ဒီညကစားမယ့် မန်စီးတီးနဲ့ပွဲမှာ အာဆင်နယ်သာအနိုင်ရခဲ့မယ်ဆိုရင် စပါးအနေနဲ့ အဆင့် ၂ နေရာမှာ ဆက်လက် ရပ်တည်နိုင်မှာဖြစ်ပေမယ့် အာဆင်နယ်အနိုင်ရဖို့ ဘယ်တော့မှအားပေးမှာ မဟုတ်ဘူးလို့ စပါးနည်းပြ ပိုချက်တီနိုက နယူးကာဆယ်ကို အနိုင်ရခဲ့တဲ့ပွဲအပြီး သတင်းစာရှင်းလင်းပွဲမှာ ပြတ်ပြတ်သားသား ပြောဆိုလိုက်ပါတယ်။
အာဆင်နယ်နဲ့ စပါးအသင်းတို့ဟာ မြောက်လန်ဒန်မှာ ခါးသီးတဲ့မြို့ခံပြိုင်ဖက်တွေလည်း ဖြစ်ကြပါတယ်။ ဒါပေမယ့် ဒီနေ့ညမှာကစားရမယ့် မန်စီးတီး-အာဆင်နယ်ပွဲမှာတော့ စပါးပရိသတ်တွေဟာ အာဆင်နယ်အနိုင်ရဖို့ အားပေးရမယ့် အနေအထားမှာရှိနေပါတယ်။ ဘာကြောင့်လဲဆိုတော့ လက်ရှိ ပရီးမီးယားလိဂ် အမှတ်ပေးဇယားမှာ စပါးက ရမှတ် ၅၇ မှတ်နဲ့အဆင့်၂ နေရာမှာရပ်တည်နေပြီး မန်စီးတီးကို တစ်မှတ်အသာရထားပါတယ်။
တကယ်လို့များ ဒီညမှာ အာဆင်နယ်က မန်စီးတီးကိုအနိုင်ရခဲ့မယ်ဆိုရင် စပါးတို့ အဆင့် ၂ နေရာမှာ ဆက်လက်ရပ်တည်နိုင်မှာပါ။ ဒါပေမယ့် စပါးနည်းပြ ပိုချက်တီနိုကတော့ အာဆင်နယ်အနိုင်ရဖို့အတွက် ဘယ်တော့မှအားပေးမှာမဟုတ်ဘူးလို့ နယူးကာဆယ်ကို အနိုင်ရခဲ့တဲ့ပွဲအပြီး သတင်းစာရှင်းလင်းပွဲမှာေ ပြာခဲ့ပါတယ်။
“ဘာကြောင့်လဲ… ဘာကြောင့် အာဆင်နယ်ကိုအားပေးရမှာလဲ… အာဆင်နယ်အနိုင်ရဖို့ ဘယ်တော့မှအားပေးမှာ မဟုတ်ဘူး။ ကျွန်တော်ဒီပွဲကို ဘယ်အသင်းဘက်ကမှရပ်တည်ပြီး ကြည့်မှာမဟုတ်ဘူး။ ဘယ်လိုရလဒ်ပဲဖြစ်ဖြစ် ကျွန်တော်လက်ခံရမှာပဲ။”လို့ ပိုချက်တီနိုက နယူးကာဆယ်နဲ့ပွဲအပြီး သတင်းစာရှင်းလင်းပွဲမှာ မီဒီယာတွေမေးမြန်းချက်ကို ပြန်ဖြေခဲ့ပါတယ်။
မန်စီးတီးအသင်းဟာ ပရီးမီးယားလိဂ်ပွဲစဉ်(၂၄)မှာ နယူးကာဆယ်ကိုရှုံးခဲ့တာကြောင့် အမှတ်ပေးဇယားထိပ်က လီဗာပူးလ်နဲ့ ငါးမှတ်အထိကွာဟသွားခဲ့သလို တတိယနေရာက စပါးအသင်းရဲ့ဖိအားပေးမှုကိုလည်း ရင်ဆိုင်နေရပါတယ်။
စပါးအသင်းဟာ လက်ရှိအချိန်မှာ အဓိကတိုက်စစ်မှူး ဟယ်ရီကိန်းဒဏ်ရာရနေတဲ့အတွက် ဂိုးရဖို့ရုန်းကန်နေရပေမယ့် ကိုရီးယားတိုက်စစ်မှူး ဆွန်ဟောင်မင်နဲ့ အရန်တိုက်စစ်မှူး လော်ရန်တေးတို့ ခြေစွမ်းပြနေနိုင်တဲ့အတွက် နိုင်ပွဲဆက်နေပါတယ်။
စပါးဟာ နယူးကာဆယ်ကိုအနိုင်ရထခဲ့တဲ့ပွဲအပြီးမှာ ပရီးမီးယားလိဂ် နောက်ဆုံး ၂၉ပွဲမှာ သရေပွဲလုံးဝမရှိပဲကစားထားနိုင်တဲ့စံချိန်သစ်ကိုရရှိခဲ့ပြီး ၂၀၁၁ခုနှစ်က ၂၈အပွဲဆက်သရေပွဲမရှိကစားထားနိုင်တဲ့ ဘော်လ်တန်အသင်းစံချိန်ကိုကျော်ဖြတ်နိုင်ခဲ့ပါတယ်။
စပါးအသင်းအနေနဲ့ ဒီနှစ်ဘောလုံးရာသီမှာ ချန်ပီယံလိဂ်ဝင်ခွင့်ကို အဓိကပစ်မှတ်ထားယှဉ်ပြိုင်နေတာဖြစ်ပြီး လာမယ့်နှစ်ဘောလုံးရာသီမှာလည်း နည်းပြ ပိုချက်တီနိုကို နည်းပြသစ်အဖြစ်ခန့်ဖို့ မန်ယူကချိတ်ဆက်နေတယ်လို့လည်း သတင်းတွေထွက်နေပါတယ်။