လက်ရှိကမ္ဘာ့ချန်ပီယံတွေဖြစ်တဲ့ ပြင်သစ်အသင်းဟာ ဗုဒ္ဓဟူးနေ့ညက မော်ရိုကိုအသင်းကို ၂-၀ နဲ့ အနိုင်ရရှိခဲ့တာကြောင့် ကမ္ဘာ့ဖလားဗိုလ်လုပွဲကို တက်ရောက်နိုင်ခဲ့တာဖြစ်ပြီး လာမယ့် တနင်္ဂနွေနေ့မှာ အာဂျင်တီးနားနဲ့ တွေ့ဆုံယှဉ်ပြိုင်သွားရတော့မှာ ဖြစ်ပါတယ်။ ပြင်သစ်ဟာ ၂၀၁၈ ကမ္ဘာ့ဖလားဗိုလ်လုပွဲမှာ ခရိုအေးရှားကို အနိုင်ယူခဲ့ပြီးနောက် နှစ်ပေါင်း ၆၀ အတွင်း ကမ္ဘာ့ဖလားချန်ပီယံဘွဲ့ကို ထိန်းသိမ်းနိုင်တဲ့ ပထမဆုံးအသင်းဖြစ်လာဖို့ ကြိုးပမ်းသွားမှာဖြစ်ပြီး ဆီမီးဖိုင်နယ်အဆင့်မှာ အံ့အားသင့်စရာတွေ လုပ်ပြနိုင်ခဲ့တဲ့ မော်ရိုကိုအသင်းကို အနိုင်ယူနိုင်ခဲ့တာဖြစ်ပါတယ်။

အာဂျင်တီးနားအသင်းဟာ အင်္ဂါနေ့ညက ခရိုအေးရှားအသင်းကို လီယွန်နယ် မက်ဆီနဲ့ ယူလီယန် အဲဗရက်ဇ်တို့ရဲ့ သွင်းဂိုးတွေကြောင့် ၃-၀ နဲ့ အနိုင်ရပြီး ကမ္ဘာ့ဖလားဗိုလ်လုပွဲကို တက်ရောက်နိုင်ခဲ့တာဖြစ်ပြီး အသက် ၃၅ နှစ်အရွယ်ရှိပြီဖြစ်တဲ့ မက်ဆီဟာ ၎င်းရဲ့နောက်ဆုံးကမ္ဘာ့ဖလားပြိုင်ပွဲမှာ တောက်ပနေတာဖြစ်ပါတယ်။ မန်ချက်စတာယူနိုက်တက်ဂန္တဝင်နောက်ခံကစားသမား ရီယို ဖာဒီနန်က ပီအက်စ်ဂျီကြယ်ပွင့်တိုက်စစ်မှူးဟာ တနင်္ဂနွေနေ့ည ဗိုလ်လုပွဲမှာ ကွဲပြားခြားနားမှုတွေ ဖြစ်စေနိုင်လိမ့်မယ်လို့ ယုံကြည်နေတာ ဖြစ်ပါတယ်။

"အရမ်းကောင်းတဲ့ ပွဲစဉ်ဖြစ်လာနိုင်တဲ့ မတူညီတဲ့ လှည့်ကွက်တွေလည်း အများကြီးရှိနေပါတယ်။ ပြင်သစ်က အရမ်းကောင်းတဲ့အတွက် လီယွန်နယ် မက်ဆီနဲ့ အာဂျင်တီးနားတို့က နည်းနည်းတော့ အခက်တွေ့ပါလိမ့်မယ်။ သူတို့တွေအနေနဲ့ ပြင်သစ်ကို အနိုင်ရနိုင်တဲ့ နေရာတွေ ရှိတယ်လို့ တွေးနေပါလိမ့်မယ်။ အထူးသဖြင့် သူတို့ခံစစ်ရဲ့ ဘယ်တောင်ပံဧရိယာကိုပေါ့။ ပြင်သစ်အသင်းက ပြေးလွှားနေတဲ့အချိန်မှာ သူတို့ နည်းနည်း စိတ်လှုပ်ရှားခဲ့ကြပြီး ယူလီယန် အဲဗရက်ဇ်နဲ့ မက်ဆီတို့က ကခုန်ပြီး လှည့်ကွက်တွေ ပြုလုပ်ပြနိုင်တာကြောင့် အရမ်းကောင်းတဲ့ ပွဲစဉ်ဖြစ်လာတော့မှာပါ"လို့ ပြောကြားခဲ့ပါတယ်။