အခြေခံလူတန်းစားတစ်ခုရဲ့ နေထိုင်မှုဘဝ အခက်အခဲတွေအကြောင်း ရိုက်ကူးပုံဖော်ထားတဲ့ ''နာမည်ကျန်ရစ်နေမယ်''ဆိုတဲ့ ရုပ်ရှင်ကားကြီးကို ဆင်ဆာဖြတ်ခံရတယ်လို့ သိရပါတယ်။ ဒီအတွက် ဇေရဲထက်က စိတ်မကောင်းဖြစ်လို့နေပါတယ်။

ဇေရဲထက်က သူပါဝင်သရုပ်ဆောင်ထားတဲ့ ‘’နာမည်ကျန်ရစ်နေမယ်’’ ရုပ်ရှင်ကားကြီးဟာ ဆင်ဆာပိတ်ခံရတာကြောင့် စိတ်မကောင်းဖြစ်လို့နေပါတယ်။ ဒီဇာတ်ကားထဲမှာတော့ ဇေရဲထက်ရဲ့ ကြိုးစားမှုတွေကို မြင်တွေ့ရမယ့် ဇာတ်ကားလည်းဖြစ်ပါတယ်။

‘’အကောင်းဆုံးကြိုးစားထားသောကား ဆင်ဆာတွေဖြတ်တယ်ဆိုတော့ အမောစို့ ဇာတ်ကားတစ်ကားက ဖျော်ဖြေရေးပညာရေး အမှန်အကန်ရိုက် တော့လည်း ဆင်ဆာကပိတ်’’ ဆိုပြီးတော့ ဧပြီလ ၈ ရက်နေ့ ၁ နာရီ ၂၃ မိနစ်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ အဲဒီနောက် ‘’နာမည်ကျန်ရစ်နေမယ်’’ရုပ်ရှင်ကားကြီး ရိုက်ကွင်းပေါ်က အမှတ်တရ ဓာတ်ပုံတွေကိုလည်း ပြန်လည် Share ထားတာ တွေ့ရပါတယ်။

‘’နာမည် ကျန်ရစ်နေမယ်’’ရုပ်ရှင်ဇာတ်ကားကြီးထဲမှာ ခန့်စည်သူ၊ ဇေရဲထက်၊ ထွန်းအိန္ဒြာဗိုလ် နဲ့ အိချောပိုတို့က အဓိက ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကိုတော့ မျက်ခြယ်ရုပ်ရှင်ထုတ်လုပ်ရေးက ထုတ်လုပ်ထားတာဖြစ်ပါတယ်။ ဒီဇာတ်ကားဟာ အခြေခံလူတန်းစားတွေရဲ့ ဘဝအခက်အခဲတွေ၊ နေထိုင်မှုပုံစံတွေကို ဖော်ကျူးထားတဲ့ ရုပ်ရှင်ဇာတ်ကားတစ်ကားဖြစ်ပါတယ်။

Photo: Zay Ye Htet

ဇေရဲထက်(Zay Ye Htet) ကို ဗီဒီယို ဇာတ်ကားတွေကနေတဆင့် ပရိသတ်တွေ စတင်အားပေးလာခဲ့တာ ဖြစ်ပါတယ်။ အနုပညာအလုပ်တွေစလုပ် ကတည်းက ပရိသတ်အားပေးမှုအရှိန်ကောင်းခဲ့တာပါ။ အဲ့ဒီနောက် အနုပညာလမ်းကြောင်းပေါ်လျှောက်လှမ်းလာရင်းနဲ့ ဝေဖန်တိုက်ခိုက်မှု၊ ချစ်ခင်အားပေးမှုတွေ ကြားကနေ အခုဆိုရင် အောင်မြင်တဲ့အနေအထားတစ်ခုကို ပိုင်ဆိုင်နေပြီ ဖြစ်ပါတယ်။