စပါးအသင်းရဲ့ ကစားသမားဟောင်းတစ်ဦးဖြစ်တဲ့ ဂါရတ်ဘေးလ်ကတော့ စပါးပရိသတ်တွေရဲ့ ဒေါသကို ရင်ဆိုင်နိုင်တဲ့စကားကို ထုတ်ဖော်ပြောလာခဲ့တာ ဖြစ်ပါတယ်။ လက်ရှိမှာ ရီးရဲမက်ဒရစ်အသင်းနဲ့အတူ ပါဝင်ကစားနေတဲ့ ဂါရတ်ဘေးလ်ကတော့ တစ်ချိန်က အာဆင်နယ်ကစားသမားတွေ ဖြစ်ကြတဲ့ အွန်နရီ၊ဘားကမ့်တို့ ကစားခဲ့တဲ့ အာဆင်နယ်ပွဲတွေကိုကြည့်ပြီး ကြီးပြင်းလာရတယ်လို့ အ့ံ့အားသင့်ဖွယ် ထုတ်ဖော်ပြောလာခဲ့ပါတယ်။
ရီးရဲအသင်းမှာကာလရှည် လက်တွဲခဲ့တဲ့ တွဲဖက်ကစားသမား ရော်နယ်ဒိုနဲ့ ပတ်သက်ပြီး တော့လည်း - “ သူက တကယ်ကို မထင်မှတ်ထားနိုင်လောက်အောင် အရမ်းကောင်းမွန်တဲ့ ကစားသမားပါ၊ သူနဲ့အတူ ပျော်ရွှင်စရာ ကာလတွေကို အတူတကွ ဖြတ်သန်း ကစားခဲ့ဖူးပါတယ်။” လို့ ဘေးလ်က ထုတ်ဖော်ပြောလာခဲ့ပါသေးတယ်။
လက်ရှိမှာတော့ ဘေးလ်က စပိန်လာလီဂါမှာ ၂၂၄ ပွဲ ပါဝင်ကစားပေးအပြီး ၁၀၂ ဂိုးသွင်းကာ ၆၃ ဂိုးဖန်တီးပေးထားနိုင်ပါတယ်။ ဒါပေမယ့်လည်း လတ်တလောမှာတော့ ရီးရဲအသင်းကနေ ပြောင်းရွှေ့တော့မယ်လို့ သတင်းတွေ ထွက်ပေါ်ခဲ့ပြီး မန်ယူအသင်းကို ရောက်မယ်လို့လည်း မီဒီယာတွေက ခန့်မှန်းနေကြပါတယ်။
ဒါပေမယ့် မန်ယူနည်းပြ ဆိုးလ်ရှားကလည်း ဘေးလ်ကို ခေါ်ယူမယ်ဆိုတဲ့ သတင်းတွေကို ငြင်းဆန်ထားခဲ့ရာ ရီးရဲမှာ ပုံမှန် ပွဲထွက်ခွင့်မရလို့ အသင်းက ထွက်ခွာချင်နေတဲ့ ဘေးလ်တစ်ယောက် အာဆင်နယ်ပရိသတ်လို့ ထုတ်ဖော်ပြောလာတာကတော့ ……။