မေလ ၁၈ ရက်နေ့ဆိုရင် ရုံတင်ပြသပါပြီ။
 

ဥပါဒါန် ရုပ်ရှင်ကားက အစွဲအလမ်းဆိုတာ ဘာအစွဲအလမ်းမှ ထားတာ မကောင်းဘူးဆိုတာကို ပြသရင်း ရဟန်းတစ်ပါးရဲ့ဘဝအကြောင်း စိတ်ဝင်စားဖွယ် တင်ဆက်ထားတဲ့ ဇာတ်ကားပဲဖြစ်ပါတယ်။ ဥပါဒါန်ရုပ်ရှင် ဇာတ်ကားနဲ့ ပတ်သက်ပြီး သိရှိသူတွေအတွက် အမြည်းသဘောနဲ့ တင်ဆက်ပေးလိုက်ပါတယ်။ ဇာတ်လမ်းရဲ့ Plot နဲ့ Review သက်သက်သာဖြစ်ပြီး Spoiler မပါပါဘူးနော်။


ဒီထဲမှာ သရုပ်ဆောင်သစ် ခိုင်ထူးသာက ကြည်ညိုဖွယ်ကောင်းတဲ့ ဥူးဇင်းလေး ဝဏ္ဏသီရိ အဖြစ် ပါဝင်သရုပ်ဆောင်ထားပါတယ်။ ဥူးဇင်းလေးရဲ့ သီလသမာဓိပညာကြောင့် မြင်တဲ့သူတိုင်းကလည်း ကြည်ညိုသဒ္ဓါပွားကြတာပေါ့။ 

ဦးဇင်းကို ကြည်ညိုမိတဲ့သူတွေထဲမှာ  ဘာသာတရားကိုင်းရှိုင်းလွန်းတဲ့ ပြည့်စုံခင် (နန်းဆုဦး) ဆိုတဲ့ မိန်းမပျိုလေးလည်း ပါဝင်ခဲ့တယ်။ ဒါပေမဲ့ ပြည့်စုံခင်ရဲ့ ကြည်ညိုံသဒ္ဓါပွားများမှုက အလွန်အကျူးဖြစ်လာတာကြောင့် ဥူးဇင်းလေးမှာ အတော်လေး အခက်တွေ့ရတယ်။ တခြားသူတွေရဲ့ အထင်အမြင်လွဲမှားမှုတွေ ကြုံတွေ့ရတယ်။

ပြည့်စုံခင်ကလည်း ဘယ်သူမှ တားလို့မရအောင် ကြည်ညိုသဒ္ဓါတွေလွန်ပြီး အမြဲတမ်း ဥူးဇင်းလေးအတွက်ပဲ စိတ်ရောက်နေတယ်ပေါ့။ ဒီလို အခြေအနေမျိုးမှာ ဥူးဇင်းလေး ဘယ်လိုဖြေရှင်းမလဲ၊ ပြည့်စုံခင်ကရော ဘယ်လိုတွေ သဒ္ဓါလွန်မိသလဲဆိုတာကို ပိတ်ကားပေါ်မှာ ကြည့်ရှုကြည့်လိုက်ပါနော်။

လနဲ့ချီပြီး ပြင်ဆင်ရိုက်ကူးခဲ့ရတဲ့ ဥပါဒါန် ရုပ်ရှင်ဇာတ်ကား 

ဥပါဒါန် ရုပ်ရှင်ကားကို မှတ်ချက်ပေးရမယ်ဆိုရင်တော့ ဘာသာရေးကားဖြစ်ပေမဲ့ ထင်ထားသလို ပျင်းစရာမကောင်းဘဲ အစကနေ အဆုံးအထိ ပရိသတ်ကို ဆွဲခေါ်သွားနိုင်ပါတယ်။ ဒါ့အပြင် ဝါရင့်သရုပ်ဆောင် ခင်ဇာခြည်ကျော်ရဲ့ ပီပြင်လွန်းတဲ့ သရုပ်ဆောင်မှုတွေကလည်း ပရိသတ် ရင်ကို ထိရှစေခဲ့ပါတယ်။

သရုပ်ဆောင်သစ် ခိုင်ထူးသာကတော့ ဒီဇာတ်ကားရဲ့ အဓိကနေရာယူထားရတဲ့အပြင် ကြည်ညိုလေးစားဖွယ် ရဟန်းတစ်ပါးအဖြစ် သရုပ်ဆောင်ရတဲ့အတွက် တာဝန်အလွန်ကြီးပါတယ်။ ဒါပေမဲ့ ထူးထူးခြားခြားပဲ သူ့ရဲ့သရုပ်ဆောင်မှုတွေက အပိုအလိုမရှိတဲ့အပြင် သူ့ရဲ့သွင်ပြင်က သိက္ခာသမာဓိရှိတဲ့ ရဟန်းတစ်ပါးအသွင် ရှိနေတာကို တွေ့ရပါတယ်။

နန်းဆုဦးကလည်း သူ့ရဲ့သရုပ်ဆောင်နေကျ ကာရိုက်တာနဲ့ လုံးဝကွဲပြားသွားတဲ့ ကာရိုက်တာသစ်တစ်ခုကို ပီပီပြင်ပြင်သရုပ်ဆောင်နိုင်တာ တွေ့ရပါတယ်။

ဒီဇာတ်ကားကို မေလ ၁၈ ရက်နေ့မှာစပြီး မြန်မာတစ်နိုင်ငံလုံးမှာရှိတဲ့ အဆင့်မြှင့်ရုပ်ရှင်ရုံတွေမှာ ရုံတင်ပြသသွားတော့မှာပါ။ ဥပါဒါန် ရုပ်ရှင်ဇာတ်ကားထဲမှာ သရုပ်ဆောင် ခိုင်ထူးသာ၊ ဇာတိ၊ နန်းဆုဦး၊ မေသဉ္ဇာဦး၊ ခင်ဇာခြည် ကျော်၊ ချိုပြုံး၊ ငြိမ်းချမ်း၊ မျိုးမျိုးခိုင် နဲ့ မေပိုင်စိုး တို့က အဓိက ပါဝင်သရုပ်ဆောင်ထားတာဖြစ်ပါတယ်။

Photo: ဥပါဒါန်ရုပ်ရှင်


ဆက်စပ်အကြောင်းအရာများ

Share

က္က