ရတနာမိုင်ကတော့ အဆိုတော်တွေရဲ့ ဟန်ပန်အမူအရာတွေကို လုပ်ပြခဲ့တာ ကိုယ့်ကိုယ်ကိုယ် ရှက်မိတယ်လို့ပြောပါတယ်။ သူကိုယ်တိုင်ကလည်း ခပ်တည်တည်နဲ့ စနောက်တတ်တဲ့သူပါတဲ့။

‘’ အရင်ကတည်းက စတတ်၊ နောက်တတ်ပါတယ်။ ဦးစိန်ဝင်းထွန်းစတိုင်လ် တို့၊ လူတစ်ယောက်ကို ကြည့်လိုက်တာနဲ့ သူက ဘယ်လို ပုံစံဆိုတာကို လုပ်ပြတတ်ပါတယ်။ ကိုယ်က ရုပ်တည်ကြီးနဲ့ စတတ်၊ နောက်တတ်တဲ့အထဲမှာ ပါ ပါတယ်’’ လို့ သူကဆိုပါတယ်။

Photo: Yandanar My

‘’ ကိုယ့်ရဲ့ အမေပုံစံလေးတွေ လုပ်ပြတာကတော့ အိမ်မှာ လုပ်ပြဖြစ်တယ်။ အဘွားပုံစံတွေလည်း လုပ်ပြတယ်။ အဘွားက မနှစ်က ဆုံးသွားတယ်။ အဘွားနာမည်က ဒေါ်အေးကြည်တဲ့ သူ့ကို အမြဲတမ်းစတယ်။ ဒေါင်ဒေါင်မြည်တယ် ခေါင်းလောင်းသံ ကျွန်တော် မုန်းတဲ့ အေးကြည်မရယ် ဆိုရင် လိုက်ရိုက်တာ။ ငယ်ငယ်ကတည်းက စနေကြ’’ ဆိုပြီးတော့ စက်တင်ဘာလ ၁၄ ရက်နေ့ ညက Shwe FM ၁၀ နှစ်ပြည့်ပွဲကို တက်ရောက်ရင်း ဖြေဆိုခဲ့ပါတယ်။

Photo: Yandanar My

မိုင်လေးကတော့ အနုပညာမောင်နှမတွေကို ရုပ်သံအစီအစဉ်တွေမှာ စနောက်ဖို့ အစီအစဉ်တွေ မရှိတော့ပါဘူးတဲ့။ အရင်တုန်းကလည်း ဖြူဖြူကျော်သိန်းရဲ့ အရှေ့မှာ ဖြူဖြူ့ရဲ့ စတိုင်လ်တွေ အတိုင်း စနောက်ခဲ့ဖူးတယ်လို့ ပြောပါတယ်။

‘’ နောက်ထပ် စနောက်ပြဖို့တော့ မရှိတော့ပါဘူး။ ကိုယ်လည်း တော်တော်လေးတော့ရှက်တယ်။ ကိုယ့်ကို အပြင်က လူတွေက အံ့သြသွားကြတာပေါ့။ မမခင်ဘုဏ်းကတော့ ပြောတယ်။ မိုင်လေးတဲ့ မမ အိုက်တင် ကျန်ခဲ့သေးတယ်တဲ့။ လွန်ခဲ့တဲ့ ၇ နှစ်လောက်က ရွှေကုက္ကိုဘက်မှာ သီချင်းသွားဆိုတာ မမဖြူဖြူလည်းပါတယ်။ အဲ့ဒီတုန်းက တစ်ခန်းထဲမှာ အတူတူနေခဲ့တယ်။ အဲဒီတုန်းကဆိုရင် မမဖြူဖြူက မိုင်လေး မမဖြူစတိုင်လ်လေး လုပ်ပြပါဦး။ ကိုယ့် အစ်ကိုတွေ အစ်မတွေရှေ့မှာတော့ လုပ်ပြဖူးတယ်’’ လို့လည်း ပြောပြခဲ့ပါသေးတယ်။

Photo: Yandanar My