ရာသီဥတုက နွေစစ်စစ်ကို ရောက်လာပြီဆိုတော့ အတော်ကို ပူလာပြီ။ အပြင်လည်းမထွက်နိုင်၊ အစားလည်းမစားနိုင်ဘူးလေ။ ဒီလိုအချိန်မျိုးမှာဆိုရင် ရင်အေးစေမယ့် အစားအသောက်လေးတွေကို စားပေးတာက စားလို့လည်းဝင်၊ ခန္ဓာကိုယ်အပူချိန်ကိုလည်း ကျစေပါတယ်။
၁။ ဖရဲသီး
နွေရာသီမှာ ဖရဲသီးထက်ပိုပြီး ပေါ်ပြူလာဖြစ်တဲ့အသီးဆိုတာ ရှိကိုမရှိဘူး။ အရင်တုန်းကတော့ ရာသီပေါ်သစ်သီးဆိုပေမဲ့ ခုတော့ အမြဲရနေပါပြီ။ အနံ့လေးကလည်းမွှေး၊ စားလိုက်ရင် ချိုအေးသွားတဲ့ ဖရဲသီးက ခန္ဓာကိုယ်ကို ရေဓာတ်ပြည့်နေစေမှာပါ
၂။ သစ်သီးသုပ်
သစ်သီးတွေအစုံလှီးပြီး ဒိန်ချဉ်လေးနဲ့ မွှေပြီးသောက်တာလည်း ကောင်းတာပဲ။ ရင်အေးပြီး ဗိုက်ပြည့်တယ်လေ။ အစားမစားချင်ရင် ဒါလေးစားတာ မဆိုးဘူးနော်။
၃။ အကင်
ဒီအချိန်မှာ မစားချင်ဆုံးက ဆီပြန်ဟင်းတွေပဲဖြစ်မယ်ထင်တယ်။ အရမ်းပူတော့ ဆီပြန်ဟင်းတွေဆို မစားနိုင်ဘူး။ အသားငါးတွေလည်း လှည့်ကိုမကြည့်ချင် ဖြစ်နေရင် အကင်လေးတွေ လုပ်စားကြည့်ပါလား။ အသားတွေလည်း အတုံးလေးတွေတုံးပြီးကင်၊ ဟင်းချက်စားတဲ့အသီးတွေ (ရုံးပတီသီးလိုမျိုး)ကို ကင်စားရင်လည်း ဖြစ်တာပဲ။
၄။ Iced Tea
ရေနွေးကြမ်းကို အအေးခံပြီးမသောက်နဲ့၊ ရေခဲလေးနဲ့သောက်။ ရိုးရိုးလက်ဖက်ခြောက် ခပ်ထားတဲ့ ရေနွေးကြမ်းပဲဖြစ်ဖြစ် တခြား ကိုယ်ကြိုက်တဲ့ ဘယ်လက်ဖက်ခြောက်ကိုမဆို လုပ်လို့ရတယ်။ ကယ်လိုရီလုံးဝမပါတဲ့အပြင် ဝိတ်တောင်ကျဦးမှာ။ လက်ဖက်ရည်ကြမ်းထဲကို ရေခဲလေးထည့်၊ လိမ္မော်သီး/သံပရိုသီးကွင်းလေးတွေနဲ့ ပူစီနံရွက်လေးနည်းနည်းလောက်ထည့်သောက်ကြည့်ပါ။