“ ဘုရားရှိခိုးနေတဲ့အချိန်မှာ အိမ်ထဲဝင်နေရင်းနဲ့ ပစ်သွားတာပါ။ အခုထိတော့ တရားခံကို မသိသေးပါဘူး။ တောတွင်းလက်နက်ကိုင်တစ်ဦးလို့ ယူဆရတယ်လို့သိထားပါတယ်” လို့ နယ်မြေရဲစခန်းတာဝန်ကျရဲအရာရှိတစ်ဦးက Duwun ရဲ့ ဆက်သွယ်မေးမြန်းချက်ကို ပြန်လည်ဖြေကြားခဲ့ပါတယ်။

သြဂုတ်လ ၂၉ ရက် ညနေပိုင်းအထိတော့ သေနတ်နဲ့ ပစ်ခတ်သွားသူကို ဖမ်းဆီးရမိခြင်းမရှိသေးဘဲ ပုဒ်မ ၃၂၇ နဲ့ အမှုဖွင့်ဆောင်ရွက်နေတယ်လို့ နမ့်လန်နယ်မြေရဲစခန်း ရဲအရာရှိတစ်ဦးရဲ့ ပြောကြားချက်အရသိရပါတယ်။ ယခုလအစောပိုင်းလောက်က သီပေါမြို့နယ် နမ့်လန်အနီး မန်လီကျေးရွာမှာ တပ်မတော်သား ၁ ဦး၊ သက်ကြီးရွယ်အို ၁ ဦးနဲ့ ကလေးငယ်တစ်ဦးက ဈေးကအပြန် အမည်မသိသေနတ်သမားတွေက ချောင်းပြီး ပစ်တာကြောင့် ၃ ယောက်လုံးသေဆုံးသွားခဲ့ပါတယ်။

ဒါ့အပြင် သြဂုတ်လ ၉ ရက်တုန်းကလည်း သီပေါမြို့နယ် နမ့်လန်ကျေးရွာအုပ်စုမှာ တောင်သူလင်မယား ၂ ဦးကို အမည်မသိလူနှစ်ယောက်က သေနတ်နဲ့ ပစ်ခတ်မှုဖြစ်ပွားခဲ့ပါတယ်။