ဝန်ထမ်းအမြောက်အများ အလုပ်လျှော့ခံရပြီးနောက် Twitter ဝန်ထမ်းဟောင်းတွေဟာ ကုမ္ပဏီကို တရားစွဲဆိုလိုက်တယ်လို့ ဆိုပါတယ်။ 

Photo: LA Times

Tesla နဲ့ SpaceX အမှုဆောင်အရာရှိချုပ် အီလွန်မတ်စ်လက်ထဲ ကုမ္ပဏီရောက်သွားပြီးနောက် ရက်ပိုင်းအတွင်း ဝန်ထမ်းတွေ အလုပ်လျှော့တော့မယ့်အကြောင်း Twitter ဟာ ကြာသာပတေးနေ့ညနေက အသိပေးခဲ့ပါတယ်။ အလုပ်ဆက်ရှိနေဦးမယ့် ဝန်ထမ်းတွေကို အလုပ်အီးမေလ်းကနေတစ်ဆင့် အသိပေးသွားမှာ ဖြစ်ပြီး အလုပ်အကိုင်ထိခိုက်သွားတဲ့သူတွေကို သူတို့ရဲ့ ကိုယ်ရေးကိုယ်တာအီးမေးလ်အကောင့်ကနေ ဆက်သွယ်သွားမယ်လို့လည်း ဆိုပါတယ်။ 

Twitter ဝန်ထမ်းဟောင်းတွေရဲ့ တရားစွဲချက်ထဲမှာ ကုမ္ပဏီကို WARN အက်ဥပဒေကို လိုက်နာဖို့ အမိန့်တစ်ခု ထုတ်ပေးရန်ပါ တောင်းဆိုထားပါတယ်။ဒီအတွင်း Twitter ဘက်က ဥပဒေအရ ဝန်ထမ်းရပိုင်ခွင့်တွေ စွန့်လွှတ်စေနိုင်တဲ့ စာရွက်စာတမ်းတွေမှာ ဝန်ထမ်းတွေ လက်မှတ်ထိုးချင်လာအောင် ဖြားယောင်းတာမျိုးကိုလည်း ကာကွယ်ပေးဖို့ ပြောထားပါတယ်။ Twitter ဘက်က ကိုယ်စားလှယ်တွေကတော့ မှတ်ချက်ပြု ပြောကြားခြင်း မရှိပါဘူး။

Photo: Reuters

သောကြာနေ့က တင်ထားတဲ့ အီလွန်မတ်စ်ရဲ့ Tweet ထဲမှာ "ဝန်ထမ်းလျှော့ချခြင်းဟာ စိတ်မကောင်းစရာဘဲ တစ်ရက် ဒေါ်လာ ၄ သန်း ကျော် ဆုံးရှုံးရခြင်းအတွက် ရွေးချယ်စရာမရှိ မဖြစ်မနေ လုပ်ဆောင်လိုက်ရတဲ့ကိစ္စဖြစ်ကြောင်း ၊ အလုပ်လျှော့ခံရသူတိုင်း နစ်နာကြေး ၃ လစာပေးထားပြီး ဒါဟာ ဥပဒေအရ လိုအပ်တာထက် ၅၀% ပိုပေးထားတာ ဖြစ်ကြောင်း" ပြောထားပါတယ်။