ဖိုဒန်နဲ့ ဂရီလစ်ရှ်တို့ နိုက်ကလပ်သွားခဲ့ကြတာပါ။

နယူးကာဆယ်နဲ့ပွဲစဉ်မှာ ဖိုဒန်နဲ့ ဂရီလစ်ရှ်တို့မပါဝင်ခဲ့တာဟာ ညဘက်အပြင်ထွက်ပြီး စည်းကမ်းချိုးဖောက်ခဲ့တာကြောင့် ဖြစ်တယ်လို့ သိရပါတယ်။ မန်စီးတီးအတွက် ခြေစွမ်းပြနေတဲ့ အင်္ဂလန်ကစားသမားနှစ်ဦးဟာ နယူးကာဆယ်ကို ၄-၀ နဲ့ အနိုင်ရခဲ့တဲ့ပွဲမှာ အရန်ကစားသမားအဖြစ်နဲ့သာ ပါဝင်ခဲ့ပြီး လူစားလဲဝင်ခွင့်တောင်မရရှိခဲ့တာဖြစ်ပါတယ်။ 

လူမှုကွန်ရက်ပေါ်မှာတော့ သူတို့နှစ်ဦးဟာ လိဒ်ကို ၇-၀ နဲ့ အနိုင်ရရှိခဲ့တဲ့ပွဲအပြီးမှာ နိုက်ကလပ်တခုကို သွားရောက်ခဲ့တာကို မြင်တွေ့ရတဲ့ ဓာတ်ပုံတွေ ထွက်ပေါ်လာခဲ့ပါတယ်။ The Times ရဲ့ ဖော်ပြချက်အရ ဂွာဒီယိုလာဟာ သူ့ကစားသမားနှစ်ဦးရဲ့ အမူအကျင့်အပေါ်မှာ စိတ်ပျက်လက်ပျက်ဖြစ်နေပြီး ဒီလိုစည်းကမ်းမလိုက်နာဘူးဆိုရင် ဘယ်သူပဲဖြစ်ဖြစ် ကစားခွင့်ရမှာမဟုတ်ဘူးလို့ ပြောဆိုသွားခဲ့ကြောင်း သိရပါတယ်။ 


"ဒါ အလှည့်ကျလူထုတ်တာမဟုတ်ပါဘူး၊ အသင်းကို ကျနော်ဆုံးဖြတ်ခဲ့တာပါ၊ ဘာလို့လဲဆိုတော့ ဝင်ကစားခွင့်ရသူတွေက ကစားခွင့်ရဖို့ ထိုက်တန်လို့ပါပဲ၊ ခရစ္စမတ်ကာလရောက်ရှိပြီဆိုရင် ကွင်းတွင်းကွင်းပြင်အကျင့်စရိုက်တွေကို ကျနော်အအများကြီး အလေးထားနေရပါတယ်၊ ကွင်းပြင်ပမှာ အဆင်မပြေရင်တော့ သူတို့တွေ ကစားခွင့်ရမှာမဟုတ်ပါဘူး"


"'ဒါကြောင့် အချိန်တိုင်းကို ကျနော်တို့ အာရုံစိုက်ဖို့ လိုအပ်ပါတယ်၊ ဘာလိုပလဲဆိုတော့ ဒီကာလမှာက ဘာမဆိုဖြစ်သွားနိုင်ပါတယ်၊ သတိထားနေရတာပါ" လို့ ဂွာဒီယိုလာက တနင်္ဂနွေနေ့မှာ ပြောဆိုခဲ့ပါတယ်။ ဂရီလစ်ဟာ လိဒ်နဲ့ပွဲမှာ အသင်းအတွက် ခြေစွမ်းပြကစားခဲ့ပြီး အနိုင်ဂိုးတဂိုးသွင်းယူနိုင်ခဲ့သူဖြစ်ပါတယ်။ ဖိုဒန်ကတော့ အသင်းအတွက် ဒိရာသီမှာ ၆ ဂိုးသွင်းပြီး ၆ ကြိမ်ဖန်တီးပေးထားကာ ခြေစွမ်းပြနေတာပါ။ 


မန်စီးတီးကတော့ ဘောက်ဆင်ဒေးနေ့ပွဲစဉ်အဖြစ် လက်စတာကို အိမ်ကွင်းမှာ ရင်ဆိုင်ရဖို့ရှိနေပြီး အဲဒီမတိုင်ခင်မှာ ဘရန်ဖို့ဒ်နဲ့ ကစားရဦးမှာဖြစ်ပါတယ်။ 

Share

က္က