အိပ်စက်ခြင်းဆိုတာ ပြန်လည်ထူထောင်ရေး လုပ်ငန်းတစ်ခုလိုပါပဲ။ အိပ်နေတဲ့အချိန်မှာ ဦးနှောက်က အချက်အလက်တွေကို စာရင်းပြုစုနေတဲ့အပြင် ခန္ဓာကိုယ်ကိုလည်း ကုသပေးပါတယ်။ဘာတွေကို မှတ်ထားရမလဲ ၊ ဘာတွေကို မေ့ပစ်ရမလဲဆိုတာကစပြီး ဦးနှောက်က ရှေ့ဆက်မယ့်နေ့တွေအတွက် အထောက်အကူဖြစ်စေမယ့် လမ်းကြောင်းအသစ်တွေကို ဖန်တီးပေးပါတယ်။အိပ်စက်ခြင်းက သွေးကြောနဲ့ နှလုံးကိုလည်း ကုသပေးပြီး ပြုပြင်ပေးပါတယ်။

အိပ်ရေးတစ်ညပျက်ပြီးရင် အဲဒီညအတွက် အချိန်ပိုပြီး ပြန်အိပ်တာက မူလပထမ အိပ်စက်ခြင်းရဲ့ အရည်အသွေးကို မမီနိုင်ပါဘူး။ခန္ဓာကိုယ်ပြန်လည်ကောင်းမွန်ဖို့ အချိန်ပိုလိုအပ်သွားတယ်လို့ ဆိုပါတယ်။ 2016 ခုနှစ် လေ့လာမှုတစ်ခုအရ ဆုံးရှုံးသွားတဲ့ တစ်နာရီကြာ အိပ်ရေးပျက်ခြင်းကို အပြည့်အဝ ပြန်လည်ကောင်းမွန်ဖို့ အချိန် လေးရက်ကြာတယ်လို့ ဆိုပါတယ်။ဒါကြောင့် အမြဲလိုလို အိပ်ရေးပျက်တတ်သူတွေဟာ ဒါကို အမီပြန်လိုက်ဖို့ မဖြစ်နိုင်ပါဘူး။

National Sleep Foundationရဲ့ အဆိုအရ တစ်ညကို 7.1 နာရီခန့် အိပ်စက်ဖို့ လိုအပ်ပေမယ့် ကျွန်ုပ်တို့ရဲ့ 73 ရာခိုင်နှုန်းဟာ တာဝန်တွေ ၊ အလုပ်ချိန်ကြာမြင့်မှုတွေ ၊ စမတ်ဖုန်းလို အီလက်ထရွန်နစ်ပစ္စည်းတွေကို တိုးမြှင့်သုံးစွဲခြင်းစတဲ့ အချက်များစွာကြောင့် လုံလောက်တဲ့ အိပ်ချိန်မပြည့်တတ်ကြဘူးလို့ ဆိုပါတယ်။

Photo: USNews

နာတာရှည် အိပ်ရေးပျက်တာက ဆီးချိုရောဂါ၊ ကိုယ်အလေးချိန်တိုးလာတာ ၊ မှတ်ဉာဏ်ပြဿ   နာ ၊ ကိုယ်ခံအားစနစ် အားနည်းခြင်း ၊ သွေးတိုးရောဂါတွေကို တိုးမြင့်လာစေနိုင်ပါတယ်။ဒါ့အပြင် ကော်တီဆောဆိုတဲ့ စိတ်ဖိစီးမှုဟော်မုန်းတစ်မျိုးလည်း မြင့်တက်လာတဲ့အတွက်  ဒေါသကြီးတာ ၊ ဒေါသဖြစ်လွယ်တာ ၊ စိတ်ဓာတ်ကျတာနဲ့ သတ်သေဖို့ စိတ်ကူးတွေအထိ ဖြစ်စေနိုင်ပါတယ်။ ဒါ့အပြင် အိပ်ငိုက်ခြင်း၊ မှေးခနဲ အိပ်ပျော်သွားခြင်းတွေကနေ မတော်တဆမှုဖြစ်နိုင်ခြေတွေလည်း တိုးစေပါတယ်။

အိပ်ရေးပျက်တာကို ဘယ်လိုပြန်ဖြည့်မလဲ 

Photo: Healthline

လူတစ်ယောက်နဲ့တစ်ယောက် အိပ်ချိန်နာရီ အရေအတွက် မတူညီပါဘူး။တစ်ချို့လူတွေအတွက် ကိုးနာရီလောက် လိုပေမယ့် တစ်ချို့အတွက်က ခြောက်နာရီလောက်ပဲ လိုပါတယ်။ကိုယ့်ခန္ဒာကိုယ်က ဘယ်လောက်လိုအပ်သလဲဆိုတာ ကိုယ်အမြဲ အိပ်စက်ချိန်နဲ့ နိုးလာတဲ့အခါ ဘယ်လိုခံစားရသလဲဆိုတာကနေ ချိန်ဆနိုင်ပါတယ်။အချိန်အပြောင်းအလဲ အနည်းငယ်နဲ့ ချိန်ဆပြီးတဲ့အခါ သင့်ခန္ဓာကိုယ်ရဲ့ အကောင်းဆုံးအိပ်စက်ခြင်းစည်းချက်ကို သဘာဝအတိုင်း သိလာပါလိမ့်မယ်။ အဲဒီစည်းချက်ကနေ သွေဖယ်ပြီး အိပ်ရေးပျက်တဲ့အခါ အောက်ပါအချက်တွေအတိုင်း အိပ်ရေးပြန်ဖြည့်ကြည့်ပါ။

 - နေ့လယ်ခင်းမှာ မိနစ် 20 ခန့် တစ်ရေးအိပ်ပါ။

 - စနေ၊ တနင်္ဂနွေတွေမှာ ပိုအိပ်ပါ၊ ဒါပေမယ့် ပုံမှန်အိပ်ယာထချိန်ထက် နှစ်နာရီအပြင် ပိုပြီး မအိပ်ပါနဲ့။

 - နောက်နေ့ည နည်းနည်းစောပြီး အိပ်ပါ။

တစ်ကယ်လို့ နာတာရှည် အိပ်ရေးပျက်ခြင်းကို ခံစားနေရရင်တော့ ဒီအပေါ်က အချက်တွေက အထောက်အကူအများကြီး မပြုပါဘူး။ ဒါဆိုရင်တော့ ဆရာဝန်နဲ့ တိုင်ပင်သင့်ပါတယ်။

အိပ်ရေး၀၀ ဘယ်လိုအိပ်မလဲ 

Photo: Inkl

- ကိုယ်မှန်းထားတဲ့ အိပ်ချိန်ထက် ညတိုင်း ၁၅မိနစ်စောပြီး အိပ်ပါ။

- စနေ၊ တနင်္ဂနွေတွေမှာတောင် ပုံမှန်အိပ်ချိန်ထက် နှစ်နာရီအပြင် ပိုမအိပ်ပါနဲ့။

- ဖုန်း ၊ တီဗီလို အီလက်ထရောနစ်ပစ္စည်းတွေ အိပ်ယာနား မရှိပါစေနဲ့ ။

- အိပ်ရာမဝင်မီ နှစ်နာရီအလိုမှာ အီလက်ထရွန်းနစ်ပစ္စည်းတွေ အသုံးပြုခြင်းကို ရပ်တန့်ပါ။

- အိပ်ခန်းက မှောင်ပြီး အေးမြနေရင် ပိုကောင်းပါတယ်။

- ညဘက်မှာ ကဖိန်းဓာတ် (ကော်ဖီ ၊ လက်ဖက်ရည် ) ရှောင်ပါ။

- လေ့ကျင့်ခန်းလုပ်ရင် အိပ်ချိန်နဲ့ အနည်းဆုံး ၃နာရီ ကွာပါစေ။

Ref: Healthline

Share

က္က