အေးမြတ်သူက သူ့စိတ်ကူးထဲက မင်္ဂလာပွဲ ပုံစံလေးကိုပြောပြလာပါတယ်။ လက်ရှိမှာလည်း အိမ်ထောင်ပြုချင်တဲ့ ဆန္ဒရှိနေပြီလို့ ဆိုပါတယ်။

သရုပ်ဆောင် အေးမြတ်သူက သူ့ရင်ထဲက အိမ်ထောင်ပြုချင်တဲ့ဆန္ဒကို ပွင့်ပွင့်လင်းလင်း ရင်ဖွင့်ပြောပြလာပါတယ်။ သူမဟာ သရုပ်ဆောင် သူထူးစံနဲ့ ထိုက်ဆုဝင်း တို့ရဲ့ မင်္ဂလာဧည့်ခံပွဲမှာ ဝိုင်းဝန်းကူညီဆောင်ရွက်ရင်းနဲ့ အတွေ့အကြုံတွေ ရပြီလို့ မီဒီယာတွေကနေတဆင့်ပြောပြလာပါတယ်။

‘’ မင်္ဂလာဆောင်ချင်ပါတယ်။ ရင်ထဲမှာလည်း အိမ်ထောင်ပြုချင်တဲ့ ဆန္ဒက အရမ်းကိုရှိပါတယ်။ မိသားစု တစ်စု ထူထောင်ချင်တယ်ပေါ့နော်။ အိမ်ထောင်ရှင်မတစ်ယောက်၊ အိမ်ထောင်ရှင်မကောင်း တစ်ယောက်ဖြစ်ချင်တယ်ရှင့်။ ဒါကလည်း ဖြစ်ချင်တာ ဖြစ်လာဦးမှ ကံပါမှလည်း ဖြစ်မှာကိုး။ အေးမြတ်သူကတော့ သမီးနေရာမှာပဲ နေရနေရ၊ အိမ်ထောင်ရှင်မ နေရာမှာပဲ နေရ နေရ ကိုယ်အဆင်ပြေဆုံးနဲ့ အကောင်းဆုံးဖြစ်အောင် နေထိုင်နေတယ်လို့ပြောချင်ပါတယ်’’ လို့ သူကဆိုပါတယ်။

အေးမြတ်သူအတွက် မင်္ဂလာသတင်းကတော့ နောက်ထပ် ၅ နှစ်လောက် လိုပါဦးမယ်တဲ့။ သူမဟာ ချစ်သူရှိတယ်လို့ ပရိသတ်ကို ပြောပြထားသူဖြစ်ပါတယ်။ သူမစိတ်ကူးထဲက မင်္ဂလာပွဲကိုလည်း အခုလိုပြောပြထားပါတယ်။

‘’ အေးမြတ်သူကတော့ နောက်ထပ် ၅ နှစ်လောက်တော့ လိုဦးမယ်ထင်တယ်။ ဈေးနှုန်းအသက်သာဆုံးနဲ့ အခမ်းနားဆုံးဖြစ်ချင်တာ။ လက်ဖွဲ့ငွေလည်း အများကြီးရချင်တယ်။ အဲဒါကြောင့်လည်း ယောကျ်ားယူစေချင်တဲ့သူ ရှိမှာ မဟုတ်ဘူး’’ ဆိုပြီးတော့ ရယ်ရယ်မောမောနဲ့ဖြေဆိုခဲ့ပါတယ်။

Photo: အေးမြတ်သူ

အဲဒီနောက် သူမရဲ့ အချစ်ရေးကို စိတ်ဝင်စားပေးကြတဲ့ ပရိသတ်တွေကို ကျေးဇူးတင်စကားပြောခဲ့ပါတယ်။ ပရိသတ် မေတ္တာနဲ့ အနုပညာအလုပ်တွေ ဆက်လုပ်သွားချင်တယ်လို့ သူကဆိုပါတယ်။

Photo: Aung Naing

အေးမြတ်သူ(Aye Myat Thu)ဟာ အနုပညာအလုပ်ကို အသက် ၁၉ နှစ်အရွယ်ကတည်းက စတင်လုပ်ကိုင်ခဲ့တာပါ။ အခုဆိုရင်တော့ အသက် ၃၃ နှစ်ကျော်ပြီဖြစ်တဲ့ မင်းသမီးချော တစ်ယောက်ဖြစ်ပါတယ်။ အခုချိန်မှာတော့ ရုပ်ရှင်ဇာတ်ကားတွေ၊ ဗီဒီယို ဇာတ်ကားတွေ၊ တီဗီကြော်ငြာပေါင်း များစွာတို့ကို ရိုက်ကူးခဲ့တဲ့ သရုပ်ဆောင်တစ်ယောက်ပါ။