ဒါကြောင့် နှလုံးရောဂါရှိနေကြောင်း ခန္ဓာကိုယ်က သတိပေးနေပေမယ့် လူအများက သတိမပြုမိတတ်ကြတဲ့ လက္ခဏာလေးတွေကို ဖော်ပြပေးလိုက်ပါတယ်နော်။

၁။ မောပန်းနွမ်းနယ်ခြင်း

နှလုံးရောဂါရဲ့လူသိများတဲ့ လက္ခဏာတစ်ခုကတော့ မောပန်းနွမ်းနယ်ခြင်းပါပဲ။ နှလုံးဖောက်ခါနီး လူနာတွေဟာ ပုံမှန်နိစ္စဓူဝ လုပ်ငန်းဆောင်တာလေးတွေ လုပ်ရင်တောင် မောပန်းနွမ်းနယ်နေတတ်ပါတယ်။ ဘာဖြစ်လို့လဲဆိုတော့ နှလုံးဖောက်ခါနီးမှာ နှလုံးထဲကိုသွေးရောက်တာ နည်းလာပြီး နှလုံးကြွက်သားပေါ်မှာ ဖိအားတွေများလာရပါတယ်။ ဒီလိုနဲ့ ပိုမိုပြီး မောပန်းနွမ်းနယ်လာရတာ ဖြစ်ပါတယ်။

၂။ ကျောကုန်း၊ လက်မောင်းနဲ့ ရင်ဘတ်အောင့်ခြင်း

၃။ အသက်ရှူမဝခြင်း

ရွှေတိဂုံဘုရားတက်ရင် ပုံမှန်ဆို ဓာတ်လှေကားတို့၊ စက်လှေကားတို့ မစီးဘဲ တောင်ဘက်မုဒ်က လှေကားထစ်လေးတွေအတိုင်း တက်လေ့ရှိပေမယ့် အခုတလော လှေကားပေါ် အတက်အဆင်းလုပ်တိုင်း အသက်ရှူမဝသလို ခံစားနေရပါသလား။ ဒါဆို မိမိရဲ့နှလုံးအထူးကု ဆရာဝန်နဲ့ ပြသတိုင်ပင်သင့်ပါပြီ။ ဘာဖြစ်လို့လဲဆိုတော့ အသက်ရှူမဝသလို ခံစားနေရခြင်းက နှလုံးဖောက်ခြင်းရဲ့ ရှေ့ပြေးလက္ခဏာထဲမှာ ပါဝင်နေလို့ပါပဲ။

၄။ မူးဝေအောင့်အန်ခြင်း

တစ်ခါတလေမှာ နှလုံးရောဂါလက္ခဏာတွေက အစာအိမ်ရောဂါလက္ခဏာတွေဖြစ်တဲ့ မူးဝေခြင်း၊ ပျို့အန်ခြင်း၊ အစာအိမ် အူလမ်းကြောင်း နာကျင်ခြင်းစတဲ့ ဝေဒနာတွေနဲ့ ရောထွေးနေတတ်ပါတယ်။ ဒါကြောင့် အလုပ်ထဲမှာ ထိုင်နေရင်း မူးဝေပြီး ပျို့အန်ချင်သလို ဖြစ်လာရင်၊ တခြားလက္ခဏာတွေဖြစ်တဲ့ ရင်ဘတ်အောင့်ခြင်းနဲ့ အသက်ရှူမဝခြင်းတို့ပါ တွဲဖက်နေရင် နှလုံးအထူးကုဆရာဝန်ဆီကို ရက်ချိန်းယူထားဖို့ လိုအပ်နေပါပြီ။

၅။ လည်ပင်း၊ မေးရိုးနဲ့ ဂုတ်ပိုး နာကျင်ခြင်း

ရုတ်တရက်ကြီး ဘာအကြောင်းပြချက်မှမရှိဘဲ လည်ပင်း၊ မေးရိုးနဲ့ ဂုတ်ပိုးတဝိုက်မှာ နာကျင်မှုခံစားနေရပြီဆိုရင်တော့ နှလုံးရောဂါရဲ့ လျှို့ဝှက်လက္ခဏာတစ်ခု ဖြစ်နေနိုင်ပါတယ်။ အထူးသဖြင့် ဆီးချိုသမားတွေ အထူးသတိထားသင့်ပါတယ်။ ဆီးချိုရောဂါရှိသူတွေဟာ ရင်ဘတ်အောင့်တာလိုမျိုး သိသာထင်ရှားတဲ့ လက္ခဏာတွေကိုသာ သတိပြုမိတတ်ပြီး လည်ပင်းညောင်းတာ၊ နာတာလောက်ကိုတော့ ကွန်ပျူတာအကြည့်များလို့ ဖြစ်မှာလို့ ယူဆသတ်မှတ်တတ်ကြလို့ပါပဲ။

Source: Reader's Digest