အမေရိကန်နိုင်ငံ ကယ်လီဖိုးနီးယားပြည်နယ် အလယ်ပိုင်းရှိ နေအိမ်ခြံဝင်းကွက်လပ်နေရာမှာ ပါတီပွဲကျင်းပရင်း အပျော်တမ်း ဘောလုံးကစားနေစဥ် ပစ်ခတ်မှုဖြစ်ပွားခဲ့ရာ လူလေးဦးသေဆုံးပြီး အခြား လူခြောက်ဦး ဒဏ်ရာရခဲ့ပါတယ်။

(Photo: Larry Valenzuela)

ပစ်ခတ်မှုကြောင့် လူသုံးဦးဟာ အခင်းဖြစ်နေရာမှာတင် သေဆုံးသွားခဲ့ပြီး နောက်ထပ်တစ်ဦးကတော့ ဆေးရုံမှာ သေဆုံးခဲ့ကြောင်း ဖရက်စ်နိုရဲတပ်ဖွဲ့ လက်ထောက်အကြီးအကဲ မိုက်ကယ်ရိဒ်က သတင်းထောက်တွေကို ပြောပါတယ်။ အိမ်ခြံဝင်းအတွင်း ဘောလုံးပွဲမှာ ဖြစ်ပွားခဲ့တဲ့ ပစ်ခတ်မှုကြောင့် သေဆုံးသူနဲ့ ဒဏ်ရာရသူတွေ အားလုံးဟာ အသက် ၂၅ နှစ်နဲ့ ၃၅ နှစ်ကြား အမျိုးသားများဖြစ်ကြောင်း သိရပါတယ်။

(Photo: KGPE: KSEE/CNN)

ယခုပစ်ခတ်မှုမှာ သေနတ်သမား အရေအတွက်ကို အတိအကျ မသိရသေးကြောင်းနဲ့ လူဆိုးဂိုဏ်းနဲ့ ဆက်နွယ်နေတဲ့ အထောက်အထား မတွေ့ရကြောင်းလည်း ၎င်းကဆိုပါတယ်။ လက်ရှိမှာ ရဲအရာရှိတွေက လုံခြုံရေးကင်မရာမှတ်တမ်းနဲ့ မျက်မြင်သက်သေများမှတစ်ဆင့် သံသယရှိတဲ့ သေနတ်သမားတွေကို ရှာဖွေဖမ်းဆီးနိုင်ရန် ဆောင်ရွက်နေကြောင်း ရဲတပ်ဖွဲ့ပြောခွင့်ရအမျိုးသား ဘီလ်ဒိုလီက ပြောပါတယ်။