လယ်ဖျံကို ပိုနှစ်သက်ပါတယ်။

သုတေသနတွေအရဆိုရင် ငါးမန်းတွေဟာ သူစားလိုက်တာဘာလဲသိဖို့အတွက် ပါးစပ်ထဲထည့်ပြီး အစမ်းကိုက်ကြည့်တတ်ပါတယ်တဲ့။ လူသားတွေကို ငါးမန်းကိုက်တယ်ဆိုတာလည်း စားချင်တာထက် အဲဒီလို အစမ်းကိုက်ကြည့်တာကြောင့်သာ ဖြစ်ပါတယ်။ ဒါကြောင့်လည်း ငါးမန်းကိုက်မှုတော်တော်များများမှာ တစ်ကြိမ်လောက်ကိုက်ကြည့်ပြီးရင် ငါးမန်းတွေဟာ ပြန်လည်ဆုတ်ခွာသွားတတ်တာပါပဲ။

ဒါပေမယ့် ကံဆိုးစွာနဲ့ပဲ အဲဒီအစမ်းကိုက်ကြည့်တာပဲ လူတစ်ယောက်ကို သေဆုံးစေနိုင်ပါတယ်။ ချစ်လို့ကြည်စယ်... သေသွားတယ်ပေါ့။ နှစ်စဉ် ငါးမန်းကိုက်မှုပေါင်း (၁၀၀) ကျော်ရှိတဲ့ထဲမှာ (၃) ပုံ (၁) ပုံလောက်က ငါးမန်းဖြူကြီးတွေကြောင့် ဖြစ်ပါတယ်။

၄။ ဝက်ဝံကြီး

Grizzly bear လို့သိထားကြတဲ့ ဝက်ဝံကြီးဟာ မြောက်အမေရိကတိုက်ရဲ့ အညိုရောင်ဝက်ဝံမျိုးထဲက အရောင်ကွဲ ဝက်ဝံတစ်မျိုးဖြစ်ပါတယ်။ Grizzly ဝက်ဝံတွေဟာ ကိုယ်အလေးချိန် ပေါင် (၄၀၀) မှ (၈၀၀) အထိ ရှိနေနိုင်ပြီး အထီးဟာ အမမထက် (၂) ဆလောက် ပိုကြီးမားပါတယ်။ နောက်ခြေထောက်နဲ့ မတ်တတ်ရပ်လိုက်မယ်ဆိုရင် (၈) ပေလောက် အရပ်မြင့်နိုုင်ပါတယ်။

ခန္ဓာကိုယ်ကြီးက ကြီးမားပေမယ့် နှေးကွေးမယ်လို့တော့ မထင်လိုက်ပါနဲ့။ ဝက်ဝံကြီးတွေဟာ တစ်နာရီကို (၃၅) မိုင်လောက် ပြေးနိုင်ပါတယ်။ ဝက်ဝံတိုက်ခိုက်မှုတွေရဲ့ အကြောင်းပြချက်အများစုဟာ ဝက်ဝံအမတွေဟာ သူမရဲ့ကလေးတွေကို ထိခိုက်မှာစိုးရိမ်စိတ်ကြောင့်ပါပဲ။ ဆာလောင်နေတဲ့ (သို့) ဖျားနာနေတဲ့ ဝက်ဝံတွေကလည်း လူကို တိုက်ခိုက်နိုင်ပါတယ်။ Grizzly ဝက်ဝံကြောင့် နှစ်စဉ် လူ (၉၀) သေဆုံးတယ်လို့ သိရပါတယ်။

၅။ ကျွဲရိုင်း

အာဖရိကတိုက်မှာ အမဲရောင်သေခြင်းတရားလို့ ခေါ်ဆိုကြတဲ့ ကျွဲရိုင်းကြီးဟာ အဲဒီနယ်မြေမှာ အန္တရာယ်အများဆုံး တိရစ္ဆာန်တစ်ကောင်ပါပဲ။ အာဖရိကကျွဲရိုင်းတွေဟာ ဒေါသအရမ်းကြီးပြီး ခန့်မှန်းရလည်း အလွန်ခက်ပါတယ်။ ကိုယ်အလေးချိန် ပေါင် (၉၀၀) နဲ့ (၁၈၀၀) ကြားရှိပြီး များသောအားဖြင့် အုပ်စုလိုက်နေတတ်ပါတယ်။ အာဖရိကကျွဲရိုင်းအုပ်ကြီးဟာ ခင်္သြေ့တွေ၊ မိကျောင်းတွေ၊ မုဆိုးတွေဆီကနေ ကိုယ့်ကိုယ်ကိုယ်ကာကွယ်နိုင်ပါတယ်။ အာဖရိကကျွဲရိုင်းကြောင့် လူသေနှုန်းဟာ နှစ်စဉ် လူ (၂၀၀) ကျော်ရှိပါတယ်။

Source: theepochtimes