မြန်မာငွေ သိန်း ၁၄၀ လောက် ရသွားတာပါ

Tesla နဲ့ SpaceX ကုမ္ပဏီကြီးတွေ မထောင်ခင် သင်ကြားရေးအကူလုပ်ခဲ့စဉ်က အီလွန်မတ်စ်ရဲ့ အမှတ်ပေးအဖြေလွှာတစ်စောင်ကို ဒေါ်လာထောင်နဲ့ချီ လေလံတင်ရောင်းချခဲ့တယ်လို့ ဆိုပါတယ်။ 

၁၉၉၅ ခုနှစ်က ပင်န်ဆီဗေးနီးယားတက္ကသိုလ် Wharton စီးပွားရေးကျောင်းမှာ အီလွန်မတ်စ်ဟာ သင်ကြားရေးအကူတစ်ယောက်ဖြစ်ခဲ့ပြီး Wharton စီးပွားရေးကျောင်း စာမေးပွဲတွေကြီးကြပ်တာ ၊ အဖြေလွှာစစ်ပေးတာတွေ လုပ်ခဲ့ပါတယ်။ Business Insider သတင်းအရ Wharton စီးပွားရေးကျောင်းသားဟောင်းတစ်ယောက်ဟာ မတ်စ် အမှတ်စစ်ထားတဲ့ ကောလိပ် Assignments တွေကနေ ဒေါ်လာထောင်ပေါင်းများစွာ ငွေပြန်ရှာနိုင်ခဲ့တယ်လို့ ဆိုပါတယ်။ 




Photo: hca barbieri

လွန်ခဲ့တဲ့ ၂၅ နှစ်ကျော်လောက်က မတ်စ်လည်း ပင်န်ဆီဗေးနီးယားတက္ကသိုလ်မှာ ကျောင်းသားတစ်ယောက်အဖြစ် ဘောဂဗေဒနဲ့ ရူပဗေဒကို လေ့လာနေခဲ့တာပါ။ တချိန်တည်းမှာပဲ သူဟာ ကွယ်လွန်သူ ပါမောက္ခမိုင်းလက်စ်ဘေ့စ်အတန်းမှာ လက်ထောက်ဆရာအဖြစ် သင်ကြားရေးပိုင်းမှာ ကူညီခဲ့တယ်လို့လည်း ဆိုပါတယ်။ Tesla သူဌေးဖြစ်လာမယ့် အီလွန်မတ်စ် လက်ထောက်ဆရာအဖြစ် ကိုင်တွယ်ခဲ့တဲ့အတန်းဟာ "စွန့်ဦးတီထွင်မှု: အကောင်အထည်ဖော်မှုနဲ့ လုပ်ငန်းဆောင်ရွက်ခြင်းများ" ဆိုတဲ့ အတန်းဖြစ်တယ်လို့လည်း ဖော်ပြထားပါတယ်။ 

အတန်းထဲက ကျောင်းသားတွေထဲမှာ သူတို့ရဲ့ အဖြေလွှာတွေကို အမှတ်ပေးစစ်ဆေးခဲ့တဲ့ အကူဆရာတစ်ယောက်အဖြစ် မတ်စ်ကို သိသူ နည်းနည်းပဲရှိထားတာပါ။ ဘရိုင်ယန်သောမတ်စ်ဆိုတဲ့ ကျောင်းသားကတော့ တစ်နေ့ ကမ္ဘာ့အချမ်းသာဆုံး ဘီလျံနာကြီးဖြစ်လာမယ့် မတ်စ်ကို ကောင်းကောင်းသိပြီး မတ်စ်နဲ့ ပတ်သက်ခဲ့မှုကနေ ဘယ်လိုငွေရှာရမလဲဆိုတာပါ အမြင်ရှိတဲ့သူလို့ ဆိုရမှာ ဖြစ်ပါတယ်။ ဘရိုင်ယန်ဟာ သူ့ရဲ့ ကျောင်းစာစစ်အဖြေလွှာကို ဘော့စတွန်မှာရှိတဲ့ RR Auctions လေလံရုံကနေ အွန်လိုင်းလေလံတင်ရောင်းချခဲ့ပါတယ်။ 

Photo: hca barbieri


အီလွန်မတ်စ်ရဲ့ မှတ်ချက်ပါ စာစစ်အဖြေလွှာဟာ ၇၇၅၃ ဒေါ်လာ (မြန်မာငွေ သိန်း ၁၄၀ ခန့်)အထိ ရခဲ့တယ်လို့ဆိုပါတယ်။ RR Auctions ဟာ တစ်ခါကတည်း SpaceX တည်ထောင်သူနဲ့ CEO အီလွန်မတ်စ်ရဲ့ လက်မှတ်ပါ ဓါတ်ပုံတစ်ပုံကို ၁၃၈၃ ဒေါ်လာနဲ့ လေလံတင်ရောင်းချခဲ့သလို ကမ္ဘာကျော်ပုဂ္ဂိုလ်တွေဖြစ်တဲ့ စတိဗ်ဂျော့စ် ၊ အိုင်းစတိုင်းတို့ရဲ့ လက်ရေးမူတွေနဲ့ အမှတ်တရတွေကိုပါ လေလံတင်ခဲ့တဲ့ လေလံရုံလည်း ဖြစ်ပါတယ်။ 


ဆက်စပ်အကြောင်းအရာများ

Share

က္က