ပြည်ပမှာ ပညာသင်နေတဲ့ လင်းဇာနည်ဇော်ရဲ့ သမီးလေး မြူလင်းကိုကိုက မွေးနေ့ကို သူငယ်ချင်းတွေနဲ့အတူတူ ဖြတ်သန်းခဲ့တာ တွေ့ရပါတယ်။

ဇွန်လ(၁၂) ရက်နေ့က လင်းဇာနည်ဇော်ရဲ့ သမီးလေး မြူလင်းကိုကိုရဲ့ အသက်(၂၂)နှစ်ပြည့် မွေးနေ့လေးဖြစ်ပါတယ်။ ပြည်ပမှာ ပညာသင်နေရတာဖြစ်လို့ သူမရဲ့ မွေးနေ့ကို သူငယ်ချင်းတွေနဲ့သာ ဖြတ်သန်းခဲ့ရတာတွေ့ရပါတယ်။ သူငယ်ချင်းတွေနဲ့အတူ မွေးနေ့ကို ဖြတ်သန်းခဲ့တဲ့ ပုံလေးတွေကိုလည်း သူမရဲ့ ဖေ့စ်ဘွတ်မှာ ဇွန်လ(၁၂) ရက်နေ့က တင်ထားတာတွေ့ရပါတယ်။

Photo : မြူလင်းကိုကို

‘’အလိုလိုနေရင်းအိပ်မရ။ သတိတွေအရမ်းရ ။ သြော် မိခင်ဘဝ  Happy Birthday သမီးလေးရေ။ ဖြစ်ချင်တာနဲ့ဖြစ်သင့်တာကို ခွဲခြားဆုံးဖြတ်နိုင်တဲ့သူ၊ ဘဝကိုရိုးသားဖြူစင်စွာ လျှောက်လှမ်းနိုင်တဲ့သူ၊ ကိုယ့်အားကိုယ်ကိုးနိုင်တဲ့သူလေးဖြစ်ပါစေ။ အခါတိုင်းနေ့တွေထက် ပိုလွမ်းတယ်ကြွက်မလေးရေ’’ ဆိုပြီး ဇွန်လ(၁၂ ) ရက်နေ့က ရေးထားတာပါ။

Photo : လင်းဇာနည်ဇော်

မြူလင်းကိုကိုက လက်ရှိမှာတော့ သြစတေးလျနိုင်ငံမှာရှိတဲ့ UTS: University of Technology Sydney ကျောင်းမှာ ပညာသင်ယူနေသူပါ။

 မြူလင်းကိုကိုဟာ အနုပညာအလုပ်တွေ မလုပ်ပေမယ့်လည်း ပရိသတ်တွေရဲ့ချစ်ခင်မှုကို ရရှိထားတဲ့ မိန်းကလေးတစ်ဦးပါ။ ချစ်စရာကောင်းတဲ့ မျက်နှာလေးကို ပိုင်ဆိုင်ထားတာကြောင့် ပရိသတ်တချို့က အနုပညာ အလုပ်တွေကို လုပ်စေချင်ကြတာလည်း တွေ့ရပါတယ်။

Photo : လင်းဇာနည်ဇော်

ဒါပေမယ့် လင်းဇာနည်ဇော်ကတော့ သမီးလေးကို အနုပညာအလုပ်တွေကို မလုပ်စေချင်ပေမယ့် သမီလေး ကိုယ်တိုင်က ဝါသနာပါတယ် ဆိုရင် ပံ့ပိုးသွားမှာပါလို့ အင်တာဗျူးတွေမှာ ဖြေဆိုဖူးပါတယ်။ သရုပ်ဆောင် လင်းဇာနည်ဇော်ဟာ Single Mother တစ်ယောက်အဖြစ် ရပ်တည်ပြီး သမီးလေးကို ပြုစုပျိုးထောင်နေသူလည်း ဖြစ်ပါတယ်။ ဇာတ်ကားရိုက်ကူးမှုတွေ နည်းသွားပေမယ့်လည်း ပရိသတ်အားပေးမှု ရရှိထားတဲ့ သူမဟာ ကိုယ်ပိုင်စီးပွားရေးတွေကိုလည်း လုပ်ကိုင်နေ သူပါ။