ကိုယ့်ခန္ဓာကိုယ်အပေါ် ယုံကြည်မှုရှိတယ်လို့ဆိုပါတယ်။

ခန္ဓာကိုယ်နဲ့ပတ်သက်ပြီး ဝေဖန်ခံရတာရှိပေမယ့် ကိုယ့်ခန္ဓာကိုယ်အပေါ် ယုံကြည်မှုအပြည့်ရှိတယ်လို့ မိစန္ဒီက ပြောပါတယ်။ သူငယ်ငယ်တုန်း ကလည်း ဒီလို  ဝဝ လုံးလုံးလေးပါပဲတဲ့။

Photo: မိစန္ဒီဖေ့စ်ဘွတ်

 

မိစန္ဒီက သူ့ရဲ့ ခန္ဓာကိုယ်အချိုးအစားနဲ့ပတ်သက်ပြီး ယုံကြည်မှုအပြည့်အဝရှိတယ်လို့ ဆိုပါတယ်။ သူ့ခန္ဓာကိုယ်နဲ့ ပတ်သက်ပြီး ဝ တယ်လို့ ပြော ကြဆိုကြတာတွေလည်း ခံရတယ်လို့ ဆိုပါတယ်။ ဒါပေမယ့် မိစန္ဒီကတော့ အလုပ်အတွက်အမောခံနိုင်အောင်သာ အားကစားလုပ်ပေမယ့် ဝိတ်ကျဖို့အတွက် ပြင်းပြင်းထန်ထန်လေ့ကျင့်ခန်းမလုပ်ဘူးလို့ မီဒီယာတွေကနေတဆင့်ပြောပြလာပါတယ်။

'' ကိုယ့်ဘဝမှာ ပြင်းပြင်းထန်ထန် ဝိတ်လျှော့မယ်ဆိုတဲ့ ဆန္ဒ လုံးဝမရှိပါဘူး။ လူဆိုတာ ဆုံးဖြတ်ချက် ခိုင်မာရင်တော့ လုပ်လို့ရတယ်။ မိစန္ဒီက ငယ်ငယ်ကတည်းက လှချင်တဲ့စိတ်မရှိဘူးပေါ့နော်။ ဝိတ်ချရမယ်၊ ဝိတ်ချသင့်တယ်ဆိုတာလည်း သိတယ်၊ ဘာဖြစ်လို့လည်းဆိုတော့ ကိုယ်လုပ် နေတဲ့အလုပ်ရှိမယ်။ မိစန္ဒီ ခန္ဓာကိုယ်နဲ့ ပတ်သက်ပြီး ယုံကြည်မှုရှိတယ်။ မိတ်ကပ်မပါပဲနဲ့ အပြင်ထွက်ရဲတယ်'' လို့ သူကဆိုပါတယ်။

Photo: မိစန္ဒီဖေ့စ်ဘွတ်

 

မိစန္ဒီဟာ ငယ်ငယ်ကတည်းက ဝဝကစ်ကစ်လုံးလုံးလေးနဲ့ ချစ်စရာကောင်းတဲ့သူပါ။ စာ တစ်ခုတည်းကိုပဲ အရမ်းကြိုးစားတတ်တဲ့ သူ ဖြစ်ပြီး မိန်းမဆန်ဆန်မနေတတ်သူပါ ဆိုပြီးတော့ သူ့ရဲ့ ငယ်ငယ်က ပုံစံလေးကို အောက်တိုဘာလ ၆ ရက်နေ့က Wacoal Exclusive Fashion ပွဲကို တက်ရောက်ရင်းဖြေဆိုခဲ့ပါတယ်။

'' ငယ်ငယ်တုန်းကလည်း ဒီလိုပဲ လုံးတယ်။ ဒါပေမယ့် အဲ့လောက်ထိတော့ မဝဘူးပေါ့နော်။ အခုက ပိုပြီးတော့လုံးလာတယ်။ ပိုပြီးလည်း စားတာပေါ့နော်။ မိစန္ဒီက ငယ်ငယ်တုန်းကတည်းက အလှအပလည်း သိပ်စိတ်မဝင်စားဘူး။ မိန်းမလည်း အရမ်းမဆန်ဘူး အဲ့ဒီလိုမျိုးပေါ့။ ပျော်ပျော်နေတတ်တယ်။ စာအရမ်းလုပ်တဲ့ စာဂျပိုးမကြီးပေါ့ ကြီးလာမှ စာကသိပ်မလုပ်တော့ဘူး'' လို့ သူကဆိုပါတယ်။

Photo: မိစန္ဒီဖေ့စ်ဘွတ်

အသဲကွဲခံ ကုန်ကြမ်းတွေရှာပြီး သီချင်းတွေ ရေးနေတယ်ဆိုတဲ့ မိစန္ဒီ 

ခန္ဓာကိုယ်ဝတဲ့အတွက်  ကိုယ့်ကိုယ်ကို ယုံကြည်မှု မရှိတဲ့ သူငယ်ချင်းတွေလည်း မိစန္ဒီရဲ့ ပတ်ဝန်းကျင်မှာရှိတယ်လို့ဆိုပါတယ်။ မိစန္ဒီက သူကိုယ်တိုင်ကလည်း ငယ်ငယ်လေးကတည်းက Body Shaming အလုပ်ခံခဲ့ရတာပါလို့ ရင်ဖွင့်ပြောပြလာပါတယ်။

''ဒါပေမယ့် ငယ်သေးတော့ ဒါကို Body Shaming အလုပ်ခံနေရတယ်ဆိုတာလည်း မသိကြဘူး။ ကြီးလာ တော့ ကိုယ်လည်း အပြောခံရတယ်၊ ကိုယ့်ပတ်ဝန်းကျင်မှာလည်း ကိုယ့်သူငယ်ချင်းတွေကအစ အပြင်မထွက်ရဲဘူး၊ ပွဲမသွားချင်ဘူး။ ငါအရမ်း ဝနေတယ်၊ ငါဘာဝတ်ဝတ် အဆင် မပြေဘူး ဆိုပြီးတော့ ကိုယ့်ကိုယ်ကို ယုံကြည်မှုမရှိဘူး'' ဆိုပါတယ်။

Photo: မိစန္ဒီဖေ့စ်ဘွတ်

 

လူငယ်တွေကြားထဲမှာ ရေပန်းစားအောင်မြင်နေတဲ့လူငယ်အဆိုတော်မလေး မိစန္ဒီဟာ  မိုလိုပိုလီ၊ ပစ်တိုင်းထောင်၊ အသဲလေး စတဲ့ စီးရီးတွေကို ထွက်ရှိထားသူ တစ်ဦးလည်း ဖြစ်ပါတယ်။သူမဟာ ဂီတပိုင်းမှာသာမက စီးပွားရေးအနေနဲ့လည်း  My Boo အမှတ်တံဆိပ် အဝတ်အထည်များကိုု အရေအတွက်အကန့်အသတ်နဲ့ ရောင်းချခဲ့ပါသေးတယ်။

 

Share

က္က