လူတိုင်းအမှားနဲ့ မကင်းပါဘူး။

ဘယ်သူမှ မကောင်းသလို ဘယ်သူမှလည်း အမှားမလုပ်တဲ့သူ မရှိပါဘူး။ ဒါပေမယ့် အဲ့ဒါတွေက ကိုယ့်အကြောင်းနဲ့ ကိုယ့်ကံ တရားနဲ့ ကိုယ် ဖြစ်လာကြတာ။ အမဘယ်သူ့ကိုမှလည်း မဝေဖန်ဘူး။ ဘယ်သူ့ကိုမှလည်း မသုံးသပ်ဘူးလို့ ဆိုပါတယ်။

 

အနုပညာလောကမှာ အောင်မြင်မှုတွေ အများကြီး ရရှိခဲ့ဖူးသလို ပရိသတ်တွေအားပေးမှု အခိုင်အမာရရှိထားတဲ့ သရုပ်ဆောင် မြတ်ကေ သီအောင်ဟာ စီးပွားရေးလုပ်ရင်း ဘဝကို တစ်ယောက်တည်း ဖြတ်သန်းဖြစ်နေပါတယ်။ လူတိုင်းဟာအမှားနဲ့ မကင်းကြသလို အမှားမလုပ် ဖူးတဲ့ သူတစ်ယောက်မှ မရှိပါဘူးဆိုတဲ့ သူမက ဆိုပါတယ်။

"ဘယ်သူမှမကောင်းဘူးလေ။ ကိုယ်လည်းမကောင်းဘူး ပြောနေတဲ့ သူလည်း မကောင်းဘူး စဉ်းစားကြည့် အမှားမလုပ်တဲ့သူက ဘယ်သူရှိလဲ ဘယ်သူမှ  မရှိဘူး။ ကိုယ့်နောက်ကို လှည့်ကြည့်လိုက် ကိုယ်အကြောင်းအရာတွေ ကိုယ်ချရေးကြည့်လိုက်မမှားဘူးဆိုတဲ့သူ ဘယ်သူမှမရှိဘူး မှားကြတာပဲ။ ဒါပေမယ့် အဲ့ဒါတွေက ကိုယ့်အကြောင်းနဲ့ ကိုယ့်ကံတရားနဲ့ ကိုယ် ဖြစ်လာတဲ့ ကိစ္စအမက ဘယ်သူ့ကိုမှလည်းမ ဝေဖန်ဘူး ဘယ်သူ့ကိုမှလည်း မသုံးသပ်ဘူး။" ဆိုပြီး Duwun Media ရဲ့ သီးသန့်အင်တာဗျူးမှာ ဖြေဆိုပေးထားတာပါ။

 

အွန်လိုင်းပေါ်မှာပြန့်သွားခဲ့တဲ့ သင်ဇာဝင့်ကျော်ရဲ့ ဝတ်စားဆင်ယင်မှုနဲ့ပတ်သက်ပြီး သူမကိုလာမေးတဲ့ သူတွေလည်းရှိတယ်လို့ ဆိုပါတယ်။

"ချက်ဘောက်ထဲကနေပြီးတော့ မသင်ဇာအကျႌဝတ်တဲ့ ကိစ္စ အမဘယ်လိုမြင်လဲ အမပြန်ကို မပြောဘူး။ဘယ်လိုမှ မြင်စရာ အကြောင်းမရှိဘူး။ သူကြိုက်လို့ သူဝတ်တာ လေ။ အမအဖေပြောသလို ရလာတဲ့ ရလာဒ်ကိုတော့ ကိုယ်ခံစားရမယ်။" လို့ သူမရဲ့ အမြင်ကို ပွင့်ပွင့်လင်းလင်း ပြောပြခဲ့ပါတယ်။

အစ်ကိုလိုဖြစ်တဲ့ သီဟတင်စိုးအကြောင်းပြောလာတဲ့ မြတ်ကေသီအောင်  

အချစ်ရေးနဲ့ ပတ်သက်တဲ့ ကောလာဟလတွေ မကြာခဏဆိုသလို သတင်းထွက်လေ့ရှိတဲ့ မြတ်ကေသီအောင်ဟာ  သူမရဲ့ အချစ်ရေးနဲ့ ပတ်သက်လို့လည်း ယခုလို ပြောပြခဲ့ပါသေးတယ်။

"တစ်ယာက်တည်းပဲ ကောင်းတယ်လေ။ ကိုယ့်ဘာသာကိုယ် ထချင်တဲ့အချိန်ထိ အိပ်ချင်တဲ့အချိန်အိပ် အမက အရမ်းလည်း အအိပ်မက်တယ်။ လွှတ်လွတ်လပ်လပ်လည်း နေတတ်တယ်ဆိုတော့ အခုဆိုအမအလုပ်မရှိဘူးလေ။ ကားရိုက်တွေလည်း မရှိတော့ ထချင်တဲ့အချိန်မှ ထတယ်။ အရမ်းလည်း ဆိုးခဲ့ဖူးတယ်။ ဆိုးခဲ့တုန်းကလည်း ငါဖြစ်ငါခံ ကောင်းရင်လည်း စံပေ့ါ။ အမက ခေါင်းမာတတ်တဲ့ မိန်းမတစ်ယောက်။ ငယ်ငယ် တုန်းကတော့ ဖြစ်လာတဲ့ ပြဿနာ အဖေကရှင်းပေးတယ်။ အခုတော့ ဖြစ်လာတဲ့ ပြဿနာ ကိုယ့်ဘာသာကိုယ် ရှင်းတယ်။ အေးဆေး ပဲ။"လို့ ဆက်လက်ဖြေဆိုပေးခဲ့ပါတယ်။

 

အနုပညာလောကမှာ အောင်မြင်မှုတွေအများကြီးရရှိခဲ့ဖူးတဲ့ မြတ်ကေသီအောင်ဟာ အခုချိန်မှာတော့ ကိုယ်ပိုင်စီးပွားရေးကိုဘဲ အဓိကထား ဆောင်ရွက်နေတယ်လို့ သိရပါတယ်။ သူ့ရဲ့ မောင်လေးအရင်းနဲ့အတူ Coffee Lu Gallery ဆိုတဲ့ ကိုယ်ပိုင်ဆိုင်လေးကို မြောက်ဒဂုံမှာ ဖွင့်လှစ်ထားတာပါ။

၂၀၁၈ ခုနှစ် ဖေဖော်ဝါရီလအတွင်းမှာပဲ သူ့ရဲ့ အသက်က ၄၆ နှစ်ပြည့်ခဲ့ပြီးဖြစ်တဲ့ မြတ်ကေသီအောင် ဟာ  ကြည်လင်အေးမြတဲ့ မျက်နှာ လေးနဲ့ ပရိသတ်ရဲ့အချစ်တွေကို ရယူထားတဲ့ အနုပညာရှင် တစ်ယောက် ဖြစ်ပါတယ်။ စိတ်သဘောထား ပြည့်ဝသူ၊ ပွင့်လင်းသူဖြစ်တဲ့သူမဟာ အနုပညာအလုပ်တွေ မလုပ်ဖြစ်တော့ပေမဲ့ အခုထိ ပရိသတ်အားပေးမှုကို ရရှိထား တုန်းပါပဲ။

Share

က္က