Photo: ရတနာဗို ဖေ့စ်ဘွတ်

'' မနက်ဖြန်(၁၅)ရက် ဗိုလ်မွေးနေ့မှာ အောင်ဇမ္ဗူတောရဓမ္မရိပ်သာမှာ ဆရာတော်ဘုရားကြီးနှင့်သံဃာတော်များ ကိုဆွမ်းသင်္ကန်းကပ်လှူ ပူဇော် ပြီး ဘုရားဖူးလာတဲ့ဧည့်သည်များအားလုံးကို စတုဒီသာကျွေးမွေးလှူဒါန်းမှာဖြစ်ပါတယ်ရှင့် ဗိုလ်ဘယ်သူ့မှ မဖိတ်တာ မခေါ်တာ မပြော တာမဟုတ်ပါဘူးရှင့်။ မှော်ဘီအထိဆိုတော့ လာရတာဝေးလို့အလုပ်ရှုပ်မှာစိုးတာရယ် တကူးတကတွေဖြစ်မှာစိုးလို့ မပြောဖြစ်တာပါ '' လို့ ဆိုပါတယ်။

Photo: ရတနာဗို ဖေ့စ်ဘွတ်

''ရိုးရိုးမိသားစုမွေးနေ့အလှူလေးမို့အားနာလို့ပါရှင့်။ လမ်းကြုံလို့ ဘုရားဖူးလာရင်းဖြစ်ဖြစ် ဆရာတော်ဘုရားကြီးကိုလာဖူးတာဘဲဖြစ်ဖြစ် စတုဒီသာ လာရောက်သုံးဆောင်ကြပါလို့ ဖိတ်ခေါ်ပါတယ်နော်'' ဆိုပြီးတော့ နိုဝင်ဘာလ ၁၄ ရက်နေ့ နေ့လည်း  ၂နာရီခွဲက သူ့ရဲ့ ဖေ့စ်ဘွတ် မှာ ရေးသားထားတာဖြစ်ပါတယ်။

Photo: ရတနာဗို ဖေ့စ်ဘွတ်

အနုပညာပျိုးခင်းက ဘဝမှာကြီးမားတဲ့မှတ်တိုင်လို့ပြောလာတဲ့ ရတနာဗို 

ရတနာဗိုလ်ဟာ အနုပညာ ပျိုးခင်း ၂ ရဲ့ စင်တင်မင်းသမီးလေး တစ်ယောက်ဖြစ်ပါတယ်။ သူမအနေနဲ့ အနုပညာပျိုးခင်းက ဘဝရဲ့ ကြီးမားတဲ့ မှတ်တိုင်တစ်ခုဖြစ်ခဲ့တယ်ဆိုတာကိုလည်း ပြောပြခဲ့ပါသေးတယ်။ ဒီ့အတွက်ကြောင့်လည်း ဆရာတွေကို ကျေးဇူးတင်စကား အခုလို ပြောခဲ့ပါတယ်။

'' ပျိုးခင်းမှာ ပါဝင်ခွင့်ရခဲ့တယ်ဆိုကလည်းက ကိုယ့်ဘဝမှာ ကြီးမားတဲ့အခွင့်အရေး၊ ကိုယ့်ဘဝရဲ့ ပြောင်းလဲမှုလို့ပဲ ယုံကြည်ထားတယ်။ ပြီး တော့ ဆရာတွေကိုလည်း အရမ်းကျေးဇူးတင်တယ်'' ဆိုတာကို နိုဝင်ဘာလ ၂ ရက်နေ့က ၁၀၁၄ ရုပ်ရှင်ဇာတ်ကားကြီးကန်တော့ပွဲကို တက် ရောက်လာရင်း ဖြေဆိုခဲ့တာဖြစ်ပါတယ်။

Photo: ရတနာဗို ဖေ့စ်ဘွတ်

သရုပ်ဆောင် ရတနာဗိုကတော့ သူသရုပ်ဆောင်ချင်တဲ့ ကာရိုက်တာမျိုးကို တစ်ချိန်မှာ သရုပ်ဆောင်ခွင့်ရခဲ့မယ်ဆိုရင် သူ့ဘက်က အနုပညာအရည်အချင်းပြည့်ဝအောင်၊ ပရိသတ်ကိုလည်း အကောင်းဆုံတင်ပြနိုင်တဲ့ အနုပညာသမားကောင်းတစ်ယောက်ဖြစ်အောင် ကြိုးစားနေဦးမယ်လို့ဆိုပါတယ်။