တစ်နေ့ပြီးတစ်နေ့ အဆင်မပြေတာတွေနဲ့ပဲ ဖြတ်သန်းနေရလို့ စိတ်ညစ်နေတဲ့ မဒီလေးတို့အတွက် ဒါလေးကို ရေးပေးလိုက်တယ်နော်။ စိတ်အားငယ်ပြီး ဝမ်းနည်းနေတဲ့ အခြေအနေကို မလိုချင်ဘူးမဟုတ်လား။ ဒါဆိုရင် ဒါလေးတွေ လုပ်ကြည့်ရအောင်ပါ။
၁။ ပန်းတိုင်ချ
မနက်ဖြန် ဘာလုပ်မယ်ဆိုတာကို ညအိပ်ရာမဝင်ခင်တည်းက ကြိုတွေးထားပါ။ နောက်နေ့အိပ်ရာကနိုးတာနဲ့ ကိုယ့်ကိုယ်ကိုယ် သတိပေးပါ။ လုပ်စရာရှိတဲ့အရာကို ဖြစ်မြောက်အောင် လုပ်မယ်ဆိုတဲ့စိတ်ကို မွေးလိုက်ရင် တက်ကြွလာလိမ့်မယ်။
၂။ တစ်ကိုယ်ရည်သန့်ရှင်းမှု
စိတ်အရမ်းညစ်နေရင် ရေချိုးခေါင်းလျှော်ပစ်လိုက်။ တစ်ကိုယ်လုံး သန့်ရှင်းမွှေးကြိုင်နေရင် လူရောစိတ်ရော လန်းဆန်းလာလိမ့်မယ်။ ကိုယ့်ကိုယ်ကိုယ် လှလှပပလေးဖြစ်အောင် ပြင်ဆင်လိုက်ပါဦး။ မှန်ကြည့်ပြီး ကိုယ့်ကိုယ်ကိုယ် သဘောကျတဲ့အထိ ပြင်ဆင်ပါ။
၃။ ပျော်စရာအတွေး
စိတ်ညစ်စရာတွေချည်း ခေါင်းထဲထည့်ထားတော့ ပိုစိတ်ညစ်ရတယ်။ ရှယ်ရီဆန်းဘတ်က ပြောဖူးတယ်။ ညအိပ်ရာဝင်ခါနီးတိုင်း တစ်နေ့တာအတွက် ပျော်စရာကိစ္စတစ်ခုခုကို ရအောင်စဉ်းစားပြီးမှအိပ်ပါတဲ့။ ပျော်စရာကို ကြံဖန်ရှာဖွေတတ်လာရင် ကျင့်သားရသွားပါလိမ့်မယ်နော်။
၄။ ဝယ်လို့ရတဲ့ ပျော်စရာတွေ
အကျႌအသစ်လေး ဝယ်လိုက်တာမျိုး၊ ကိုယ်ကြိုက်တဲ့ စားစရာလေး စားလိုက်တာမျိုးလိုပေါ့။ အဲ့ဒီခဏမှာတော့ စိတ်ချမ်းသာသွားရမယ်လေ။ စိတ်ကျေနပ် ပျော်ရွှင်မှုကို ဆက်ထိန်းထားပြီး တကယ့်ပျော်ရွှင်မှုအစစ်တွေဆီ အရောက်သွားနိုင်ပါစေနော်။