နှစ်ဖက်အသင်းသတင်းများ

- ချန်ပီယံလိဂ်ပွဲကို လိုက်ပါမသွားတဲ့ ဗလန်စီယာ နဲ့ လင်ဂတ်တို့ ပွဲထွက်လာဖွယ် ရှိပါတယ်။

Photo : 101 great goals

- ဖီးလ်ဂျုံး၊ ဟာရဲရား နဲ့ ရိုဟိုတို့ ဒဏ်ရာပြသနာအနည်းငယ် ရှိနေပါတယ်။

- ဝုလ်ဗ်မှာတော့ တောင်ပံကစားသမား အိုင်ဗန်ကာဗယ်လီယို နောက်ကျောဒဏ်ရာ ရှိနေပါတယ်။

- အသင်းရဲ့ စံချိန်တင်ပြောင်းရွှေ့ကြေးရှင် ထရာအိုယေး ပါဝင်နိုင်ဖွယ် ရှိနေပါတယ်။

အချက်အလက်များ

- အိုးထရက်ဖို့ဒ်မှာ နောက်ဆုံးတွေ့ဆုံခဲ့တဲ့ (၆)ကြိမ်စလုံးကို မန်ယူက အနိုင်ကစားထားပါတယ်။

- ဝုလ်ဗ်ကတော့ အိုးထရက်ဖို့ဒ်မှာ လာကစားတဲ့ နောက်ဆုံး (၇)ကြိမ်မှာ (၂)ဂိုးသာ ဂိုးသွင်းထားနိုင်ခဲ့ပါတယ်။

- မန်ယူက နောက်ဆုံးခဲ့တဲ့ ပရီးမီးယားလိဂ် အိမ်ကွင်း (၅)ပွဲမှာ (၃)ပွဲသာ အနိုင်ရထားပါတယ်။

Photo : 101 great goals

- ၂၀၁၄ နောက်ပိုင်း မန်ယူဟာ အိမ်ကွင်းမှာ (၂)ပွဲဆက် မရှုံးနိမ့်ထားပါဘူး။

- မော်ရင်ဟိုရဲ့ နည်းပြသက်တမ်းမှာလည်း အိမ်ကွင်းမှာ ဘယ်တုန်းကမှ (၂)ပွဲဆက် မရှုံးနိမ့်ထားဘူးလို့ သိရပါတယ်။

- ဝုလ်ဗ်ကတော့ ပရီးမီးယားလိဂ်နောက်ဆုံး (၂)ပွဲလုံးကို (၁-ဝ)တွေနဲ့ အနိုင်ရထားပါတယ်။ ၁၉၈၀ နောက်ပိုင်း ဝုလ်ဗ်ဟာ လိဂ်ပွဲ (၃)ပွဲဆက် ဘယ်တုန်းကမှ အနိုင်မရခဲ့ဖူးပါဘူး။

Photo : 101 great goals

- တန်းတက်အသင်းတွေနဲ့ ရင်ဆိုင်ခဲ့တဲ့ အိမ်ကွင်းပွဲ (၄၉)ပွဲမှာ မန်ယူဟာ တစ်ပွဲသာ အရေးနိမ့်ခဲ့ပါတယ်။ အဲဒါကတော့ ၂၀၁၅ တုန်းက နော်ဝှစ်ချ်ကို ၁-၂ နဲ့ ရှုံးခဲ့တာပါ။

- လူကာကူကတော့ မန်ယူအတွက် ဒီရာသီမှာ (၄)ဂိုးသွင်းယူပေးထားပါတယ်။

- ဆန်းချက်ဇ်ဟာ တန်းတက်အသင်းတွေနဲ့ ရင်ဆိုင်ခဲ့တဲ့ ပရီးမီးယားလိဂ် (၂၂)ပွဲမှာ သွင်းဂိုး ၁၉ဂိုးနဲ့ ပတ်သက်ခဲ့ပြီး (၁၅)ဂိုးသွင်းကာ (၄)ကြိမ် ဖန်တီးနိုင်ခဲ့ပါတယ်။

Photo : 101 great goals

- အိုးထရက်ဖို့ဒ်မှာ ဝုလ်ဗ်တို့ နိုင်ပွဲမရတာ (၃၈)နှစ် ကြာမြင့်ခဲ့ပြီ ဖြစ်ပါတယ်။

ဖြစ်နိုင်ဖွယ် လူစာရင်း

ပေါလ်မာဆွန်ရဲ့ ခန့်မှန်းချက်

အိုးထရက်ဖို့ဒ်မှာ အနိုင်ရဖို့ဆိုတာ ဝုလ်ဗ်အတွက်တော့ ခမ်းနားတဲ့ အိပ်မက်တစ်ခုလိုပါပဲ။ ယန်းဘွိုင်းနဲ့ပွဲမှာ မန်ယူက ကောင်းမွန်တဲ့ ရလာဒ်ကို ပိုင်ဆိုင်ခဲ့ပါတယ်။ မန်ယူရဲ့ အရည်အသွေးက ဝုလ်ဗ်ထက် မြင့်မားနေပြီး အိမ်ကွင်းမှာ နိုင်ပွဲဆက်ဖို့ ကြိုးစားလာမှာ ဖြစ်ပါတယ်။ မန်ယူကပဲ ၃-၁ လောက်နဲ့ နိုင်သွားဖို့ ရှိပါတယ်။