ကျင်းပလျက်ရှိတဲ့ ၂၀၁၈ ခုနှစ် အာဆီယံ ဆူဇူကီးဖလား ပြိုင်ပွဲကိတော့ ဆီမီးဖိုင်နယ်အဆင့်ကို ရောက်ရှိလို့လာခဲ့ပါပြီ။ ဒီအချိန်မှာတော့ အုပ်စု (က)မှာ ဗီယက်နမ်နဲ့ မလေးရှား ၊ အုပ်စု(ခ)မှာ ထိုင်းနဲ့ ဖိလစ်ပိုင်အသင်းတို့ ဆီမီးဖိုင်နယ်ကို အသီးသီးတက်လှမ်းနိုင်ခဲ့ပါတယ်။

ဘူကစ်ဂျာလီပြင်ပက တိုက်ခိုက်မှုဖြစ်စဉ်အသေးစိတ် 

Photo - Bola - Bisnis.com

အုပ်စု(ခ)မှာဆိုရင်လည်း ထိုင်းအသင်းက စင်ကာပူအသင်းကို ၃-၀ ဂိုးနဲ့ အနိုင်ယူပြီး အုပ်စုဗိုလ်ဖြစ်ခဲ့သလို ဖိလစ်ပိုင်အသင်းကလည်း အင်ဒိုနီး ရှားအသင်းကို သရေကစားကာ နောက်တစ်ဆင့်ကို ဒုတိယနေရာက တက်ရောက်ခဲ့ပါတယ်။

ဒါကြောင့် မလေးရှားအသင်းက ၅ ပွဲပိုနိုင်ထားပေမယ့်လည်း သိသိသာသာကွာခြားချက်တော့မရှိပါဘူး။ နောက်ဆုံး ၁၀ ကြိမ်တွေ့ဆုံမှုမှာတော့ ထိုင်းအသင်းက ပိုအသာရထားပြီး ၆ ပွဲနိုင် ၂ ပွဲသရေ ၂ ပွဲရှုံးထားပါတယ်။

တစ်ဖက်မှာ ဗီယက်နမ်နဲ့ ဖိလစ်ပိုင်နှစ်သင်းကြား ကြည့်လိုက်မယ်ဆိုရင်တော့ နှစ်သင်းကြား ထိပ်တိုက်တွေ့ဆုံမှု သိပ်များများစားစားမရှိပါဘူး။ ဗီယက်နမ်အသင်းက ၆ ပွဲနိုင် ၃ ပွဲသရေကျထားပြီး ဖိလစ်ပိုင်အသင်းက ၂ ပွဲနိုင်ထားပါတယ်။

ဒီအခြေအနေမှာလည်း နှစ်သင်းကြား သိသိသာသာ ကွာဟနေတာမရှိပဲ နောက်ပိုင်းနှစ်တွေမှာ တိုးတက်လာတဲ့ ဖိလစ်ပိုင်ကြောင့် ဗီယက်နမ် အခက်တွေ့နိုင်ပါတယ်။

အခုတွေ့ဆုံနေတဲ့ အာဆီယံ ချန်ပီယံရှစ်ပြိုင်ပွဲမှာ  ၄ကြိမ်တွေ့ဆုံထားဖူးပြီး ၂၀၀၂ တုန်းက ဗီယက်နမ်က ၄-၁ ဂိုးနဲ့ နိုင်ထားပါတယ်။၂၀၁၀ မှာ တော့ ဖိလစ်ပိုင်က ၂-၀ ဂိုးနဲ့ ပြန်နိုင်ခဲ့ပါတယ်။

၂၀၁၂ တုန်းကလည်း ဖိလစ်ပိုင်အသင်းကသာ ၁-၀ ဂိုးနဲ့ ထပ်မံ အနိုင်ယူထားပြီး ၂၀၁၄ မှာတော့ ဗီယက်နမ်က ၃-၁ ဂိုးနဲ့ ပြန်အနိုင်ယူခဲ့ပါတယ်။ နှစ်သင်းကြား အုပ်စုတွင်း တွေ့ဆုံမှုတွေသာရှိခဲ့ပြီး အခုလို ဆီမီးဖိုင်နယ်အဆင့်မှာတော့ ပထမဆုံးအကြိမ် တွေ့ဆုံတာပါ။

ဆီမီးဖိုင်နယ်အဆင့် ပွဲစဉ်တွေကို အိမ်ကွင်းအဝေးကွင်း နှစ်ကျော့စနစ်နဲ့ ယှဉ်ပြိုင်ကစားစေမှာ ဖြစ်ပြီး ဒီဇင်ဘာ ၁ ရက်နေ့မှာ မလေးရှားအသင်း နဲ့ ထိုင်းအသင်း၊ဒီဇင်ဘာ ၂ ရက်နေ့မှာ ဖိလစ်ပိုင်အသင်းနဲ့ ဗီယက်နမ်အသင်းတို့ ဆီမီးဖိုင်နယ် ပထမအကျော့ ပွဲစဉ်တွေကို ကစားပါမယ်။

ဒုတိယအကျော့ ပွဲစဉ်တွေအဖြစ် ဒီဇင်ဘာ ၅ ရက်နေ့မှာ ထိုင်းနဲ့ မလေးရှား၊ ၆ ရက်နေ့မှာ ဗီယက်နမ်နဲ့ ဖိလစ်ပိုင်အသင်းတို့ အသီးသီး ယှဉ်ပြိုင် ကစားသွားပါမယ်။

ဗိုလ်လုပွဲကိုလည်း ၂ ကျော့စနစ်နဲ့သာ ယှဉ်ပြိုင်စေမှာ ဖြစ်ပြီး ဒီဇင်ဘာ ၁၁ နဲ့ ၁၅ ရက်နေ့တွေမှာ ကစားစေမှာ ဖြစ်ပါတယ်။