မလေးရှားဝန်ကြီးချုပ် မူဟီဒင်ယာစင်ဟာ ၎င်းနဲ့အတူ အစည်းအဝေးမှာရှိခဲ့တဲ့ အစိုးရအရာရှိတစ်ဦး COVID-19 ကူးစက်ခံခဲ့ရကြောင်း သိရှိရပြီးနောက် ၁၄ ရက်ကြာ အသွားအလာ ကန့်သတ်နေထိုင်လျက်ရှိတယ်လို့ ဆိုပါတယ်။

(Photo: AFP)

"ဝန်ကြီးချုပ်က မေ ၂၀ ရက်နေ့မှာ ဝန်ကြီးချုပ်ရုံးမှာ အစိုးရအဖွဲ့အစည်းအဝေးအပြီး ပြန်လည် ဆန်းစစ်ဆွေးနွေးမှု အစည်းအဝေးတစ်ခု လုပ်ခဲ့ပါတယ်၊ ဒီအစည်းအဝေးကို တက်ရောက်ခဲ့တဲ့ အရာရှိတစ်ဦး COVID-19 ကူးစက်ခံရကြောင်း အတည်ပြုထားပါတယ်" လို့ ဝန်ကြီးချုပ်ရုံးထုတ်ပြန်ချက်မှာ ပြောထားပါတယ်။

(Photo: The Star)

ထိုအစည်းအဝေးကို တက်ရောက်ခဲ့သူအားလုံး COVID-19 စစ်ဆေးမှုလုပ်ရန်နဲ့ ၁၄ ရက် အသွားအလာ ကန့်သတ်နေထိုင်ရန် ညွှန်ကြားထားကြောင်းလည်း CNA သတင်းမှာ ဖော်ပြပါတယ်။ မလေးရှားဝန်ကြီးချုပ်ရုံးမှာ ပြုလုပ်တဲ့ အစည်းအဝေးတိုင်းမှာ ခပ်ခွာခွာနေမှုနဲ့ သန့်ရှင်းရေးစီမံဆောင်ရွက်မှုတွေ လုပ်ဆောင်ခဲ့ကြောင်း ထုတ်ပြန်ချက်မှာ ပြောထားပါတယ်။ မလေးရှားနိုင်ငံမှာ ယနေ့ (မေ ၂၂ ရက်) ညနေပိုင်းအထိ စာရင်းတွေအရ COVID-19 ကူးစက်ခံရသူ ၇,၁၃၇ ဦး၊ သေဆုံးသူ ၁၁၅ ဦးနဲ့ ပြန်လည်သက်သာသူ ၅,၈၅၉ ဦးရှိကြောင်း သိရပါတယ်။