အင်္ဂလန်တောင်ပံကစားသမားကို ခေါ်ယူလိုတဲ့ ဥရောပအသင်းကြီးအချို့တွင် ပရီးမီးယားလိဂ်အသင်းအများစုပါ ဝင်နေခဲ့တာလည်းဖြစ်ပါတယ်။

သတင်းဖော်ပြမှုတွေအရ ဒေါ့မွန်အသင်းအနေနဲ့ ဆန်ချိုအတွက် လက်ရှိတန်ကြေးထက်ပိုပြီးအလိုရှိနေတဲ့အခြေ အနေမှာ ယူနိုက်တက်အနေနဲ့ ပေါင်သန်း ၅ဝကျော်သာပေးချေလိုနေတဲ့အနေအထားကြောင့် အခက်အခဲအချို့ ရှိနေခဲ့တာလည်းဖြစ်ပါတယ်။

ယူနိုက်တက်ဘက်က ထွက်ပေါ်လာတဲ့သတင်းတွေအရ အစောပိုင်းကာလအတွင်း ဒေါ့မွန်အသင်းအလိုရှိတဲ့ငွေ ကြေးပမာဏကို ပေးချေဖို့အဆင်ပြေခဲ့ပေမယ့်ကိုရိုနာဗိုင်းရပ်စ်ဂယက်ကြောင့်ဝင်ငွေလျော့နည်းခဲ့မှုများနဲ့အတူ ငွေကြေးအရ အဆင်မပြေမှုအချို့ရှိလာခဲ့တာဖြစ်တယ်လို့ သိရပါတယ်။

ဒေါ့မွန်အသင်းအနေနဲ့ ဆန်ချိုအတွက် ပေါင်သန်း ၁၀၀ ဝန်းကျင်အလိုရှိနေတာဖြစ်ပြီး ပွဲစဉ်များရပ်နားထားရတဲ့ လက်ရှိအချိန်ကာလကြောင့် အသင်းကြီးအများစုကိုယ်တိုင် ဘဏ္ဍာရေးအရ အခက်အခဲအချို့ရှိနေခဲ့တဲ့အတွက် အပြောင်းအရွှေ့ဖြစ်ပေါ်ခဲ့သည့်တိုင် စံချိန်တင်အသုံးစရိတ်များအသုံးပြုဖို့ မသေချာတဲ့အခြေအနေရှိနေခဲ့တယ် လို့ ဗြိတိန်မီဒီယာအများစုက သုံးသပ်ဖော်ပြနေကြပါတယ်။