အူဘာမီယန်းရဲ့ အငြင်းပွားဖွယ်လူကျွံဘောကနေ ချေပဂိုးရခဲ့ပြီး သရေကျခဲ့တာဖြစ်ကာ အခုထက်ပိုတဲ့ လုပ်အားနှုန်းက အမ်မရီက တောင်းဆိုလိုက်တာပါ။
မန်ချက်စတာယူနိုက်တက်ကို သရေကစားခဲ့တဲ့ပွဲက ကစားသမားတွေရဲ့ လုပ်ဆောင်နှုန်းနဲ့ ပတ်သက်ပြီး ဒီ့ထက် ပိုလုပ်ဆောင်နိုင်သေးတယ်လို့ အမ်မရီက ယုံကြည်နေပါတယ်။
နှစ်သင်းစလုံး ကောင်းမွန်တဲ့ စွမ်းဆောင်ရည် ပျောက်ဆုံးပြီး ကစားနေခဲ့တဲ့ ဒီပွဲစဉ်မှာအာဆင်နယ်အတွက် ချေပ ဂိုးတစ်ဂိုးကို အူဘာမီယန်းက အငြင်းပွားဖွယ် လူကျွံဘောကတဆင့် ရယူပေးခဲ့တာပါ။
“ ရလဒ်ပိုင်းအရရော ခြေစွမ်းပိုင်းအရရော ဒီ့ထက်ပိုလိုချင်ပါသေးတယ်။ ဒါပေမယ့် ကျွန်တော်တို့က အခြေအနေ တစ်ခုတည်းရောက်နေပါတယ်။ ကျွန်တောာို့ ပြိုင်ဆိုင်နေကြတယ်၊ကျွန်တော်တို့ပိုကောင်းအောင်လုပ်နိုင်ပါ တယ်။ အခုလို စည်းထဲမှာဘောလုံးရချိန်နဲ့ဘောလုံးကိုင်ထားနိုင်ချိန်တိုင်း ပိုကောင်းတဲ့ စွမ်းဆောင်မှုတွေ လုပ်နိုင်ပါတယ်။” လို့ အမ်မရီက BBC SPORTကို ပြောသွားပါတယ်။
လူငယ်တွေနဲ့ ယုံကြည်မှု အပြည့်တည်ဆောက်ထားတဲ့အာဆင်နယ်အသင်းအနေနဲ့ ဘူကာယိုဆာကာကို ပိုုင်ဆိုင်ထားပေမယ့် အခြားတစ်ဦးကိုလိုသေးကြောင်း၊ ရမှတ်က လုံလောက်မှုမရှိပေမယ့်လည်းလာမယ့်အပတ် ဘုန်းမောက်ကိုအနိုင်ရဖို့ အားတက်စရာ ဖြစ်လာကြောင်း အမ်မရီက ဆက်လက်ပြောခဲ့ပါတယ်။
အူဘာမီယန်းအနေနဲ့ ယူနိုက်တက်အသင်းဖက်ကို တစ်ဂိုးသွင်းယူနိုင်ခဲ့တာကြောင့် ၁၉၉၇-၉၈ က ဒင်းနစ်ဘားကမ့်ပြီးရင် အဖွင့် ၇ ပွဲကို ဂိုးသွင်းနိုင်သူ ဖြစ်လာပါတယ်။
အလုပ်အပေါ် အရမ်းအာရုံစူးစိုက်ပြီး သွင်းဂိုးတွေ ဒိုင်ခံသွင်းပေးနေတဲ့ အူဘာမီယန်းကအသင်းအတွက် အရမ်း အရေးကြီးတဲ့ ကစားသမားဖြစ်တယ်လို့လည်း အမ်မရီက ဆိုပါတယ်။
နောက်ထပ်သူ့လို ဂိုးတွေသွင်းယူနိုင်သူတွေ ပိုလိုအပ်တယ်လို့ အမ်မရီက ပြောခဲ့ပြီး အာဆင်နယ်အသင်း သားတွေ ယူနိုက်တက်နဲ့ပွဲကထက် ပိုလုပ်ဆောင်နိုင်တယ်လို့ အမ်မရီက ပြောခဲ့ပါတယ်။