အမျိုးသားစာပေရှင် စာရေးဆရာ သတင်းစာဆရာကြီးနတ်မောက်ထွန်းရှိန်ဟာ အသက် ၈၄ နှစ်အရွယ်မှာပဲ မန္တလေးမြို့မှာကွယ်လွန်အနိစ္စရောက်ခဲ့ပါ တယ်။

မြန်မာစာပေလောကရဲ့ သုတေသီဆရာကြီးတစ်ဦးလည်းဖြစ်တဲ့ ဆရာကြီးနတ်မောက်ထွန်းရှိန်ကို မကွေးတိုင်းဒေသကြီး၊ နတ်မောက်မြို့နယ် ဘော်အိုင် ကျေးရွာနေ ဦးကျော်ဟန်ဒေါ်ညိုလေးတို့က ၁၉၃၈ ခုနှစ်ကမွေးဖွားပေးခဲ့တာဖြစ်ပြီး ဆရာကြီးဟာ မွေးချင်း ၈ ယောက်ထဲကမှ တတိယမြောက်သား ဖြစ်ပါတယ်။

ငယ်စဉ်ကတည်းက စာပေလောကပျော်မွေ့ရင်း စာပေသတင်းဆောင်းပါးတွေရေးသားခဲ့တာမှာ ဆောင်းပါးပေါင်းခုနှစ်ရာကျော်နဲ့လုံးချင်း ၉ အုပ်ဂထုတ်ဝေခဲ့ဖူးပြီး ဒီအထဲကမှ ရတနာပုံမန္တလေး နိပါတ်ပန်းချီကျော်များနှင့် ဗုဒ၀င်ပညာပေးမြန်မာ့နိပါတ်ပန်းချီလက်ရာများ စာအုပ်နဲ့ ၀င်းတွေနှင့်တည်ခဲ့သည့် မင်းနေပြည်စာအုပ်တို့က အမျိုးသားစာပေဆုရရှိခဲ့ပါတယ်။ ဆရာကြီးဟာတခြားသောစာပေဆိုင်ရာဆုတွေလည်းရရှိခဲ့ဖူးတာမှာ အဲဒီထဲကမှ ထွန်းဖောင်ဒေးရှင်းကပေးအပ်တဲ့ထွန်းဖောင်းဒေးရှင်းစာပေဆုရ မန္တလေးခေတ်ပိဋကတ်စာအုပ်များစာအုပ်ကလည်း မြန်မာစာပေလောကအတွက် တန်ဖိုး ထိုက်တဲ့စာအုပ်တစ်အုပ်ဖြစ်တယ်လို့သိရပါတယ်။