မေလ ၁၉ ရက်နေ့က အရုပ်မလေးလို ချစ်စရာကောင်းလှတဲ့ သဉ္ဇာရဲ့ မွေးနေ့ဖြစ်ပါတယ်။ ဒါကြောင့် မမ ဝါဆိုမိုးဦးကလည်း ညီမငယ်လေးကို ရင့်ကျက်စေချင်ပါပြီတဲ့။

ဒီနေ့(မေလ ၁၉) ရက်နေ့က သရုပ်ဆောင် ဝါဆိုမိုးဦးရဲ့ ညီမငယ်လေး သဉ္ဇာရဲ့ မွေးနေ့ဖြစ်ပါတယ်။ ဒီအတွက် မွေးနေ့ဆုတောင်းစကားကိုလည်း အခုလို ပြောပြခဲ့ပါသေးတယ်။

‘’Happy birthday ပါ ငပိန်းမလေး။ အသက်ကြီးလာပြီဆိုတော့ လူကြီးလိုနေပါ မပိန်းပါနဲ့။ အမြဲတမ်းပျော်ရွှင် နိုင်ပါစေ။ Love u so much Wish u all the best’’ ဆိုပြီးတော့ မေလ ၁၉ ရက်နေ့ မနက် ၉နာရီ ၂၁ မိနစ်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

ဝါဆိုမိုးဦးရဲ့ ညီမငယ်လေး သဉ္ဇာကတော့ လက်ရှိမှာ တီဗီကြော်ငြာတွေ၊ မဂ္ဂဇင်းကာဗာတွေရိုက်ကူးနေ ရပြီဖြစ်ပါတယ်။ ချစ်စရာကောင်းလွန်းတဲ့ သူမကိုလည်း အားပေးကြတဲ့ ပရိသတ်တွေက အများကြီးပါ။ ဝါဆိုမိုးဦးက သူ့ရဲ့ ညီမလေးပါလို့ ဖေ့စ်ဘွတ်စာမျက်နှာပေါ်ကနေတဆင့် မိတ်ဆက်ပေးလိုက်တဲ့ အချိန်မှာ သဉ္ဇာ့ကို ပရိသတ်တွေ စသိခဲ့တာပါ။

Photo: Warso Moe Oo

ဝါဆိုမိုးဦးရဲ့ အနုပညာသက်တမ်းကတော့ ၁၀စုနှစ်တစ်ခုကို ရောက်ရှိနေပြီဖြစ်ပါတယ်။ သူမကိုတော့ ဗီဒီယို ဇာတ်ကားတွေကနေတဆင့် ပရိသတ်တွေ စသိခဲ့တာပါ။ အခုလက်ရှိမှာတော့ သရုပ်ဆောင်အလုပ်ထက် ဂီတအလုပ်တွေကို ပိုမိုဦးစားပေးလုပ်ကိုင်လာတာ တွေ့ရပါတယ်။ တစ်ကိုယ်တော် အခွေဖြစ်တဲ့ မိုက်လားပြောကြည့် တေးစီးရီးလည်း ထွက်ရှိထားပါသေးတယ်။

Photo: Warso Moe Oo

အခုဆိုရင်တော့ ဝါဆိုမိုးဦးက သူ့ရဲ့ ချစ်သူ အဆိုတော် ဖြိုးလေး(Snare) နဲ့ သီချင်းတွေ အတူတူ ဆိုဖြစ်နေပါတယ်။ သူတို့ နှစ်ယောက်ဟာ ချစ်သူသက်တမ်း(၃)နှစ်ကျော်ကို ရောက်ရှိလာခဲ့ပါပြီ။ ဒီ ၃ နှစ်အတွင်းမှာလည်း တစ်ယောက်နဲ့ တစ်ယောက် ရန်ဖြစ်လိုက် ပြန်ချစ်လိုက်ပါပဲတဲ့။ လက်ရှိမှာတော့ ဖြိုးလေးက သီချင်းအသစ်တွေ ဖန်တီးနေတာဖြစ်ပါတယ်။ ဝါဆိုမိုးဦးကတော့ စီးပွားရေးဘက်မှာ ပိုပြီး အာရုံစိုက်နေတာကို တွေ့ရပါတယ်။