တန်ဖိုးကြီးစမတ်ဖုန်းဈေးကွက်မှာပါ နံပါတ်တစ်နေရာက လွှမ်းမိုးထားပါတယ်။

အမေရိကန်နိုင်ငံသားတွေရဲ့ ထက်ဝက်ကျော်ဟာ Android ဖုန်းအစား iPhone သုံးနေကြပြီလို့ ဆိုပါတယ်။ 

CounterPoint Research ရဲ့ အချက်အလက်တွေအရ အမေရိကန်ပြည်ထောင်စုအတွင်း အသုံးပြုနေတဲ့ စမတ်ဖုန်းတွေရဲ့ တစ်ဝက်ကျော်ဟာ Apple ထုတ် iPhone တွေ ဖြစ်ကြတယ်လို့ ဆိုပါတယ်။ ဇွန်လမှာ ကုန်ဆုံးတဲ့ ဘဏ္ဍာရေးကာလသုံးလပတ်အတွင်း အမေရိကန်မှာ iPhone အသုံးပြုသူဦးရေဟာ ၅၀% ကို ကျော်လွန်ခဲ့တာလည်း ဖြစ်ပါတယ်။ Google ရဲ့ Android Operating System သုံး စမတ်ဖုန်းအမှတ်တံဆိပ် ၁၅၀ ဝန်းကျင်ထဲမှာမှ Samsung နဲ့ Lenovo က အမေရိကန်ဈေးကွက်မှာ ဦးဆောင်နေပါတယ်။ 





၂၀၀၇ ခုနှစ်က စတင်ဖြန့်ချိလာခဲ့တဲ့ iPhone တွေဟာ ဇွန်လ သုံးလပတ် Quarter အပြီးမှာ အမေရိကန်စမတ်ဖုန်းဈေးကွက်ထဲ အမြင့်ဆုံးဈေးကွက်ဝေစုကို ရလာခဲ့တာလည်း ဖြစ်ပါတယ်။ စမတ်ဖုန်းသစ် တင်ပို့မှုတွေက ထုတ်ကုန်သစ်မိတ်ဆက်မှုပေါ် မူတည်ပြီး သုံးလပတ်အလိုက် အတက်အကျရှိနိုင်ပေမယ့် တကယ်ပုံမှန်တပ်ဆင်အသုံးပြုနေတဲ့ User Base က ဖုန်းတစ်လုံးရဲ့ လူကြိုက်များမှုကို တိုင်းတာဖို့အတွက် ပိုပြီး နီးစပ်မှန်ကန်မှုရှိနိုင်ပါတယ်။ 

iPhone တပ်ဆင်အသုံးပြုမှုတိုင်းဟာ Apple အတွက် ဝင်ငွေဆက်တိုက်ပေးနေတယ်လို့လည်း CSS Insight သုံးသပ်လေ့လာသူ ဘန်ဝုဒ်စ်က ပြောပါတယ်။ 

"iPhone တစ်လုံးကို တစ်ပတ်ရစ်ပဲ ဖြစ်ဖြစ် နှစ်ပတ်ရစ် ၊ သုံးပတ်ရစ် ဘယ်လိုပဲ ဖြစ်ပါစေ။ ဝယ်တဲ့သူတွေက Apple ကို ပိုက်ဆံပေးနေရတယ်။ ဘယ်လိုပေးရသလဲဆိုရင် iCloud သုံးတာ Apple Music သုံးတာ ၊ Apple Pay နဲ့ ငွေချေတာ ဒါမျိုး Apps တွေ သုံးရင်းနဲ့ ပိုက်ဆံပေးနေရတာပါ။ ဒီစီးပွားရေးပုံစံမျိုးကို တခြားဘယ်သူမှ ပုံတူလာကူးလို့ မရနိုင်ဘူး" လို့လည်း သူက ပြောပါတယ်။ 

Apple ဟာ iPhone ရောင်းချမှုကအပြင် Services စီးပွားရေးကနေပါ အမြတ်အစွန်းနဲ့ ဝင်ငွေ သဲ့ယူနေတာ ဖြစ်ပါတယ်။ Apple ရဲ့ အမြတ်မာဂျင်တစ်ခုလုံး ၃၇-၃၈% ရှိနေချိန်မှာ Services စီးပွားရေးက ရတဲ့ အမြတ်မာဂျင်က ၇၀% ကျော်ရှိမယ်လို့လည်း ခန့်မှန်းထားပါတယ်။ CounterPoint အချက်အလက်တွေအရဆို Apple ဟာ ကမ္ဘာ့ပရီမီယံတန်း တန်ဖိုးကြီးစမတ်ဖုန်းဈေးကွက်မှာပါ နံပါတ်တစ်နေရာက လွှမ်းမိုးထားတယ်လို့ဆိုပါတယ်။ 


ပရီမီယံတန်း စမတ်ဖုန်းတွေကို Counterpoint က ဒေါ်လာ ၄၀၀ နဲ့ အထက်ဈေးနဲ့ ရောင်းချတဲ့ ဖုန်းတွေအဖြစ် သတ်မှတ်ပါတယ်။ ဒီလို ဈေးကွက်မျိုးမှာ Apple ဟာ ကမ္ဘာ့ပရီမီယံဈေးကွက်ရဲ့ ၅၇% ကို ပိုင်ဆိုင်ထားတာ ဖြစ်ပြီး ဒေါ်လာ ၁၀၀၀ နဲ့ အထက် Ultra-Premium ထိပ်တန်းတန်ဖိုးမြင့်ဖုန်းဈေးကွက်မှာဆို Apple ဟာ ဈေးကွက်ဝေစုရဲ့ ၇၈% အထိ ရထားတာ ဖြစ်ပါတယ်။ iPhone ရောင်းချမှုဟာ ပြီးခဲ့တဲ့ ၂၀၂၀ ဩဂုတ်လထဲမှာ Apple ကို ဈေးကွက်တန်ဖိုး ဒေါ်လာ ၂ ထရီလီယံတန် လုပ်ငန်းအဖြစ်ကို ရောက်ရှိစေခဲ့ပါတယ်။ 

Apple ဟာ လာမယ့်စက်တင်ဘာ ၇ ရက် ဗုဒ္ဓဟူးနေ့မှာလည်း Redesign သစ်နဲ့ တန်ဖိုးမြင့် iPhone 14 သစ်တွေကို မိတ်ဆက်သွားမယ်လို့ ကြေညာထားပါတယ်။ စက်တင်ဘာ iPhone မိတ်ဆက်ပွဲမှာတော့ Apple Watch Series 8 စမတ်ဖုန်းတွေလည်း မိတ်ဆက်လာနိုင်ပါတယ်။ 

Share

Loading Next Article...
က္က