Photo: တည်ကြက် Page

ဒီဇာတ်ကား ရုံတင်ပြီးတဲ့အချိန်မှာလည်း ကံစမ်းမဲရွေးချယ်မယ့် အစီအစဉ်ရှိတယ်လို့ ဆိုပါတယ်။ ဒီအစီအစဉ်မှာ ဖုန်းနံပါတ်၊ မှတ်ပုံတင်နံပါတ်၊ အမည်တို့ကို ရေးသားပြီး ကံစမ်းမဲ ရွေးချယ်မယ့် အစီအစဉ်ရဲ့ Post အောက်မှာ Comment ပေးရမယ်လို့ ဆိုပါတယ်။  ကံစမ်းမဲရွေးချယ်မယ့် အစီအစဉ်ရဲ့ Post ကိုလည်း ကိုယ်ပိုင် ဖေ့စ်ဘွတ် Wall ပေါ်မှာ Share ထားရမယ်လု့ိ သရုပ်ဆောင် ရွှေသမီးက ပြောပြခဲ့ပါတယ်။

Photo: တည်ကြက် Page

'' ဒီဇာတ်ကားထဲမှာ ယဉ်လတ်ရဲ့ ဖိုက်တင်ခန်းတွေကလည်း အရမ်းမိုက်တယ်၊ အဲ့ဒီမှာ နဖူးနဲ့ ဇက်ထိပြီး တော်တော်နာသွားတာ'' လို့ နန်းခင်ဇေယျာက ပြောပါတယ်။ အဲ့ဒီနောက် ချောကလျာ ကလည်း'' ဒီဇာတ်ကားမှာ မင်းသမီးတွေ အကုန်လုံးကအလှခန်းတွေ မပါဘူး။ တောထဲမှာ ရိုက်ထားတာဆိုတော့ မိတ်ကပ်တွေတောင် မလိမ်းရဘူး။ ချော ဆို မိတ်ကပ်တွေတောင်ကွက်တယ်'' လို့ ဆိုပါတယ်။

Photo: တည်ကြက် Page

အဲ့ဒီနောက် ဒီ Live ကနေ တဆင့် သရုပ်ဆောင် ရွှေသမီးနဲ့ ယဉ်လတ် တို့ကလည်း သူတို့ရဲ့ ရိုက်ကွင်းပေါ်မှာ ကြုံတွေ့ခဲ့ရတဲ့ သူတို့ရဲ့ အမှတ် တရ အကြောင်းတွေကို ဆက်လက်ပြောပြလာပါတယ်။

'' ရေချိုးရတဲ့ အခန်းဆို အရမ်းကြိုက်တယ်။ ရိုက်နေတယ်လို့ကို မထင်တာ ရေဆော့တာ ဆော့တာ တစ်ယောက်နဲ့တစ်ယောက် ရေတွေ ပက် ပြီးတော့ကို ဆော့တာ။ ဒါရိုက်တာကတော့ အပေါ်ပြန်တက်ကြဖို့ မနည်းခေါ်ရတယ်'' လို့ ရွှေသမီးက ပြောပါတယ်။ အဲ့ဒီနောက် ဖိုက်တင် မင်း သမီးလေး ယဉ်လတ်ကလည်း '' ဒီဇာတ်ကားထဲမှာ သမီးက မရွှေသမီးကို ကြိုက်တာပေါ့'' လို့ ဆိုပြီးတော့ ရယ်ရယ်မောမောနဲ့ ပြောပြခဲ့တာပါ။

တည်ကြက်ဇာတ်ကားထဲမှာ ကရာတေးပညာကို အသုံးချခဲ့တယ်ဆိုတဲ့ နေတိုး 

ဒီရုပ်ရှင်ဇာတ်ကားထဲမှာ နေတိုးနဲ့ အတူ နေမျိုးအောင်၊ သင်ဇာဝင့်ကျော်၊ ရွှေသမီး၊ ယဉ်လက်၊ နန်းခင်ဇေယျာ၊ မေမြတ်နိုး၊ ကြယ်ဖြူရှင်းသန့်၊ ချောကလျာ နှင့် သရုပ်ဆောင်များစွာပါဝင်သရုပ်ဆောင်ထားပါတယ်။ ဒီဇာတ်ကားရဲ့ ဇာတ်လမ်းကိုတော့ ဘရဏီကျော် က ရေးသားထားပြီး မောင်မြင့်ဆွေက ဇာတ်ညွှန်းပြန်လည်ရေးဖွဲ့ထားပါတယ်။

Photo: တည်ကြက် Page

တည်ကြက်ရုပ်ရှင်ဇာတ်ကားကြီးကိုတော့ ၂၀၁၇ ခုနှစ် ဧပြီလအတွင်းမှာ ဒါရိုက်တာစတီးလ်(ဒွေးမေတ္တာ)က ပုံဖော်ရိုက်ကူးပြီး လူစွမ်းကောင်း ရုပ်ရှင်ထုတ်လုပ်ရေးက ထုတ်လုပ်ခဲ့တာပါ။ ဒီဇာတ်ကား ရိုက်ကူးနေစဉ်အတွင်းမှာလည်း ပရိသတ်တွေရဲ့ စိတ်ဝင်စားခြင်းကို ခံခဲ့ရပါသေး တယ်။ စိတ်လှုပ်ရှားစရာကောင်းတဲ့ ဇာတ်ကားဆန်းလေးဖြစ်တယ်လို့လည်း ရွှေသမီးက Duwun Media ရဲ့ အင်တာဗျူးမှာ ဖြေဆိုခဲ့ ဖူးပါ တယ်။