ချစ်သူများနေ့မှာ ကိုယ့်ချစ်သူလေးအတွက် surprise လေးလည်းဖြစ်သွားအောင်၊ ရိုလည်းဆန်သွားအောင် ဗယ်လင်တိုင်းကိတ်မုန့်ကို ကိုယ်တိုင်ဖန်တီးကြမယ်လေ။ ရွေးချယ်ရ လွယ်ကူအောင် ဗယ်လင်တိုင်းကိတ်လုပ်နည်း (၂) မျိုးကို ဖော်ပြပေးလိုက်ပါတယ်။ မိမိနှစ်သက်သလို ရွေးချယ်ကြပါနော။

ရောင်စုံကိတ်

ပါဝင်ပစ္စည်းများ

ကိတ်မုန့်ဝိုင်းအလွတ်တစ်လုံး (ခရင်မ်အဖြူအုပ်ထားရင် ပိုကောင်း)၊ နို့စိမ်းနို့ဆီ တစ်ပန်းကန်ခန့်၊ Food Coloring အရောင်စုံ၊ လော်လီပေါ့သကြားလုံး (Junction City (၅) လွှာမှာ ဝယ်လို့ရ) (၁၀) ချောင်းခန့်၊ ဂျယ်လီတုံး၊ ချောကလက်တုံးအနည်းငယ်တို့ကို လိုအပ်ပါတယ်နော်။

ပြုလုပ်နည်း

ရရှိလာတဲ့ food coloring လေးတွေကို ကိတ်မုန့်ဝိုင်းအလွတ် (ခရင်မ်ဖြူအုပ်ထား) ပေါ်မှာ တစ်ရောင်ချင်းစီ လိုက်ဆမ်းပေးလိုက်ပါ။ ဒါဆိုရင် နောက်ဆုံးမှာ ရောင်စုံကိတ်လေးတစ်လုံးကို ရရှိမှာဖြစ်ပါတယ်။ နောက်ပြီးရင် ကိတ်အပေါ်ကနေ မိမိနှစ်သက်ရာ လော်လီပေါ့သကြားလုံးဝိုင်း ပြားကြီးတွေ၊ ဂျယ်လီတုံးလေးတွေကို လိုက်တင်ပေးလိုက်ရင်တော့ ရိုဆန်တဲ့ ချစ်သူများနေ့ အထူးစပယ်ရှယ်ကိတ်လေးကို ရရှိပါပြီနော်။

အသည်းပုံကိတ်

ပါဝင်ပစ္စည်းများ

ပလိန်းကိတ်ဝိုင်းတစ်လုံး၊ စတော်ဘယ်ရီခရင်မ်၊ နို့ချောကလက်ချောင်းအချောင်း (၃၀) ခန့်၊ ရောင်စုံချောကလက်တုံးလေးတွေ၊ m&m တံဆိပ် ချောကလက်ဋ္ဌာပနာ သကြားလုံးလေးတွေ၊ ပန်းရောင်ဖဲကြိုးတို့ကို လိုအပ်ပါတယ်။

ပြုလုပ်နည်း

အအေးခံပြီးရင် ကိတ်မုန့်ရဲ့ဘေးမှာ နို့ချောကလက်ချောင်းလေးတွေကို လိုက်ကပ်ပေးလိုက်ပါ။ ကိတ်မုန့်အပေါ်မှာတော့ ရောင်စုံချောကလက်လုံးလေးတွေကို လိုက်တင်ပေးပြီး အလည်ခေါင်မှာတော့ m&m ချောကလက်လုံးလေးတွေကိုပါ လိုက်ထည့်ပေးလိုက်ပါဦး။ ကိတ်မုန့်ဘေးမှာ ပန်းရောင်ဖဲကြိုးလေးနဲ့ ချည်နှောင်ပေးလိုက်ရင် ချစ်သူများနေ့ အထူးကိတ်လေးကို ရရှိပါပြီနော်။

Source: CookieCupcake&Cardio