နိုင်းနိုင်းက အားလပ်ရက်တွေမှာ သားသမီးတွေနဲ့အတူ တစ်နေ့တာကို ပျော်ပျော်ပါး ပါးဖြတ်သန်းခဲ့တယ်လို့ ဆိုပါတယ်။ ဒီရက်ပိုင်းမှာပဲ နိုင်းနိုင်းနဲ့ဇနီးဖြစ်သူ စန္ဒီချိုတို့ဟာ အိမ်ထောင်သက်တမ်း ၁၁ နှစ်ပြည့်ခဲ့ပြီဖြစ်ပါတယ်။

သရုပ်ဆောင်နိုင်းနိုင်းက လက်ရှိမှာ အမေရိကန်နိုင်ငံ နယူးယော့ခ်မြို့မှာနေထိုင်တဲ့ မိသားစုတွေဆီကို ရောက်ရှိ နေတာဖြစ်ပါတယ်။ သားသားမီးမီးလေးတွေရဲ့ ကျောင်းပိတ်ရက်မှာတော့ ပျော်ပျော်ပါးပါး ဆော့ကစားရင်း အားလပ်ချိန်တွေကို ဖြတ်သန်းဖြစ်တယ်လို့ ဆိုပါတယ်။

‘’အပျင်းပြေ တနင်္ဂနွေ လေးပါပဲ။ ကလေးတွေနဲ့ ဆော့ရတာကိုယ်ပါ ကလေးပြန်ဖြစ်သွားသလိုခံစားရတယ်။ ငယ်ငယ်တုန်းက မဆော့ခဲ့ရတာတွေ ကိုယ့်ကလေးတွေနဲ့ ပြန်ဆော့ရတာ #Actor99’’ ဆိုပြီးတော့ သူ့ရဲ့ ဖေ့စ်ဘွတ်ပေါ်မှာ ဇန်နဝါရီလ ၁၄ ရက်နေ့ မနက် ၃ နာရီ ၅၂ မိနစ်က ရေးခဲ့တာဖြစ်ပါတယ်။

၂၀၀၈ခုနှစ်ကတည်းက လက်တွဲခဲ့တဲ့ နိုင်းနိုင်းနဲ့စန္ဒီချိုတို့ဟာ ယခုဆိုရင် သားသမီးလေးဦး ထွန်းကားလို့ နေပြီ ဖြစ်ပါတယ်။ နားလည်မှုတွေနဲ့ တည်ဆောက်ထားတဲ့ နိုင်းနိုင်းတို့ရဲ့ အိမ်ထောင်ရေးကတော့ မြင်ရသူ ပရိသတ်တွေအဖို့ကြည်နူးဖို့ကောင်း ပါတယ်။ နိုင်းနိုင်း နဲ့ စန္ဒီချိုတို့မှာ သမီး ၃ ယောက်၊ သားတစ်ယောက်ရှိပါတယ်။

Photo: နိုင်းနိုင်း

နိုင်းနိုင်းက မြန်မာနိုင်ငံရဲ့ နာမည်ကျော်သရုပ်ဆောင်မင်းသားတွေထဲမှာလည်း တစ်ဦးအပါအဝင်ဖြစ်ပါတယ်။ သူ့အနေနဲ့ လက်ရှိမှာလည်း အနုပညာအလုပ်တွေ ဆောင်ရွက်နေတာဖြစ်သလို အမေရိကန်နိုင်ငံ နယူးယော့ခ်မြို့မှာရှိတဲ့ မိသားစုတွေကိုလည်း အချိန်ရရင် ရသလို သွား ရောက်နေထိုင်လေ့ရှိတယ်လို့ ဆိုပါတယ်။ အရမ်းကိုချစ်စရာကောင်းပြီး ကြည်နူးမှုတွေလည်း ပိုင်ဆိုင်ထားတဲ့ သူတို့ မိသားစုလေးကို အားမကျတဲ့ ပရိသတ် မရှိသလောက်ပါပဲ။

Photo: နိုင်းနိုင်း

နိုင်းနိုင်းရဲ့ဇနီးဖြစ်သူ စန္ဒီချို တို့ဟာ ဇန်နဝါရီလ ၉ ရက်နေ့က အိမ်ထောင်သက်တမ်း ၁၁ နှစ်ပြည့်ပြီးခဲ့ပြီဖြစ်ပါတယ်။ နိုင် းနိုင်းကတော့ ဇာတ်ကားတွေ ရိုက်ကူးဖို့ရှိရင်တော့ မြန်မာနိုင်ငံကို ရောက်ရှိနေတတ်ပါတယ်။ အနုပညာအလုပ်တစ်ဖက်နဲ့ ဖြစ်တဲ့အတွက် မိသားစုဆီကို တစ်နှစ်ကို နှစ်ခေါက်သာ ပြန်ဖြစ်တယ်လို့ ဆိုပါတယ်။