Apple ဟာ အမေရိကန်ပြည်နယ် ၅၀ လုံးမှာ ရှိတဲ့ Supply ကုမ္ပဏီ ၉ ထောင်နဲ့စာချုပ်ချုပ်ဆိုလိုက်ပါတယ်။
နောက်ဆုံးရရှိထားတဲ့ ကုမ္ပဏီရဲ့ ဝန်ထမ်းခန့်အပ်မှု ကိန်းဂဏန်းများအရ Apple ဟာ အမေရိကန်မှာ ဝန်ထမ်း ၉ သောင်း တိုက်ရိုက်ခန့်ထားတယ်လို့ဆိုပါတယ်။ လာမယ့် ၂၀၂၃ မှာ နောက်ထပ် ဝန်ထမ်း ၂ သောင်း ထပ်ခန့်ဦးမယ်လို့Apple Insider သတင်းက ဆိုပါတယ်။
Photo: thestar
လက်ရှိမှာ ကုမ္ပဏီနဲ့စာချုပ်ချုပ်ဆိုထားတဲ့ Supply ကုမ္ပဏီ ၉ ထောင်ကနေ အလုပ်အကိုင်နေရာ ၄ သိန်းခွဲ ပေးထားတာပါ။ ကျန်တဲ့ အလုပ်အကိုင်နေရာတွေထဲမှာ app developers တွေလည်း ပါဝင်နေပြီး အမေရိကန်တစ်ခွင်မှာ စုစုပေါင်း ၁.၉ သန်းနီးပါး ရှိမယ်လို့ကုမ္ပဏီဘက်မှ ခန့်မှန်းထားပါတယ်။
ဒီပမာဏဟာ ပြီးခဲတဲ့ လပေါင်း ၃၀ ကထက် ၃ သိန်း ၂ သောင်းခွဲ ထပ်တိုးလာတာပါ။ ဒီထဲမှာ မြောက်ကယ်ရိုလိုင်းနားမှ developer ၁ သောင်းခွဲ ၊ ဖလော်ရီဒါမှာ ၃ သောင်းနဲ့ပင်န်ဆီဗေးနီးယားမှာ app creator ၂ သောင်း ၆ ထောင်ဆိုပြီး ထပ်တိုးလာတာ ဖြစ်ပါတယ်။ စုစုပေါင်းအားဖြင့် Apple ဟာ အမေရိကန်မှာ အလုပ်အကိုင်နေရာပေါင်း ၂.၄ သန်းကျော်ကို တာဝန်ယူထားတာ ဖြစ်ပါတယ်။
Photo: appleinsider
ဒီကိန်းဂဏန်းဟာ ပြီးခဲ့တဲ့ ၈ နှစ် ၂၀၁၁ ခုနှစ်ကထက် ၄ ဆ ပိုများလာတာ ဖြစ်ပါတယ်။ ၂၀၁၈ ခုနှစ်ထဲမှာ Apple ဟာ supplier တွေအတွက် စုစုပေါင်း ဒေါ်လာ ဘီလျံ ၆၀ အသုံးပြုခဲ့ပြီး ၂၀၂၃ မှာတော့ အမေရိကန်စီးပွားရေးအသိုင်းအဝိုင်းထဲကို ဒေါ်လာ ၃၅၀ ဘီလျံအထိ ထည့်ဝင်နိုင်ဖို့ရည်မှန်းထားတယ်လို့ဆိုပါတယ်။
Apple ဟာ တရုတ်နိုင်ငံအတွက် ၂၀၁၇ ခုနှစ်အထိ အလုပ်အကိုင်နေရာပေါင်း ၄.၈ သန်းကျော် ဖန်တီးပေးထားခဲ့ပါတယ်။