အင်္ဂလိပ်ကစားသမားတွေနဲ့ တည်ဆောက်သင့်တယ်လို့ ယုံကြည်နေပါတယ်။

နယူးကာဆယ်ပိုင်ရှင်သစ်က စတာလင်၊ လင်ဂတ်နဲ့ ဒီကလန်ရိုက်တို့ကို ခေါ်ယူဖို့ ကြိုးစားနေတယ်လို့ သတင်းတွေထွက်နေချိန်မှာ ဖာဒီနန်ကပါ တွန်းအားပေးခဲ့တာဖြစ်ပါတယ်။


ဘောလုံးပွဲဝေဖန်သုံးသပ်သူအဖြစ်ဆောင်ရွက်နေတဲ့ ရီယိုဖာဒီနန်က နယူးကာဆယ်ပိုင်ရှင်အသစ်အနေနဲ့ အရည်အသွေးရှိအင်္ဂလန်လူငယ်ကစားသမားတွေနဲ့ အသင်းကိုတည်ဆောက်သင့်တယ်လို့ အကြံပေးပြောဆိုလိုက်ပါတယ်။ လက်ရှိမှာ နယူးကာဆယ်ပိုင်ရှင်သစ်က စတာလင်၊ လင်ဂတ်နဲ့ ဒီကလန်ရိုက်တို့ကို ခေါ်ယူဖို့ ကြိုးစားနေတယ်လို့ သတင်းတွေထွက်နေချိန်မှာ ဖာဒီနန်ကပါ တွန်းအားပေးခဲ့တာဖြစ်ပါတယ်။



လာမယ့်ဇန်နဝါရီအပြောင်းအရွှေ့ကာလမှာတော့ နယူးကာဆယ်ဟာ ပေါင်သန်း ၁၀၀ ကျော်အထိ သုံးစွဲလို့ရတဲ့ အခွင့်အရေးရှိနေတာဖြစ်ပါတယ်။ ဆော်ဒီသူဌေးတွေ ဝယ်ယူခဲ့ပြီးနောက် နယူးကာဆယ်ရဲ့အလားအလာက စိတ်ဝင်စားဖို့ကောင်းလာခဲ့ပြီး ဘယ်လိုကစားသမားတွေကိုခေါ်ယူမလဲဆိုတာကို အားလုံးကစောင့်ကြည့်နေကြကာ ဖာဒီနန်က သူ့ရဲ့အမြင်ကို အခုလိုပြောဆိုခဲ့ပါတယ်။ 


"စတာလင်လို ကစားသမားမျိုးကို ကျွန်တော်မြင်မိပါတယ်၊ စတာလင်က ပုံမှန်ကစားခွင့်မရဘူးဖြစ်နေတယ်၊ သူ့ကို ကျွန်တော် မေးချင်တာရှိပါတယ်၊ ဒီကလန်ရိုက်ကိုရောပေါ့၊ ဘာတွေဖြစ်နေလဲဆိုပြီးတော့ ကျွန်တော်မေးချင်ပါတယ်၊ ဒီကစားသမားနှစ်ယောက်က ကျွန်တော်လိုချင်တဲ့ ကစားသမားတွေထဲမှာ ထိပ်ဆုံးကပါ၊ နောက်ထပ်ဆိုရင်တော့ လင်ဂတ်ကို ကျွန်တော်ကြိုးစားသွားမှာပါ၊ သူတို့နဲ့ ဆွေးနွေးမှုလုပ်တာမျိုးက ပိုပြီးလက်တွေ့ကျပါတယ်"

"နယူးကာဆယ်က ဘတ်ပီ၊ ဟာလန်းတို့ကို ချိတ်ဆက်ချင်တယ်လို့လည်း သတင်းတွေထွက်နေတယ်၊ ဒါက အသင်းတိုင်းရဲ့အိပ်မက်ပါ၊ ဒါပေမယ့် ယူနိုက်တက်၊ ချယ်လ်ဆီး၊ မန်စီးတီးတို့မှာ အဆင်မပြေဖြစ်နေတဲ့ ကစားသမားတွေရှိတယ်၊ ကျွန်တော်ကတော့ အဲလိုကစားသမားတွေကို စိတ်ဝင်စားတယ်၊ ပြီးတော့ ကမ္ဘာတဝှမ်းက အရည်အချင်းရှိလူငယ်တွေနဲ့ ပေါင်းစပ်တာမျိုးပေါ့၊ လူငယ်ကစားသမားတွေ၊ အင်္ဂလန်ကစားသမားတွေကို ကျွန်တော်သဘောကျတယ
်"


"မက်စ်အာရွန်၊ နော်ဝှစ်ချ်ညာအစွန်ခံစစ်ကစားသမား၊ သူဆိုရင် ပရီးမီးယားလိဂ်မှာ၊ ပြီးတော့ ကွန်နာဂယ်လ်လာဟာ၊ သူတို့နှစ်ယောက်က နယူးကာဆယ်ကို ရောက်သင့်တဲ့သူတွေလို့ ကျွန်တော်ပြောချင်တယ်၊ နယူးကာဆယ်က အင်္ဂလိပ်ကလပ်ပါ၊ အင်္ဂလိပ်လူငယ်ကစားသမားတွေကို ကျွန်တော်ကတော့ ပိုလိုချင်တယ်" လို့ ဖာဒီနန်က ပြောဆိုခဲ့ကြောင်း Daily Mail က ဖော်ပြခဲ့ပါတယ်။

Share

က္က