နှစ်ဖက်အသင်းဒဏ်ရာရ/ပွဲပယ်သတင်း

- ဒီပွဲမှာ ဆန်းချက်ဇ်၊ ဗလန်စီယာ နဲ့ ဒါမီယန်တို့ ပါဝင်ဖို့မရှိဘူးလို့ ဆိုးလ်ရှားက အတည်ပြုထားပါတယ်။

- လူကာကူ နဲ့ လင်ဂတ်တို့ကတော့ မသေမချာဖြစ်နေတဲ့ အနေအထားမှာ ရှိနေပါတယ်။

- ဝက်ဖို့ဒ်မှာ ယူနိုက်တက်ကစားသမားဟောင်း ကလီဗာလေ ပါဝင်နိုင်မှာ မဟုတ်ဘူးလို့ သိရပါတယ်။

- ဟိုးလ်ဘက်စ်ကတော့ ဒဏ်ရာကနေ ပြန်လည်သက်သာလာခဲ့လို့ ပါဝင်နိုင်မှာပါ။

အချက်အလက်၊မှတ်တမ်းများ

- ဝက်ဖို့ဒ်နဲ့ တွေ့ဆုံခဲ့တဲ့ ပရီးမီးယားလိဂ်ပွဲ (၁၁)ပွဲမှာ ယူနိုက်တက်က (၁၀)ပွဲအထိ အနိုင်ရရှိခဲ့ပါတယ်။

- ဝက်ဖို့ဒ်ကတော့ မန်ချက်စတာမှာ လာကစားခဲ့တဲ့ အဝေးကွင်းပွဲ (၁၇)ပွဲမှာ (၁၆)ပွဲအထိ အရေးနိမ့်ခဲ့ပါတယ်။

- ယူနိုက်တက်ဟာ ဒီရာသီမှာ အိမ်ကွင်းပွဲ (၂)ပွဲသာ ပေးဂိုးမရှိခဲ့ပဲ ဖူလ်ဟမ်ထက် တစ်ပွဲသာ သာလွန်နေပါတယ်။

- ယူနိုက်တက်ဟာ ၂၀၁၆ စက်တင်ဘာလမှာ (၃)ပွဲဆက်တိုက် အရေးနိမ့်ခဲ့ဖူးပြီး နောက်ဆုံးပွဲကတော့ ဝက်ဖို့ဒ်ကို ၁-၃ နဲ့ အရေးနိမ့်ခဲ့တာပါ။

- ဝက်ဖို့ဒ်ကစားသမား ဒယ်လိုဖူက နောက်ဆုံး (၄)ပွဲမှာ (၆)ဂိုးအထိ ပါဝင်ပတ်သက်ပြီး (၄)ဂိုးသွင်းကာ (၂)ကြိမ်ဖန်တီးပေးထားပါတယ်။

- ဒီရာသီမှာ မာရှယ်နဲ့ ရက်ရှ်ဖို့ဒ်က လိဂ်ဂိုး (၉)ဂိုးစီ သွင်းယူပေးထားပါတယ်။ ယူနိုက်တက်မှာ ပေါ့ဂ်ဘာ နဲ့ လူကာကူတို့က (၁၀)ဂိုးစီ သွင်းပေးထားပြီးဖြစ်ပါတယ်။ ၂၀၁၂-၁၃ မှာ ယူနိုက်တက်ကစားသမား (၃)ဦးဖြစ်တဲ့ ရွန်နီ၊ ဗန်ပါစီ နဲ့ ဟာနန်ဒက်ဇ်တို့က (၁၀)ဂိုးပြည့်အောင်သွင်းနိုင်ခဲ့ပြီးနောက် အဆိုပါစံချိန်ကို လက်ရှိအချိန်ထိ ပြန်မရသေးပါဘူး။

ဖြစ်နိုင်ဖွယ်လူစာရင်း

ပေါလ်မာဆွန်ရဲ့ ခန့်မှန်းချက်

- ယူနိုက်တက် ချန်ပီယံလိဂ်ဝင်ခွင့် ရရှိဖို့အတွက် ရုန်းကန်နေရတာပါ။ အခွင့်အရေးအများကြီး ရှိနေပါသေးတယ်။ ဝက်ဖို့ဒ်ကတော့ လီဗာပူးလ်နဲ့ပွဲမှာ ဆိုးရွားတဲ့ ကစားပုံကို ပြသခဲ့တာပါ။ ယူနိုက်တက်က နောက်ဆုံး (၂)ပွဲဆက် အရေးနိမ့်ခဲ့ပေမယ့် ဒီပွဲကိုတော့ သူတို့တွေ အနိုင်ယူပြီး

ဖိအားတွေကို ဖယ်ရှားနိုင်ပါလိမ့်မယ်။ ယူနိုက်တက် ၂-၁ ဝက်ဖို့ဒ်ပါ။