အာဆင်နယ်ကစားသမားဟောင်းကြီး မာတင်ကီအွန်က ချဲလ်ဆီးနဲ့ ယူနိုက်တက်ပွဲက ယူနိုက်တက် ကစားသမား ဂါနာချိုရဲ့ အောင်ပွဲခံဟန်အပေါ် ဝေဖန်ပြောကြားခဲ့ပါတယ်။ ဒီပွဲမှာ ချဲလ်ဆီးက ပါးလ်မားရဲ့ နောက်ဆုံးမိနစ် သွင်းဂိုးတွေနဲ့အတူ ၄-၃ ဂိုးနဲ့ ယူနိုက်တက်ကို အနိုင်ရရှိခဲ့တာပါ။
ဒီပွဲက တစ်ဖက်နဲ့တစ်ဖက် အပြန်အလှန် သွင်းဂိုးတွေနဲ့ ဦးဆောင်ခဲ့ကြတာလည်း မြင်တွေ့ခဲ့ရပါတယ်။ ပွဲကစားချိန် မိနစ် (၂၀) မပြည့်ခင်မှာတင် ချဲလ်ဆီးအတွက် ဂယ်လာဂါ၊ ပါးလ်မားတို့က ဦးဆောင်ဂိုး သွင်းယူပေးခဲ့ပေမယ့် ဂါနာချိုနဲ့ ဘရူနိုဖာနန်ဒက်စ်တို့က ပြန်လည်ချေပခဲ့ပါတယ်။
အဲ့ဒီနောက် ဒုတိယပိုင်းမှာ ဂါနာချိုက ယူနိုက်တက်အတွက် ၂-၃ ဂိုးနဲ့ ဦးဆောင်စေမယ့် သွင်းဂိုးကို ဒုတိယပိုင်းမှာ သွင်းယူပေးခဲ့ပါတယ်။ ဒီလိုမျိုး သွင်းယူပေးတဲ့နောက် စတမ်းဖို့ဒ်ဘရစ်ချ်မှာ ဂါနာချိုက ကွင်းဘေးရှိ ကြော်ငြာဆိုင်းဘုတ်ပေါ်ထိုင်ကာ ရော်နယ်ဒိုစတိုင်နဲ့ အောင်ပွဲခံခဲ့ပါသေးတယ်။
ဒီလိုမျိုး အောင်ပွဲခံဟန်နဲ့ ပတ်သက်လို့ မာတင်ကီအွန်က “လူတွေက အာဆင်နယ်ကို အလွန်အကျူးအောင်ပွဲခံတယ်ဆိုပြီး ပြောနေကြပါတယ်။ ဒါပေမယ့် ယူနိုက်တက်ကရော ဘာတွေလုပ်နေလဲ? လူတိုင်းက သွင်းဂိုးတွေအတွက် အောင်ပွဲခံနေကြတာပဲလေ။ ကျွန်တော်ကတော့ မဟုတ်ပါဘူး”
“ကျွန်တော်သာဆိုရင် ကိုယ့်နေရာကိုယ် ပြန်သွင်းပြီး ခံစစ်အတွက် ဘာလုပ်ရမလဲ စဉ်းစားနေမှာပါ” လို့ ပြောကြားသွားခဲ့ပါတယ်။ ဂါနာချိုက ဒီလိုမျိုး အောင်ပွဲခံခဲ့ပေမယ့် ပွဲပြီးခါနီး မိနစ် (၉၀) ရဲ့ နာကျင်အချိန်ပို (၁၀) မိနစ်နဲ့ (၁၁) မိနစ်မှာ ပါးလ်မားက ချဲလ်ဆီးအတွက် နှစ်ဂိုးဆက်တိုက် သွင်းယူပြီး ယူနိုက်တက်တို့ ၄-၃ ဂိုးနဲ့ ရှုံးနိမ့်သွားခဲ့ပါတယ်။