၁။ ဆီးချိုကုသရာမှာ ကူညီပေးနိုင်တယ်

တရုတ်သုတေသနတစ်ခုမှာတော့ ကြက်မောက်သီးအခွံထဲမှာ ဆီးချိုရောဂါကို တိုက်ဖျက်နိုင်တဲ့ အစွမ်းသတ္တိတွေ ပါဝင်တယ်လို့ ဆိုထားပါတယ်။ ဓာတ်ခွဲခန်း စမ်းသပ်ချက်အရလည်း ဆီးချိုရောဂါရှိနေတဲ့ ကြွက်ကို ကြက်မောက်သီးအခွံက ထုတ်ယူထားတဲ့ phenolic အရည်နဲ့ ထိုးပေးခဲ့ပြီး သွေးတွင်းဂလူးကို့စ် ပမာဏကို လျင်မြန်စွာ ကျဆင်းစေတာကို တွေ့ရှိရပါတယ်။

၂။ ဝိတ်တက်ခြင်းကို တားဆီးပေးနိုင်ပါတယ်

ကြက်မောက်သီးစားခြင်းက ဝိတ်တက်ခြင်းကို ဘယ်လိုတားဆီးပေးနိုင်လဲဆိုတာနဲ့ ပတ်သက်ပြီး သီးခြားလေ့လာထားတဲ့ သုတေသနတော့ မရှိပါဘူး။ ဒါပေမယ့် ကြက်မောက်သီးလို သစ်သီးဝလံတွေဟာ ရေဓာတ်ကြွယ်ဝပြီး စွမ်းအင်သိပ်သည်းဆ နည်းပါးတဲ့အတွက် ဝိတ်တက်ခြင်းကို တားဆီးနိုင်တာအမှန်ပါပဲ။ နောက်ပြီးတော့ ကြက်မောက်သီးမှာပါဝင်တဲ့ အမျှင်ဓာတ်ဟာ ဝိတ်ကျစေဖို့အတွက် ကူညီပေးနိုင်ပါတယ်။

၃။ ကိုယ်ဝန်သည်တွေကို ကူညီပေးနိုင်တယ်

၄။ နှလုံးကျန်းမာရေးကောင်းစေတယ်

ကြက်မောက်သီးရဲ့ အမျှင်ဓာတ်ကြွယ်ဝမှုက နှလုံးနဲ့ နှလုံးသွေးကြောဆိုင်ရာ ရောဂါဝေဒနာတွေကို လျော့နည်းစေနိုင်ပါတယ်။ နောက်ပြီး နှလုံးကို ဒဏ်ဖြစ်စေနိုင်တဲ့ ကိုလက်စ်ထရောတက်ခြင်းနဲ့ သွေးတိုးရောဂါကိုလည်း မဖြစ်အောင် တားဆီးပေးနိုင်တော့ နှလုံးကျန်းမာရေးကို တစ်ဖက်တစ်လမ်းက အထောက်အကူပြုပါတယ်။

၅။ အရိုးတွေကို သန်မာစေတယ်

ကြက်မောက်သီးမှာ ဖော့စ်ဖရက်စ် (မီးစုန်း) ဓာတ်လည်း ကြွယ်ဝပါသေးတယ်။ အဲဒီဖော့စ်ဖရတ်စ်ဓာတ်က အရိုးတည်ဆောက်မှုနဲ့ အရိုးသန်မာမှုတို့အတွက် အလွန်အရေးပါပါတယ်။ နောက်ပြီး ကြက်မောက်သီးထဲမှာပါဝင်တဲ့ ဗိုက်တာမင်စီက အရိုးကျန်းမာရေး ကိုလည်း အကျိုးပြုစေနိုင်ပါတယ်။

Source: stylecraze