Photo - ACC Myanmar

အင်တာနက်အသုံးပြုပြီး အီလက်ထရောနစ်စနစ်ကနေတစ်ဆင့် တိုင်ကြားစာပေးပို့နိုင်ဖို့အတွက် ကော်မရှင်ရဲ့Website (www.accm.gov.mm) မှာ တိုင်ကြားစာပေးပို့ရန်ကဏ္ဍကို ၂၀၁၈ ခုနှစ် ဒီဇင်ဘာလမှာ စတင် စမ်းသပ်လွှင့်တင်ခဲ့တာဖြစ်ပြီး အခုချိန်မှာတော့ http://www.accm.gov.mm/complaint/ ကနေတစ်ဆင့် ကော်မရှင်ကို တိုက်ရိုက်တိုင်ကြားနိုင်မယ်လို့ သိရပါတယ်။

တိုင်ကြားသူအနေနဲ့ တိုင်ကြားစာမှာ မည်သည့်နေရာ၊ မည်သည့်အချိန်တွင် အဂတိလိုက်စားမှု မည်သို့ ဖြစ်ပွားခဲ့ကြောင်း၊ မည်သူပါဝင်ခဲ့ကြောင်း စတဲ့ အချက်အလက်တွေအပြင် မည်သည့်အတွက်ကြောင့် အဂတိလိုက်စားမှုဟု ယူဆသည်ဆိုတာကိုပါ ထည့်သွင်းရေးပေးရမှာလည်း ဖြစ်ပါတယ်။